Zezusihi zadawa wasuꞌuꞌwa norĩ nhimiromhuri na robꞌuiꞌéré 15:24 - ꞌRe Ihâimana Uꞌâsi Mono Zadawa Wasuꞌu

²⁴ Wa norĩ hã wa tô romreme hã wapari za'ra ni. Aibâ norĩ hã, aré wasiré 're isi'ubumroi mono hã ma tô, u, ãma ai'aba'ré, atẽme za'ra wa'aba, wazadawa para õ nherẽ. Si'uihâ na ma te u, tinhimirowasu'u na aiwi ro'wa'rutu za'ra wa'wa. Ma duré asimirosa'rada hã aiwi 'wa'rutu za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:24 ပူးပေါင်းရင်းမြစ်များ

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:1

Tawamhã aibâ norĩ hã ma tô aihutu Ãtioquia u, Zudéa hawi. Taha wamhã, te isazei'wa norĩ ma, roti za'ra, ãne: — Zudeu'õ norĩ hã, Mozési wahi'rata norĩ ma, te te ipisutu zarina, 're sisihâiwata nhihâri za'ra mono õ nherẽ, 'Re ihâimana u'âsi mono te te 're sõ'reptu za'ra mono õ di za.

Galata 1:7

Aimawi rowasu'u hã Cristuhu wasu'uwẽ me, aiwa 're hâimana mono õ di. Mare uptabi di. E marĩ wa, wa tô ãne aima waihu'u za'ra wa'wa. Ni'wam norĩ hã ma tô sima te te 're wẽ za'ra, Cristuhu wasu'uwẽ upana te te ãma saprĩ za'ra da, aimawi rowasu'u u. Ta norĩ hã ma tô aimawi tinhimirowasu'u na aiwi ãma ro'wa'rutu za'ra wa'wa.

Galata 5:10

Tane nherẽ, simisutu Wanhib'apito nhib'a'uwẽ 're wanomro mono wa, wa za te 're ai'umnhasi za'ra wa'wa, te aima iwaihu'u za'ra wa'aba zéb zarina si, za apâ 're aihâimana za'ra wa'aba mono na. Aibâ hã dama pire na 're hâimana mono nherẽ, aimawi tinhimirowasu'u na te te aiwi 're ro'wa'rutu za'ra wa'aba mono wa, tãma 're rowẽ mono õ di za, ta hã 'Re ihâimana u'âsi mono si za te te azâri wa.

Galata 5:12

Aimawi tinhimirowasu'u na te te aiwi 're iro'wa'rutu za'ra wa'aba mono norĩ hã, tinhihâiwata nhihâri siré, te za pé tane wamhã ta norĩ hã 're si're zani za'ra, wẽ te bâ.

Galata 5:4

Zudeu norĩ ne, ma tô 'râwimhã 're asi'mai'madâ'â aba mo, 'Re ihâimana u'âsi mono nhimiroti 'rata na rob'ui'éré zarina 're rob'manharĩ za'ra wa'aba mono da hã, taha zarina, 'Re ihâimana u'âsi mono, aiwasété za'ra wa'wa hã te te u ai'ãma 're ab'madâ'â aba mono õ wa, te te u duré ãma 're aiwẽsãmri za'ra wa'aba mono da hã, taha zarina aiwasété za'ra wa'aba 'ru te, te te u duré 're aihâ za'ra wa'aba mono tõ da, za irob'rãsutuzéb ãma hã. Ãne taré 'mairosa'rata aba wamhã, ma tô Zezu Cristuhu wi asina ai'maipahâ wa'wa, asimirosa'rata na. Ãhã wa, ma tô 'râwi asiwi i'maiwẽ'õ wa'wa, 'Re ihâimana u'âsi mono nhoprubzé hã Cristu tidâ'âzém na, te te 're ida'anho'reptui mono zéb da hã.

2 Timotiu 2:14

Ãhã wasu'u na te za asimi'madâ'â norĩ hã ãma 're ipo're pu'u za'ra mo. Te za duré aihâimana prédup sina tãma 're i'aroti mo, 'Re ihâimana u'âsi mono nho'a 're wahâimana za'ra mono nherẽ, taré marĩ wasu'u na 're sisada'âbâ za'ra mono tõ da. Dasisada'âbâzé hã wẽ õ wa, taha zarina 're dahâimana za'ra mono wamhã, te za dawi 're si'utõrĩ za'ra, dahâimana wẽ zé hã.

1 Zuwã 2:19

Ta norĩ hã ma tô aré wasiré 're si'rã'õtõ u'âsi, iwasu'uwẽ u. Wasiré uptabi 're hâimana za'ra mono õ nherẽ, ma tô aré wasiré 're hâimana za'ra. Wasiré uptabi, 're hâimana za'ra mono 'wa'âhã, te aré wasiré 're hâimana u'âsi za'ra, 'râwi. Tane nherẽ, ma tô wahawi 're wairébé. Tahawa, wa tô wasina waihu'u za'ra ni oto, wasiré uptabi 're ihâimana za'ra mono õ na hã.