Tane nherẽ, Lo te nasi satõrĩ zadawa za'réi õ zahuré. Tahawa ma tô isõrõwa u oto isiré tineb zahuré. Tawamhã Lo, te danhimi'ru za'ra, dasa iwẽ na tãma danhipi zahuré da hã. Duré i'u'ẽtẽ wapu duptoi'õ da te tãma 'mazebre zahuré da, ma tô dama ti'ru. Tahawa itẽme isimasi hã taha na te oto tisa zahuré.
Zezusihi zadawa wasuꞌuꞌwa norĩ nhimiromhuri na robꞌuiꞌéré 16:15 - ꞌRe Ihâimana Uꞌâsi Mono Zadawa Wasuꞌu15 Tahawa, ma tô â dawabzuri hã 'manharĩ za'ra, Lidia norĩ hã isiré isõrõwa ãma 're isi'ubumroi mono norĩ me. Taha pari, te duré wazô tihârâ za'ra, i'rata wasi'ubumro da a'â. Ãne te wazô tihârâ za'ra: — Wa hã, Wanhib'apito zazei'wa na sena na ĩwaihu'u za'ra wa'aba wamhã, ĩnhorõwa ãma te za asimroi wa'wa a'â. Ãne wama siwaihu'u za'ra zawi te, wa tô itẽme ai'aba'ré ni, i'rata wasi'ubumro da a'â. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 16:15
32 ပူးပေါင်းရင်းမြစ်များ
Ãté ni'wa hã te za 'Re ihâimana u'âsi mono zadawa 'mahârâ'wa hã âri wẽ, isadawa wasu'u'wa na te te waihu'u wa. Ãne ni'wam norĩ hã te te 're 'manharĩ wẽ za'ra mono wamhã, tizadawa wasu'u'wa norĩ ma, za te te 're i'awa'âbâ mono ne, te za 'Re ihâimana u'âsi mono hã te te tãma 're awa'âbâ, damrami wẽ 'wa norĩ ma hã aiwa. Ãté ni'wa hã te za duré 'Re ihâimana u'âsi mono nhimiroti zarina 're imorĩ wẽ uptabi hã âri wẽ, 're imorĩ wẽ uptabi na te te waihu'u wa. Ãne ni'wam norĩ hã te te 're 'manharĩ wẽ za'ra mono wamhã, tinhimiroti 'madâ'â pese 'wa norĩ ma, za te te 're i'awa'âbâ mono ne, te za duré 'Re ihâimana u'âsi mono hã te te tãma 're awa'âbâ aiwa.
Mara wa'wam nherẽ, dazazé 'madâ'â'wa hã ma tô a'â Paulu norĩ hã hâiba upsõ zahuré, da te dasiwi 're ipré'é zahuré mono zém na da te ihânhinarĩ zahuré mono zé hã. Te te upsõ zahuré parip si, ma tô â dawabzuri hã 'manha, dazazé 'madâ'â'wa hã. Ãhã wamhã, isiré 're isi'ubumroi mono norĩ zama ma tô duré 'manharĩ za'ra.
Tawamhã rowahutuzéb ãma 're ida'anhimi'rui mono 'wa hã ma tô saze Wanhib'apito hã, Crispu na isisi hã. Duré, uburé isõrõwa ãma isiré 're isi'ubumroi mono norĩ hã ma duré saze za'ra. Corĩtu ãma 're idasi'ubumroi mono zama ma tô da'ahâ na saze za'ra ni, Zezusihi wasu'uwẽ hã da te wapari za'ra wa. Tahawa, ma tô â dawabzuri hã 'manharĩ za'ra ni.
Wa hã Paulu, ãne wa za duré ãma aima waihu'u za'ra wa'wa. Gaiu hã tinhorõwa u te te ĩ'mazébré hã, te duré ãma asawi za'ra wa'wa. Taha nhorõwa ãma, te wasiré isazei'wa norĩ hã 're si'rã'õtõ u'âsi. Duré Erastu hã ãme 'ri nho'õmo ãma danhib'apito ma, rob'uiprazé za'rata na romhuri'wa hã, te ãma asawi za'ra wa'wa. Wasisãnawã Quartu na isisi zama, te duré ãma asawi za'ra wa'wa.
Cristuhu zadawa wasu'u'wa na, asiwi ĩwaihu'u za'ra wa'aba õ wa, wa tô ĩnhimiromhuri wẽ na si aima ĩsiwasu'u za'ra wa'wa, ãne hã te ĩsima wẽ õ nherẽ. Ãté ĩnhimiza'rese'õ ne, wa tô ãne na aima ĩsiwasu'u za'ra wa'wa, a norĩ wa'wa hã dama 're ĩwasu'u wẽ za'ra wa'aba mono õ 'ru te. 'Re ihâimana u'âsi mono te te 're ĩpawapto mono õ 'wa'âhã, aré marĩ dai õ di, 're ĩhâimana mono zé hã tô. Tane nherẽ, Zezusihi zadawa wasu'u'wa newa, senai'õ na te te aima 're iroti za'ra wa'aba mono norĩ ma, ĩwapu na tãma 're ĩhâimana za'ra mono õ di.
Cristu hã te te 're wa'azawi pese mono wa, wa wanhimi'ẽ na, wa te tãma 're romhuri za'ra, da'ãma. Wa norĩ hã wasima si, 'râwi 're wasi'madâ'â za'ra mono õ di za. Dawasété wa'âbâzéb da, ma tô Cristu hã uburé dazada dârâ da'upana, dawasété wi 'râwi 're dasiwa'âbâ za'ra mono da, dasi'uihâ na dasisada 're dadâ'â waihu'u za'ra mono õ wa.
Wa hã Paulu, Cristu Zezusihi zadawa wasu'u'wa, wa 're ĩhâimana, 'Re ihâimana u'âsi mono te te sima ĩwẽzéb zarina. Tahawa, wa ãma aima rob'ui'éré za'ra wa'wa, Éfézu na 'ri nho'õmo nhisi ãma, 'Re ihâimana u'âsi mono nhib'a'uwẽ, 're i'aihâimana za'ra wa'aba mono norĩ ma. A norĩ wa'wa hã ma tô õne u'â Zezusihi ãma si 're anomro aba mo, aihâimana nhiptete sina.
I'uwaibaba wa tô ãne na hã ai'ãma waihu'u za'ra wa'wa. E marĩ wa. Ĩpẽ'ẽ 're, ĩma asawi za'ra wa'aba zé hã ĩma 're hâimana u'âsi mono wa. Romhuri iwẽ uptabi hã, 'Re ihâimana u'âsi mono, tinhimizawi pese zéb zarina te te ĩma ipisutuzém na, ma tô ĩsiré tãma 're iromhuri za'ra wa'aba mo, tô. Ãhã na dazazéb 're, 're ĩhâimana mono ré, ma tô a norĩ wa'aba zama 're iromhuri za'ra wa'aba mo ĩsiré. Duré dazazéb 're, 're ĩhâimana mono õ ré hã ma tô duré ĩsiré dama 're iwasu'u za'ra wa'aba mo, Cristu hã. Taha wasu'uwẽ hã senai õ newa da te ĩma 're inharĩ za'ra mono ma, te dama 're anharĩ mono ré hã, ma tô ĩsiré 're iromhuri za'ra wa'aba mo, duré sena na da te 're waihu'u za'ra mono da, te dama 're wasu'u mono ré hã, damreme wa'rãmi.
Darob amoi hawi atẽme 're dasihutu za'ra wa'aba mono wamhã, asõrõwa u, te za duré 're ida'mazasi wẽ za'ra wa'aba mo. Ni'wam norĩ hã tinhorõwa u te te 're da'mazasi wẽ za'ra mono wamhã, hâiwa ãma 'Re ihâimana u'âsi mono ma romhuri'wa norĩ hã ma tô te te 're 'mazasi wẽ za'ra, ta norĩ ma, tãma sa'rese za'ra õ nherẽ, hâiwa ãma romhuri'wa norĩ hã.
Sila hã ma tô ĩpawapto, aima ĩnhimiroti suru za'ra wa'aba nherẽ, te te aima rob'ui'éré za'ra wa'aba da. Ta hã ĩsisãnawã ne, te ĩma 're hâimana. Tahawa, ĩma umnhasi di. Wa hã wa tô ĩsima aiwẽ za'ra wa'wa, ĩnhimiroti na te aipawaptob za'ra wa'aba da, Wanhib'apito ãma si asiptete sina 're anomro aba mono da, 'Re ihâimana u'âsi mono nhimipawaptobzé hã asi'uihâ na asina 're waihu'u za'ra wa'aba mono da. Taha wasu'u na si, wa tô te aima 're rowasu'u za'ra wa'wa, tô sena wa ta hã. Tahawa, te te 're aipawapto wẽ za'ra wa'aba mono wa, te za asiptete sina ãma 're anomro aba mo.
ကြော်ငြာတွေ