Zezusihi zadawa wasuꞌuꞌwa norĩ nhimiromhuri na robꞌuiꞌéré 17:16 - ꞌRe Ihâimana Uꞌâsi Mono Zadawa Wasuꞌu

¹⁶ Atena ãma, Paulu hã te oto sô mapari zahuré, Sila norĩ zô Timotiuhu me. Tame romhâiba 'manharĩ hã ahâ na te 're simasa, ãma 're idawata za'ra mono zéb da hã. Tahawa, da'ãma pẽ'ẽzé uptabi di, Paulu hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:16 ပူးပေါင်းရင်းမြစ်များ

Salmu 119:136

Ĩtõmo'u te panho'õmo ne ĩwi 're praba, asimiroti da te dasiwi 're 'madâ'â pese mono õ wa.

Salmu 69:9

Asõrõwa zawi pe ĩma 're ihâimana mono hã te unhama ne ĩpẽ'ẽ 'remhã ĩma 're hâimana. Duré ai'ãma iwasété'wa norĩ, te te ai'ãma 're iwasété za'ra mono zé hã te duré ĩnhisiwimhã 're waptã'ã.

Marcu 3:5

Tawamhã Zezusi te da'ab'madâ. Te te ãma irosa'rata norĩ ãma hã, toi õ di. Simirosa'rata wasété nhiptete za'ra wa, ta norĩ ãma pẽ'ẽzé za'ra di. Tawamhã isimizu'rã're ma, te tãma tinha, ãne: — Ma'ãpé, asimizu wahutu. Tawamhã ma tô tinhimizu hã wahutu, aibâ hã. Tahawa, ma tô tinhimizu pese.

Zuwã 2:13

Romhuture di oto, zudeu norĩ te, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi hã. Tawamhã datoi u romhuture wa, te oto Zezusi hã mo Zeruzalẽ u hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:15

Paulu hâiba wapto'wa da hã ma tô duré si'mazatõrĩ za'ra, isazei'wa norĩ hã isiré 'masi'aba'ré da, Atena na 'ri nho'õmo nhisi u te te siwi saprõni za'ra da. Taha pari, ma tô apâ ai'aba'ré, Beréa u. Pauluhu mreme hã te apâ siwi ti'â, Sila norĩ ma, Timotiuhu me, itẽme nep su'u zahuré da, Atena u hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:21

Atena ãma 're isi'ubumroi u'âsi mono norĩ hã, duré darob amoi hawi itẽme 're isihutu mono norĩ hã marĩ hã rowasu'u té hã te te 're wapari ze za'ra mono di. Te te sima ãma 're rowasu'u ze za'ra mono di duré. Tahawa, te ãne tãma nharĩ za'ra, Pauluhu ma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:23

'Ri baba 're ĩmorĩ wa, wa tô te azabu, ãma 're i'aiwata za'ra wa'aba mono zé hã. Nimame, wa tô wedeza ne hã sabu, romhâiba 'manharĩ ma, marĩ hã isisiwimhã da te 're isa'ra za'ra mono zé hã. Taha ãma rob'ui'éré hã wa tô duré sabu. Ãne rob'ui'éré hã: “Iwaihu'upe hã wa te waihu'u za'ra õ nherẽ, ãma 're iwawata za'ra mono zé, ã hã.” Waihu'u õ nherẽ, ãma 're i'aiwata za'ra wa'aba mono hã wa za oto aima waihu'u za'ra wa'wa sõ'awi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:1

Tawamhã Paulu hã ma tô watobro, Atena hawi. Corĩtu na 'ri nho'õmo nhisi u te ãhã wamhã oto mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:22

Ãhã na Zeruzalẽ u wa za mo, 'Re ihâimana u'âsi mono pẽ'ẽzani te te ĩma iwaihu'uzéb zarina. Tame za marĩ hã ĩzô iwatobro hã te waihu'u õ nherẽ, wa za mo. Tane nherẽ, wa za tô mo.

1 Tesalonita 3:1

Tawamhã ai'ãma wapẽ'ẽzé uptabi za'ra wa'aba wa, apâ wasi'aba'rézéb zô wanhimipari waihu'u za'ra õ di oto. Tahawa, wa tô wasisaze za'ra ni, Timotiu hã wa te ãma atẽme satõrĩ za'ra wa'aba da, wa hã ĩsiwaprosi Atena na 'ri nho'õmo nhisi ãma ĩnhamra da nherẽ. Tawamhã wa tô ãma atẽme satõrĩ za'ra wa'aba ni, Timotiu hã. Ta hã wasiré isazei'wa, 'Re ihâimana u'âsi mono ma romhuri'wa, Cristuhu wasu'uwẽ na te te dama 're irowasu'u mono, wasiré. Tahawa, wa tô atẽme satõrĩ za'ra wa'aba ni, te te 're aipawaptob za'ra wa'aba mono da, aihâimana nhiptete sina 're sazei pese za'ra wa'aba mono da, iwasu'uwẽ hawi apâ 're aipizari za'ra wa'aba mono tõ da, da te ai'ãma 're rowasété pese za'ra wa'aba mono nherẽ. A norĩ wa'aba ma hã aima waihu'u pese za'ra wa'aba di, 'Re ihâimana u'âsi mono nhimipisutu zarina, da te wa'ãma 're rowasété za'ra mono wa, wa te 're irobzépata za'ra mono na hã.

2 Pedru 2:7

Loho si 're morĩ wẽ wa, ma tô sõ'reptu, 'Re ihâimana u'âsi mono hã. Dahâimana nhiséb'õ na, 're dahâimana za'ra mono wa, ma tô tipẽ'ẽ na aré te te 're robzépata, Lo hã.