Izaraéu nhihudu si'aibâ norĩ, ma tô tisiré a'uwẽ'õ norĩ nhipi'õ na ãma 're mro za'ra. Ãhã zarina ma tô 'Re ihâimana u'âsi mono, tinhib'a'uwẽ da, te te ipisutu za'ra norĩ hã ibâi õ na ãma 're sihâimana wamnarĩ za'ra. Tawamhã danhib'ihâ'a norĩ, duré dama i'rãnho'õmo norĩ, ma tô dawasété na danhowamhã dama ãma tihâimana na'rata za'ra.”
Zezusihi zadawa wasuꞌuꞌwa norĩ nhimiromhuri na robꞌuiꞌéré 16:1 - ꞌRe Ihâimana Uꞌâsi Mono Zadawa Wasuꞌu1 Tawamhã Débi u ma tô aimasisi zahuré, Paulu norĩ hã. Taha pari, ma tô duré aimasisi zahuré, Risitira u. Tame te aibâ hã 're sãmra, Zezusihi zazei'wa hã, Timotiu na isisi hã. Ina hã zudeu, Zezusihi zazei'wa, ta hã. Tane nherẽ, imama hã zudeu õ di, gregu norĩ siré hã, ta hã. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 16:1
29 ပူးပေါင်းရင်းမြစ်များ
Tawamhã Iconizu u ma tô aimasisi zahuré, Paulu norĩ hã, Banabéhé me. Tamomo simasisi zahuré wamhã, Ãtioquia ãma sada iromhâimana zahuré ne, ma tô duré sada tiromhâimana zahuré. Ãhã wamhã, Zudeu norĩ te, rowahutuzéb u ma tô tizasi zahuré, te te dama rowasu'u zahuré da. Tawamhã simirowasu'u wẽ wa, mreme wapari ze zahuré di, dama hã. Tahawa, da'ahâ na ma tô saze za'ra ni, zudeu norĩ hã, zudeu'õ norĩ me.
Tame ma tô dama rowahutu zahuré, iwasu'uwẽ na. Tawamhã da'ahâ na ma tô saze za'ra ni, Zezusihi nhirã zarina 're danomro mono da oto. Taha pari, te oto apâ tineb zahuré dahawi, siwa'rãmi. Tawamhã Paulu norĩ hã Risitira wa'wai baba te apâ tineb zahuré siwa'rãmi, duré Iconizu wa'wai baba, duré Ãtioquia wa'wai baba zama.
Taha da, wa tô Timotiu hã atẽme satõrĩ za'ra wa'wa, te te ãma 're aipawaptob za'ra wa'aba mono da. Ta hã ĩ'ra ne, oto ĩma 're hâimana mono wa, ĩma sawi uptabi di duré. Ta hã te Wanhib'apito si te te 're 'madâ'â pese, tiwi sipi'rai ãna. Ta hã atẽme wisi aba wapsi, te za Cristu Zezusihi ãma si 're ĩhâimana mono zém na ãma aipo're pu'u za'ra wa'wa, daro mono bâ isazei'wa norĩ hã 're isi'rã'õtõ mono norĩ ma, te 're iroti mono zém na zama.
Duré aibâ norĩ hã isazei'õ'wa na 're hâimana za'ra mono nherẽ, imro hã isazei'wa na tãma 're hâimana za'ra mono wamhã, 'Re ihâimana u'âsi mono hã pi'õ norĩ ma, rowẽ te te tãma 're ipisutu za'ra mono zéb u'âbâ, te za tô duré aibâ norĩ ma, te te tãma 're pisutu za'ra rowẽ hã, imro hâiba u'âbâ, isazei'õ'wa na 're hâimana za'ra mono nherẽ, aibâ norĩ hã. Duré pi'õ norĩ hã isazei'õ'wa na 're hâimana za'ra mono nherẽ, imro hã isazei'wa na tãma 're hâimana za'ra mono wamhã, 'Re ihâimana u'âsi mono hã aibâ norĩ ma, rowẽ te te tãma 're ipisutu za'ra mono zéb u'âbâ, te za tô duré pi'õ norĩ ma, te te tãma 're pisutu za'ra rowẽ hã, imro hâiba u'âbâ, isazei'õ'wa na 're hâimana za'ra mono nherẽ, pi'õ norĩ hã. Ãnei õ 'wa'âhã, i'ra norĩ isazei'õ'wa norĩ 'ra ne, te aré tô 're hâimana za'ra, 'Re ihâimana u'âsi mono ma hã. Tazahã imama norĩ hâiba u'âbâ, te za tô rowẽ si te te tãma 're apisutu, 'Re ihâimana u'âsi mono hã.
Wa hã Paulu, wa ãma aima rob'ui'éré za'ra wa'wa, Corĩtu ãma, iwasu'uwẽ u 're asi'rã'õtõ aba mono norĩ ma, asiré. Uburé Ataza na danhipti'a nho'õmo nhisi ãma, 'Re ihâimana u'âsi mono nhib'a'uwẽ 're aihâimana za'ra wa'aba mono norĩ ma zama, wa ãma aima rob'ui'éré za'ra wa'wa. 'Re ihâimana u'âsi mono hã ma tô ĩpisutu, Cristu Zezusihi zadawa wasu'u'wa na isadawa para dama 're ĩhâimana mono da, daro mono bâ, te te sima ĩwẽzéb uwaibaba. Wano hã te duré ãma ĩzadawa wapto, uburé te aima ãma irowasu'u za'ra wa'aba zém na hã, Timotiu na wano nhisi hã.
Zezu Cristu hã bété, 'Re ihâimana u'âsi mono 'ra hã. Ta hã tinhimiroti ahâ na te te ãma 're azaprĩ mono õ di. Tô õhõ si isimiroti hã te tãma 're hâimana. Tane duré, wa norĩ hã isadawa wasu'u'wa norĩ hã, Sila norĩ me duré Timotiu, tô i'uwaibaba si, wa tô wa te aima 're wasu'u za'ra wa'wa. Ta norĩ me hã, wa tô wa te aima 're sadawa wasu'u za'ra wa'wa, Cristu hã.
Wa hã Paulu, Timotiuhu me, Cristu Zezusihi ma romhuri'wa norĩ, wa ãma aima rob'ui'éré za'ra wa'aba ni, Filipu na 'ri nho'õmo nhisi ãma uburé 'Re ihâimana u'âsi mono nhib'a'uwẽ 're i'aihâimana za'ra wa'aba mono norĩ ma. Uburé Cristu Zezusihi ãma si 're anomro aba mono norĩ ma, wa ãma aima rob'ui'éré za'ra wa'aba ni, duré isazei'wa norĩ 'madâ'â'wa 're ihâimana za'ra mono norĩ ma zama, duré dapawapto'wa na 're ihâimana za'ra mono norĩ ma zama hã.
Aiwasu'u wẽ za'ra wa'wa hã za te wapari wa, ĩma rowẽ hâ, ĩwasu'u hã za wapari za'ra wa'aba wa, za aima irowẽ za'ra wa'aba ne. Tahawa, wa tô ĩsima wẽ, Timotiu hã te ãma atẽme satõrĩ su'u za'ra wa'aba da. Wanhib'apito Zezusi hã ãne hã sena na te te ĩma pisutu wamhã, wa za tô ãma atẽme satõrĩ za'ra wa'wa, aima ĩwasu'u za'ra wa'aba 'wa da hã, duré apâ we ĩtẽme wisi wa, te te ĩma aiwasu'u za'ra wa'aba 'wa da hã.
Wa hã Paulu, Cristu Zezusihi zadawa wasu'u'wa, wa 're ĩhâimana, 'Re ihâimana u'âsi mono te te sima ĩwẽzéb zarina. Tahawa, wa ãma aima rob'ui'éré za'ra wa'wa, Colosu na 'ri nho'õmo nhisi ãma 'Re ihâimana u'âsi mono nhib'a'uwẽ 're aihâimana za'ra wa'aba mono norĩ ma. Wasisãnawã Timotiu te duré ãma asawi za'ra wa'wa. A norĩ wa'wa hã te oto wasiré wasisãnawãi wa, 're anomro wẽ wa'aba mo Cristuhu ãma si, tiwi 're aipizari za'ra wa'aba mono ãna. Wamama ma, wa ai'ãma 're ĩmreme u'âsi za'ra wa'wa, 'Re ihâimana u'âsi mono ma, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, ãma 're anomro aba mono da hã.
Isazei'wa norĩ, wa hã Paulu, Sila norĩ, Timotiu norĩ me, wa ãma aima rob'ui'éré za'ra wa'aba ni, Tesalonita na 'ri nho'õmo nhisi ãma asiré 're asi'rã'õtõ aba mono norĩ ma. Wamama hã 'Re ihâimana u'âsi mono hã, duré Wanhib'apito Zezu Cristu hã te asina 're i'umnhasi za'ra wa'aba mo, isib'a'uwẽ, 're aihâimana za'ra wa'aba mono da. Wa norĩ hã, wa ta norĩ ma hã, ai'ãma 're wamreme zusi u'âsi 'wa, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, ãma 're anomro aba mono da.
Tawamhã Timotiu hã ma tô we apâ watẽme tiwisi za'ra, aihawib za'ra wa'aba. Ma tô aiwasu'u wẽ za'ra wa'wa hã wei wama ãwisi za'ra. Ãhã wamhã, aiwasu'u wẽ za'ra wa'wa hã wa te wapari ze za'ra di. Cristu hã te, u, asina 're i'umnhasi pese za'ra wa'aba mo. Asimizawi pese za'ra wa'aba na te, u, 're anomro aba mo. Duré, iwẽ na si te, u, wa'ãma 're irosa'rata za'ra wa'aba mo. Iwazabu za'ra wa'aba da si, te, u, 're asimipari za'ra wa'aba mo. Ãne, aiwasu'u wẽ za'ra wa'wa hã, wa te wapari ze za'ra di. Tane tô, wa norĩ zama wa te asabu za'ra wa'aba neza. Wa duré sô mapari za'ra ni aré, wa te i'asabu za'ra wa'aba zéb zô hã.
Isazei'wa norĩ, wa hã Paulu, Sila norĩ me, Timotiu norĩ me, wa ãma aima rob'ui'éré za'ra wa'aba ni, Tesalonita na 'ri nho'õmo nhisi ãma asiré 're asi'rã'õtõ aba mono norĩ ma. Wamama hã 'Re ihâimana u'âsi mono hã, duré Wanhib'apito Zezu Cristu hã te asina 're i'umnhasi za'ra wa'aba mo, isib'a'uwẽ 're aihâimana za'ra wa'aba mono da. Wamama ma, wa ai'ãma 're wamreme zusi u'âsi 'wa, 'Re ihâimana u'âsi mono ma, duré Wanhib'apito Zezu Cristuhu ma zama, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, duré ãma 're anomro aba mono da.
Duréi pese hã ma tô ni'wam norĩ hã Wamama zadawa hawimhã marĩ na aima rowasu'u za'ra, za tãma asimiromhuri na iwaihu'u siromo zéb da. Taha zarina ĩ'ra Timotiu, wa za aima ti'ru, da te aima iwaihu'uzé hã asina 're 'madâ'â u'âsi mono da, roti tô senai õ, ãma 're 'wapéi u'âsi mono da. Ãne te za 're aimo, ãma 're 'wapéi u'âsi mono da. Roti tô sena si te za 're i'madâ'â pese mo, Zezu Cristuhu wasu'uwẽ hã wa te 're isaze za'ra mono zép si. Te za duré 're aimorĩ wẽ. Ãne wamhã, aiwasété õ wamhã, 'râwi 're asisãmri mono õ di za, aiwasété na. Ãhã na ni'wam norĩ hã tiwasété na 're sisãmri za'ra mono nherẽ, 're siwẽ'õ za'ra mono õ di. Tahawa, ma tô oto sazei utõrĩ za'ra, Wanhib'apito nhimiroti hã wa te 're isaze za'ra mono zé hã.
Filemo, a hã wasiwadi wama asawi pese di, duré wasiré Cristu Zezusihi ma romhuri'wa. Ãhã na, wa hã Paulu, wa za asawi, ĩnhimi'ui'éré na. Wano Timotiuhu me, wa za asawi ni. Duré Zezusihi zazei'wa norĩ, asõrõwa u siré 're isi'rã'õtõ mono norĩ zama, wa za ãma azawi ni. Duré wahidiba hã Apiza hã wa za ãma sawi ni. Duré aibâ hã Arquipu hã wa za ãma sawi ni. Ta hã te duré wasiré Wanhib'apito ma, te te 're romhuri pese. Wa hã Zezu Cristuhu ma romhuri'wai wa, ma tô dasiwi ĩ'âri ni. Dazazéb 're ma tô duré dasiwi ĩnherẽ ni. Tawamhã dazazéb 're, ĩnhamra ré, wa za aima ãma rob'ui'éré za'ra wa'wa.
Wasisãnawã Timotiu hã ma tô dazazém hawi watobro, da te tãma irob'ruzéb zarina. Ãne hã waihu'u za'ra wa'aba da, wa tô ĩsima aiwẽ za'ra wa'wa. Tawamhã ta hã we ĩtẽme wisi su'u wamhã, ãme ĩnhamra ré, te te duré ĩnhiza wamhã, te za ãma ĩsiré mo, atẽme za'ra wa'aba, taha zama te te duré asabu za'ra wa'aba da, ĩsiré.
ကြော်ငြာတွေ