Zezusihi zadawa wasuꞌuꞌwa norĩ nhimiromhuri na robꞌuiꞌéré 14:27 - ꞌRe Ihâimana Uꞌâsi Mono Zadawa Wasuꞌu

²⁷ Ãtioquia u apâ simasisi zahuré wamhã, ma tô isazei'wa norĩ zô tihârâ zahuré, te te itẽme ubumro da. Tahawa, ma tô dama siwasu'u zahuré, 'Re ihâimana u'âsi mono nhimipawaptobzém na. Ãne te tãma rowasu'u za'ra: — 'Re ihâimana u'âsi mono, ma tô wapawapto, marĩ iwẽ hã wa te dama 're 'manharĩ mono da, iwasu'uwẽ hã wa te dama ãwisi da, zudeu'õ norĩ ma zama. Tawamhã ta norĩ zama ma tô te te 're sazei pese za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:27 ပူးပေါင်းရင်းမြစ်များ

Zuwã 9:10

Tahawa te sadanharĩ za'ra, ãne: — E niha ma tô atõmo wẽ, bété.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:18

Ãne hã te te wapari za'ra wamhã, asa te te tãma nharĩ waihu'u za'ra õ di oto. Tahawa, ma tô ãma tiwata za'ra, 'Re ihâimana u'âsi mono ãma. Tawamhã te oto sima rowasu'u za'ra, ãne: — 'Re ihâimana u'âsi mono hã ma tô zudeu'õ norĩ zama pisutu za'ra, tiwasété wi 're sipizari za'ra mono da, 'Re ihâimana u'âsi mono siré, rowẽ na 're hâimana u'âsi za'ra mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:12

Tame isi'ubumro norĩ hã te ari'iwi asimro, Banabé norĩ mreme hã te te wapari za'ra da, Pauluhu me. Uburé zudeu'õ norĩ ma, 'Re ihâimana u'âsi mono zadawa para, marĩ dama i'manharĩ waihu'u'õ hã te te 're i'ab'manharĩ zahuré mono zém na te dama siwasu'u zahuré.

Roma 15:18

Te 're irowasu'u wẽ mono zéb zarina, duré te 're iromhuri wẽ mono zéb zarina ma tô zudeu'õ norĩ hã te te 're wapari pese za'ra, 'Re ihâimana u'âsi mono hã. E tawamhã ĩsi'uihâ na ĩwaihu'u pese na te 're i'ab'manharĩ wẽ mono na, wa za dama ĩsina 're ĩwata. Mare di. Ãne hã i'uwaibaba õ di. Cristuhu nhimipawaptobzéb zarina si, wa tô te tãma 're romhuri u'âsi za'ra, iwasu'uwẽ na hã.

1 Corĩtu 11:18

Ãne uimrehẽne, wa za a'â ai'ãma za'ra wa'aba rob'ui'éré. Ma tô we ĩma aiwasu'u za'ra wa'aba ni, asiré 're asi'rã'õtõ aba mono nherẽ, asima aipo'o aba na hã, 're asisada'âbâ za'ra wa'aba mono 'ru te. Ãne na suru na wa tô dazaze, da te we ĩma aiwasu'u wasété za'ra wa'aba zém na hã. Ãté tô sena, ãne na hã.

1 Corĩtu 14:23

Ãté asiré isazei'wa norĩ me, te za asiré asi'rã'õtõ 'wa, uburé. Tawamhã ãté te za damreme aima iwaihu'u aba õ na, ai'ahâ wa'aba na asima irowasu'u za'ra wa'wa. Tawamhã ãté tane ré, te za isazei'õ'wa norĩ hã, atẽme za'ra wa'aba asisi, isazei'wai hâimanazé, te te waihu'u za'ra õ nherẽ, te te aiwapari za'ra wa'aba da. Ãne wamhã, e niha te za õ norĩ hã ai'ãma rosa'rata za'ra wa'wa. Ãté te za ai'ãma rosa'rata wasété za'ra wa'wa, ai'rã siwamnarĩ za'ra wa'aba newa.

1 Corĩtu 15:10

Tane nherẽ, 'Re ihâimana u'âsi mono hã tinhimizawi pese zéb zarina si, ma tô ĩma tinhopru, tô õhõ na si dama 're ĩhâimana mono da oto, Cristuhu zadawa wasu'u'wa na. E tawamhã, taré ma tô ĩma tinhopru, 'Re ihâimana u'âsi mono hã. Mare di. Wa tô te ĩsina tãma 're uwaimrami u'âsi. Uburé ĩsiré Cristuhu zadawa wasu'u'wa norĩ hã, wa tô romhuri na te 're 'rãnhipai u'âsi za'ra. Tane nherẽ, ĩsi'uihâ na te dama 're romhuri mono õ di. 'Re ihâimana u'âsi mono si, ma tô te te 're ĩpawapto, ãne na te dama 're romhuri mono da, ĩma isõprubzéb zarina si.

1 Corĩtu 16:9

Ĩnhimiromhuri wẽ'õ'wa norĩ hã ahâ uptabi nherẽ, ma tô 'Re ihâimana u'âsi mono hã ĩnhowa ropese ĩma, ãme te tãma 're iromhuri mono zéb da hã. Tahawa, ãmemhã ĩma romhuri ahâ uptabi di za, Zezusihi wasu'uwẽ na te dama 're iromhuri mono zéb da hã.

2 Corĩtu 2:12

Ãne wa za duré aima ĩsiwasu'u za'ra wa'wa. Trowadi na 'ri nho'õmo nhisi u, wa tô mo, tame Cristuhu wasu'uwẽ hã te dama wasu'u da. Tamomo ĩmorĩ wamhã, Wanhib'apito hã ma tô ĩma 'ridawa ĩnhowa, tame te oto tãma romhuri da.

Colosu 4:3

'Re ihâimana u'âsi mono ma, 're aimreme zusi aba mono wamhã, wa'ãma zama te za duré tãma 're aimreme zusi aba mo, ta hã te te wama 're a'ridawa mono da, isadawa wasu'u hã wa te dama 're wasu'u za'ra mono da, Cristuhu wasu'uwẽ aré dama iwaihu'u'õ hã wa te dama 're waihu'u za'ra mono da oto. Taha para, ma tô oto dasiwi ĩ'âri ni, dazazéb 're, da te dasiwi ĩnherẽ da. Tahawa, wa oto taha 're nhamra.