Tahawa, te za 're iropéi wa'aba mo a'uwẽ mono bâ, dama 're ĩzadawa wasu'u za'ra wa'aba mono da, duré a'uwẽ mono bâ da te 're ĩzaze za'ra mono da, taha zarina ĩnhimiroti 'madâ'â'wa 're dahâimana za'ra mono da oto. Da te 're ĩzaze za'ra mono sidâpâsi, te za â dawabzuri hã dama 're i'manharĩ za'ra wa'aba mo, Ĩmama nhisi na, duré ĩnhisi na, duré Ĩmama pẽ'ẽzani nhisi na, ta norĩ zadawa para wa.
Zezusihi zadawa wasuꞌuꞌwa norĩ nhimiromhuri na robꞌuiꞌéré 14:21 - ꞌRe Ihâimana Uꞌâsi Mono Zadawa Wasuꞌu21 Tame ma tô dama rowahutu zahuré, iwasu'uwẽ na. Tawamhã da'ahâ na ma tô saze za'ra ni, Zezusihi nhirã zarina 're danomro mono da oto. Taha pari, te oto apâ tineb zahuré dahawi, siwa'rãmi. Tawamhã Paulu norĩ hã Risitira wa'wai baba te apâ tineb zahuré siwa'rãmi, duré Iconizu wa'wai baba, duré Ãtioquia wa'wai baba zama. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 14:21
14 ပူးပေါင်းရင်းမြစ်များ
Tawamhã Iconizu u ma tô aimasisi zahuré, Paulu norĩ hã, Banabéhé me. Tamomo simasisi zahuré wamhã, Ãtioquia ãma sada iromhâimana zahuré ne, ma tô duré sada tiromhâimana zahuré. Ãhã wamhã, Zudeu norĩ te, rowahutuzéb u ma tô tizasi zahuré, te te dama rowasu'u zahuré da. Tawamhã simirowasu'u wẽ wa, mreme wapari ze zahuré di, dama hã. Tahawa, da'ahâ na ma tô saze za'ra ni, zudeu norĩ hã, zudeu'õ norĩ me.
— Aibâ norĩ, e marĩ da, te za tane i'manharĩ za'ra wa'wa. Tô'ã. 'Manharĩ za'ra wa'aba tõ. Wa norĩ hã aibâ, asine za'ra wa'aba hã. Zezusihi wasu'uwẽ na wa te aima rowasu'u za'ra wa'aba da, wa tô we wanem ni, atẽme za'ra wa'aba. Wa tô duré aima roti za'ra wa'aba ni, taré romhâiba na ãma 're aiwata za'ra wa'aba mono zém hawi 're aipizari za'ra wa'aba mono da, iwaihu'upese newa ãma 're aiwata tõ za'ra wa'aba mono da, 'Re ihâimana u'âsi mono niwĩ 're anomro aba mono da oto. Ta hã ropoto na'rata 'wa, duré hâiwa nhirõtõ 'manharĩ'wa, duré ti'ai 'manharĩ'wa, duré âporé 'manharĩ'wa. Uburé ti'ai ãma 're idanomro mono da hã, ma tô te te da'apoto, hâiwa nhirõtõ ãma 're idahâimana za'ra mono da zama, duré â 'râwi 're inomro mono da zama.
Tawamhã zudeu norĩ hã Ãtioquia hawi te ai'aba'ré, Paulu norĩ zarina, Iconizu hawib zama. Sihutu wamhã, ma tô ãma dawada'uri wasété za'ra, aihĩni sada danhiti'ru za'ra da. Tawamhã ma tô ãma tasisaze za'ra ni. Tahawa, ẽtẽ na ma tô dasiwi hâ ni, Paulu hã da te dasiwi wĩrĩ da. Tawamhã dâ'â newa, ma tô ãma rosa'rata za'ra ni. Tahawa, ma tô da te ãma robâdâ, 'ri ahâ nhiti.
Ta hawi te duré tineb zahuré, rowa'u'u na uba'renem na, dame. Tawamhã apâ ma tô aimasisi zahuré Ãtioquia u, Siria na danhipti'a nho'õmo nhisi ãma timorĩ na te te isãna'rata zahuré zéb u. Ta hawi neb zahuré õ ré, ma tô Paulu norĩ ãma tamreme zusi ni, 'Re ihâimana u'âsi mono ma. Te te tãma 're romhuri wẽ zahuré mono da, te te 're pawaptob u'âsi zahuré mono da, ma tô ãma tamreme zusi ni, Ãtioquia hawi neb zahuré õ ré. Te te dama 're rowahutu zahuré mono parimhã, ma tô apâ aimasisi zahuré.
Tawamhã ãma ronomro pese zahuré pari, te Paulu hã Banabéhé ma tinha, ãne: — Oto wane na apâ, 're iwanebzé na'rata niwĩ. 'Ri nho'õmo u datẽme 're iwaneb na'rata zéb uwaibaba, Wanhib'apito, wa te dama isadawa wasu'u na'rata zéb u, wa za wanem ni, isazei'wa norĩ hã wa te duré sabu na sitéb za'ra da, rowẽ na 're hâimana za'ra mono zô.
ကြော်ငြာတွေ