Zezusihi zadawa wasuꞌuꞌwa norĩ nhimiromhuri na robꞌuiꞌéré 16:36 - ꞌRe Ihâimana Uꞌâsi Mono Zadawa Wasuꞌu

³⁶ Tawamhã dazazé 'madâ'â'wa hã ma tô Paulu norĩ ma rowasu'u, ãne: — Danhib'apito norĩ hã ma tô ai'rui wa'wa, da te asani wa'aba da, ane wa'aba da oto. Rowẽ na ane wa'aba za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:36 ပူးပေါင်းရင်းမြစ်များ

Ezodu 4:18

Tawamhã Mozési, timaprewa Zetruhu nhorõwa u ma tô mo. Tahawa, te ãne tãma tinha: — Ĩma rowairébé, a'â Ezitu u apâ ĩmorĩ da wasisabu za'ra da. Wa tô ĩsima wẽ, te sabu za'ra da zahadu rowẽ na 're hâimana za'ra mono zô. Tawamhã Zetru ma te ãma sada'â ãne: — Rowẽ na aimorĩ za!

Marcu 5:34

Tawamhã Zezusi ma tô tãma waihu'u, ãne: — Ĩhidiba, za te aipesezém na, asina ĩ'umnhasi wa, ma tô aihâzé hã aima apa. Rowẽ na si aimorĩ. Ma tô aipe.

Zuwã 14:27

— Rowẽ na si 're anomro aba mono zéb si, wa za oto aima pisutu za'ra wa'wa, ĩ'ãma 're aipẽ'ẽzé za'ra wa'aba mono tõ da, duré asina 're aihâtâ'â za'ra wa'aba mono ãna, 're anomro aba mono da. Taré te aima pisutu za'ra wa'aba õ di. Ĩzazei'õ'wa norĩ nhimipisutuzém nei õ di, ĩnhimipisutuzé hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:33

Tahawa, ma tô bâdâ hã nasi ãma si'utõrĩ zahuré, Sila norĩ ãma Ãtioquia ãma simasisi zahuré ré hã. Tawamhã isazei'wa norĩ hã ma tô apâ siwi satõrĩ za'ra, rowẽ na apâ neb zahuré da, te te siwi isatõrĩ za'ra norĩ u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:23

Da te 're pré'é zahuré mono parimhã, ma tô 'mazasi zahuré ni, dazazéb u. Taha pari, dazazé 'madâ'â'wai ma, ma tô 'ru zahuré ni, hâiba si'uiwa na te te siwi 'madâ'â pese da, pusi õ'umnhasite.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:27

Tahawa, dazazé 'madâ'â'wa hã ma tô udu. Utu wamhã, ma tô 'ridawa hã 'madâ. 'Ridawa haré te za, dazazé hã. Tahawa, ma tô tinhi'wa hã sisada waze, ãma siwĩrĩ da aré, isimasam norĩ hã wairébé newa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:35

Tawamhã awẽ mararé romanu na danhib'apito norĩ hã ma tô damrami'wa norĩ hã sô 'mazatõrĩ za'ra, Paulu norĩ hã da te dasiwi sani da, Silaha me. Ãne te tãma 'ru za'ra: — Aibâ norĩ hã sani wa'aba, neb zahuré da oto.

Zuize 18:6

Tawamhã sasedoti, ma te ãma sada'âbâ za'ra ãne: — Asina aihâtâ'â za'ra wa'aba tõ. Uburé Danhib'apito, apâ i'ai'aba'réi wa'aba zé bâtâ na hã te za asiré tihâimana za'ra wa'wa.

1 Samuéu 1:17

Tawamhã Eri te tãma tinha ãne: — Rowẽ na si aimorĩ. Wa aima wẽ tô, Izaraéu nhihudu norĩ te, 'Re ihâimana u'âsi mono si marĩ tiwi iwaptẽrẽzé hã te te aima sõmri da.

1 Samuéu 20:42

Tawamhã Zonata te Dawihi ma tinha ãne: — Ĩma wẽ di, 'Re ihâimana u'âsi mono hã asiré 're hâimana u'âsi mono da hã. Ĩma wẽ di duré Uburé Danhib'apito te te 're wapawapto mono da, wanhihudu norĩ zama te te duré 're pawaptob za'ra mono da, ropisudu wa te i'manharĩzé hã wa te ãma wasima 're uwaimrami u'âsi mono da si. Ãne te te tãma waihu'u pari, ma tô Dawi hã oto mo. Duré Zonata hã ma tô apâ mo, 'ri'ahâ u hã.

1 Samuéu 25:35

Tawamhã Dawi hã ma tô wẽsã, Abigaiu marĩ te te tãma iduri hã. Taha pari te ãne tãma tinha: — Apâ asõrõwa u te za aimo, asina aihâtâ'â ãna. Wa za tô asima iwẽzé hã aima 'manha.

1 Samuéu 29:7

Tahawa, rowẽ na apâ aimorĩ za 'ri'ahâ u hã, marĩ hã 'manharĩ ãna, filisteu norĩ te i'rãnho'õmo norĩ hã, te te siwi aiwẽ'õ za'ra tõ da.