Zezusihi zadawa wasuꞌuꞌwa norĩ nhimiromhuri na robꞌuiꞌéré 16:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã mara wa'wa, ma tô Paulu norĩ hã 'Re ihâimana u'âsi mono ma timreme zahuré, Silaha me. Tinho're na te duré ãma tiwata zahuré. Tawamhã 'ri 're wa'wa amo niwĩ isimasam norĩ hã te wapari za'ra, isõ're zahuré zé hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:25 ပူးပေါင်းရင်းမြစ်များ

Salmu 119:55

Mara na hã wa duré asisi na 're ĩsipo're pu'u mono, Uburé Danhib'apito! Asimiroti na wa duré te 're romnhoré.

Salmu 119:62

Mara wa'wamhã wa duré 're ĩ'utu, ai'ãma 're ĩwata mono da hã, asimiroti hã i'uwaibaba na si 're hâimana mono wa.

Salmu 22:2

Ĩte 'Re ihâimana u'âsi mono, bâtâ sidâpâsi te 're ai'mahârâ u'âsi mono nherẽ, 're ĩzada'âbâ mono õ di. Duré bara na te 're ai'mahârâ mono nherẽ, 're ĩwa'utu waihu'u mono õ di.

Salmu 34:1

Uburé Danhib'apito ãma, õne u'â wa za bâtâ sidâpâ ãma 're ĩwata u'âsi. Ĩzaihâ na wa za tô te sazâri ãna ãma 're ĩwata u'âsi.

Salmu 91:15

Ta norĩ hã te te 're ĩ'mahârâ za'ra mono wamhã, wa za te 're azada'âbâ. Duré ropire 're, 're hâimana za'ra mono ré hã, wa za tô isiré 're ĩhâimana u'âsi za'ra. Ta norĩ te duré 're anho'reptui mono wamhã, dama wazé pese na 're hâimana za'ra mono da hã, wa za niha na te tãma 're ab'manharĩ.

Luca 22:44

Tiwi robzei'õ uptabi nherẽ, ma tô duré mre, Timama ma, mreme 'rãihâ na. Tahawa, ma tô 're su'u a'a, dawapru ne, ti'ai wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:22

Tawamhã Zezusihi zadawa wasu'u'wa norĩ hã, da'madâ'â'wa norĩ me, ma tô aihĩni ãma sisaze za'ra, isiré isazei'wa norĩ me, Ãtioquia u tisiré norĩ hã te te siwi 'mazatõrĩ zahuré da, Paulu norĩ siré 'maneb zahuré da, Banabéhé me. Tawamhã Zuda hã ma tô siwi pisutu, Basaba na isisi amo hã, isiré neb zahuré da, Silaha me. Ta norĩ hã simiroti prédub zahuré di, isazei'wa norĩ ma hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:19

Tahawa, azarudu hã marĩ hã romhâ ré te te oto dama 're awaihu'u mono õ di. Tahawa, iwada'uri'wa norĩ hã ma tô Paulu norĩ zada tinhiti'ru za'ra, iwa'â te te sima 're waibui mono õ wa oto. Tahawa, ta norĩ hã ma tô siwi pamra, Paulu norĩ hã. Taha pari, ma tô siwi tisa, dama ipire norĩ tẽme 'ri nho're u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:33

Mara wa'wam nherẽ, dazazé 'madâ'â'wa hã ma tô a'â Paulu norĩ hã hâiba upsõ zahuré, da te dasiwi 're ipré'é zahuré mono zém na da te ihânhinarĩ zahuré mono zé hã. Te te upsõ zahuré parip si, ma tô â dawabzuri hã 'manha, dazazé 'madâ'â'wa hã. Ãhã wamhã, isiré 're isi'ubumroi mono norĩ zama ma tô duré 'manharĩ za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:41

Tawamhã ma tô dawi wairé, dama roti'wa norĩ hawi. Da te hâ za'ra nherẽ, to za'ra di, Zezusihi zadawa wasu'u'wa norĩ hã. Isazei'wai wa, Zezusihi ne te te 're robzépata za'ra mono da, 'Re ihâimana u'âsi mono hã te te tãma ipisutu za'ra zém na hã ma tô sina waihu'u za'ra. Tahawa, tãma rowẽ za'ra di.

Roma 12:12

Uburé marĩ iwẽ hã 'Re ihâimana u'âsi mono, za te te wama 're i'apisutu mono zéb zô, wa za wanhimipari nhimi'ẽ na sô 're wahâimana za'ra, wato sina. Zezusihi zazei'wa oto 're anomro aba mono wa, da te 're ai'ruiwapari za'ra wa'aba mono nherẽ, te za asiptete sina ãma 're anomro u'âsi aba mo. 'Re ihâimana u'âsi mono ma, te za 're aimreme zusi u'âsi aba mo.

Roma 5:3

Duré Cristuhu zazei'wa, 're wanomro mono 'ru te, da te wama 're rob'manharĩ za'ra mono wa, wa te 're robzépata za'ra mono ré, wa za watoi u'âsi 're wahâimana za'ra, wa te 're irobzépata za'ra mono zéb zarina, õhõ ãma si wanhiptete sina 're iwahâimana za'ra mono zéb da hã, wa te wasima ãma 're sa'ẽtẽ za'ra mono wa. Ãne hã wa te wasina 're waihu'u pese za'ra mono wa, wa za watoi u'âsi 're wahâimana za'ra.

2 Corĩtu 6:10

Nimahã bâtâ na, da te dasina 're wapẽ'ẽzé zani za'ra mono nherẽ, wa watoi u'âsi 're wahâimana za'ra, 'Re ihâimana u'âsi mono ãma si. Duré wanhibrob'õ na 're wahâimana za'ra mono nherẽ, wa wa te 're dapawaptob za'ra, iwasu'uwẽ na si, danhibro pese ne, rowẽ na 're dahâimana u'âsi za'ra mono da, 'Re ihâimana u'âsi mono siré. Wa norĩ hã wanhimarĩ õ nherẽ, 'Re ihâimana u'âsi mono, uburé te te wama 're i'anhomri mono ré si, wa oto 're wanomro, iwẽ uptabi ré si.

Éfézu 5:19

Aima ãma 're irobze za'ra wa'aba mono zéb da hã, te za 're asõ're za'ra wa'aba mo, Wanhib'apito pẽ'ẽzani te te aima 're iwaihu'u za'ra wa'aba mono zéb zarina. Wanhib'apito hã sõpru wa, te za rowẽ zarina tãma 're asõ're za'ra wa'aba mo, ãma 're aiwata za'ra wa'aba mono da, asõ're na.

Filipu 2:17

Sasedoti norĩ hã 'Re ihâimana u'âsi mono ma, da'ãma romhuri'wa norĩ hã danhimizama na tãma danhoprubzé te te tãma 're izata za'ra mono ne, ma tô a norĩ wa'wa hã tãma 're asisõmri u'âsi za'ra wa'aba mo, tiwi 're asisawi za'ra wa'aba mono ãna, asina 're i'umnhasi za'ra wa'aba mono zéb zarina. Duré sasedoti norĩ hã uwa 'rãi wa'u isé hã, 'Re ihâimana u'âsi mono ma danhoprubzé, danhimizama te te tãma 're izata za'ra mono nhisiwi, te te 're isa'wari za'ra mono ne, ãté ĩwapru hã wa za sa'wa, sena na za da te dasiwi ĩwĩrĩ wamhã, ĩdâ'âzém na 'Re ihâimana u'âsi mono ma, ĩsina ĩnhoprubzéb da. Ãne na za ĩma romhâimana nherẽ, ĩma rowẽ uptabi di za. Duré aima ĩtoi uptabi za'ra wa'aba di za, ãne na ĩma romhâimana nherẽ.

Colosu 1:24

Wa hã ai'udâna za'ra wa'aba, te ai'ãma 're robzépata za'ra wa'aba mono nherẽ, wa ĩto sina 're ĩhâimana. Cristuhu ma si, te 're romhuri mono wa, wa tô te 're robzépata za'ẽtẽ tô, ta hã ti'ai ãma 're morĩ ré, dazada te te irobzépata ne. Tane nherẽ, Cristuhu nhib'a'uwẽ norĩ ma, ĩnhimiromhuri na te tãma ãma 're uwaimrami mono da, wa za tô taha na te 're robzépata u'âsi.

Hebreu 5:7

Zezusi hã ti'ai ãma 're morĩ ré hã, ma tô wawa sina Timama ma mre, mreme 'rãihâ na, za te te irobzépatazém na te te pawaptob da. Tawamhã 'Re ihâimana u'âsi mono, Zezusihi mreme te te wapari wamhã, ma tô sima wẽ tô, te te pawaptob da. Zezusi hã uburé marĩ hã Imama te te tãma ipisutuzéb uwaibaba si, te te 're ab'manharĩ mono da, te te sima 're wẽ u'âsi mono wa, ma tô Imama hã sima wẽ, te te pawaptob da. Duré 'Re ihâimana u'âsi mono, niha na hã te te sima wẽ 'wa'âhã, te aré tô tiwaihu'u pese na hã sõ'reptu, dâ'â tõ da.

Tiagu 1:2

Ĩsisãnawã norĩ, marĩ hã ahâ na asada 're hâimana za'ra wa'aba mono nherẽ, te za atoi u'âsi 're anomro aba mo.

Tiagu 5:13

Ãté asiré isazei'wai wa'wa hã te za robzépata. Ãne wamhã, te za sina rowaptẽ, hâiwa u. Duré ni'wa hã rowẽ tãma hâimana wamhã, tinho're na te za Wamama ãma tiwata.

1 Pedru 4:14

Ãté Cristuhu ãma si 're aihâimana za'ra wa'aba mono 'ru te, te za da te aima 're nharĩ wasété za'ra wa'wa. Tane nherẽ, aima 're rowẽ za'ra wa'aba mono di za. E marĩ wa. 'Re ihâimana u'âsi mono pẽ'ẽzani hã aipẽ'ẽ 're aima 're hâimana za'ra wa'aba mono wa oto, rowẽ uptabi zé hã.