Zezusihi zadawa wasuꞌuꞌwa norĩ nhimiromhuri na robꞌuiꞌéré 14:15 - ꞌRe Ihâimana Uꞌâsi Mono Zadawa Wasuꞌu

¹⁵ — Aibâ norĩ, e marĩ da, te za tane i'manharĩ za'ra wa'wa. Tô'ã. 'Manharĩ za'ra wa'aba tõ. Wa norĩ hã aibâ, asine za'ra wa'aba hã. Zezusihi wasu'uwẽ na wa te aima rowasu'u za'ra wa'aba da, wa tô we wanem ni, atẽme za'ra wa'aba. Wa tô duré aima roti za'ra wa'aba ni, taré romhâiba na ãma 're aiwata za'ra wa'aba mono zém hawi 're aipizari za'ra wa'aba mono da, iwaihu'upese newa ãma 're aiwata tõ za'ra wa'aba mono da, 'Re ihâimana u'âsi mono niwĩ 're anomro aba mono da oto. Ta hã ropoto na'rata 'wa, duré hâiwa nhirõtõ 'manharĩ'wa, duré ti'ai 'manharĩ'wa, duré âporé 'manharĩ'wa. Uburé ti'ai ãma 're idanomro mono da hã, ma tô te te da'apoto, hâiwa nhirõtõ ãma 're idahâimana za'ra mono da zama, duré â 'râwi 're inomro mono da zama.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:15 ပူးပေါင်းရင်းမြစ်များ

Zenezi 1:1

Ropoto na'rata hawimhã, 'Re ihâimana u'âsi mono, hâiwa duré uburé marĩ iwa 're isimasa mono da hã, ma tô simisutu ti'ai me hã poto za'ra.

Zenezi 41:16

Tawamhã Zuzé ma te asa ãma tãma wa'rã, ãne: — Ta hã, ĩsi'uihâ na hãi õ di. 'Re ihâimana u'âsi mono si, te za irosawẽrẽzém na hã ãma asada'â, marĩ hã za ihâimanazé romnhowam na ãma iwaihu'u wẽ zéb da hã.

Ezodu 20:11

Wa hã, Uburé Danhib'apito, 6 bâtâ 're, wa tô hâiwa hã, ti'a hã, duré â wa 're ihâimana za'ra mono da hã ab'manha. Tawamhã 7 bâtâ ãma wa tô oto wa'udu. Tahawa wa tô sabadu bâdâ iwazéb zahi na aimawi 're ihâimana mono da hã pisutu.

Daniéu 6:26

Uburé a'uwẽ norĩ, ĩnhimi'madâ'âzéb 're daza'rui mono bâ 're i'aihâimana za'ra wa'aba mono ma, wa aima waihu'u za'ra wa'wa, ãne. Ma'ãpé Daniéu, 'Re ihâimana u'âsi mono ãma 're iwata mono hã asiwi 're wazé aba mono. E marĩ wa, õ hã 'Re ihâimana u'âsi mono idâ'â'õ, õne u'â 're ihâimana mono. Niwamhã duré dama i'rãnho'õmo na isimi'madâ'âzé hã isipru waihu'u õ. Duré niwamhã isiptetezé hã tiwi isi'utõrĩ waihu'u õ.

Zona 2:8

“Romhâibarĩ hã marĩ dai õ nherẽ, ãma 're iwata za'ra mono norĩ hã ma tô airẽme za'ra, ai'ãma tinhimizaze za'ra zém na hã.

Mateu 16:16

Tawamhã Sima Pedru ma te ãne asa ãma sada'â: — A hã Cristu, 'Re ihâimana u'âsi mono te te i'aipisudu, Danho'reptui'wa da. A hã 'Re ihâimana u'âsi mono 'ra.

Zuwã 5:26

Imama hã dapẽ'ẽ 're, dadâ'â ãna rowẽ na 're idahâimana u'âsi za'ra mono zé nhomri'wa dama. I'ra wa, ma tô duré pisutu, taha zama 're idahâimana u'âsi za'ra mono zé nhomri'wa na dama 're ihâimana mono da hã.

Zuwã 7:18

Dasi'uihâ na danhimirosa'rata na da te dama 're rowasu'u za'ra mono wamhã, te za sô 're simnhasi za'ra, mreme wẽ wa, ãma 're dawata za'ra mono zô. Datẽme dazatõrĩ'wai ãma si 're dawata za'ra mono da, da te dasima 're wẽ za'ra mono wamhã, tô sena na si danhimirowasu'u hã, dazadawa nhipese ãna.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:26

Tane nherẽ, Pedru hã ma tô wahutu. Ãne te tãma tinha: — Aiwahutu. Wa hã asine hã a'uwẽ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:32

— Wa norĩ zama iwasu'uwẽ hã wa te aima sõmri za'ra wa'aba da, wa ai'rata wahâimana za'ra wa'aba ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:21

Tame ma tô dama rowahutu zahuré, iwasu'uwẽ na. Tawamhã da'ahâ na ma tô saze za'ra ni, Zezusihi nhirã zarina 're danomro mono da oto. Taha pari, te oto apâ tineb zahuré dahawi, siwa'rãmi. Tawamhã Paulu norĩ hã Risitira wa'wai baba te apâ tineb zahuré siwa'rãmi, duré Iconizu wa'wai baba, duré Ãtioquia wa'wai baba zama.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:7

Tame te duré dama rowahutu zahuré, Zezusihi wasu'uwẽ na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:30

Taha pari, ma tô sani zahuré, rob u. Te tãma nharĩ zahuré, ãne: — Aibâ norĩ, e marĩ wa za 'manha, danho'reptuzé hã te ĩsina uwaimrami da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:10

— Aibâ norĩ, ãne wa tô waihu'u siro, za ã hawi iwasi'aba'rézé hã. Ĩma hã wasi'aba'réi waré õ di za, simimnhasi wa. Uba'rene hã te za waré aiprub za'ra. Tahawa, i're iromnhimi'wara hã te za rere za, âi ba. Duré wa norĩ hã ãté wa za ai'utõrĩ ni. Ãne wa tô waihu'u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:21

Tawamhã wasaihuri ãna wahâimana za'ra ré, wa'ãma ropsi'utõrĩ za'ra wamhã, ma tô Paulu hã hâiwi za, iwa'wab za'ra. Ãne te tãma rowasu'u za'ra: — Aibâ norĩ, ĩwapari za'ra wa'aba. E marĩ da, ĩmreme hã saze za'ra wa'aba õ di bété. Ĩmreme hã saze za'ra wa'aba 'wa'âhã, aré Cereta hawimhã wawairébé õ di. Taha 'wa'âhã, aré duré wama rowẽ za'ra di, ãhã na hã. Aré duré marĩ na ãma wasi'uba za'ra õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:25

Tahawa, ãhã na aipahi za'ra wa'aba õ di za. Sada asib'ru za'ra wa'aba. 'Re ihâimana u'âsi mono hã ĩma umnhasi uptabi di. Uburé te te ĩma iwaihu'u zarina, te za tô wama ãma uwaimrami za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:24

Ãne hã da te wapari za'ra wamhã, aihĩni ma tô dasiré ãma tawata za'ra ni, 'Re ihâimana u'âsi mono ãma. Te oto tiwi rowaptẽrẽ za'ra ni, tawamhã ãne: — 'Re ihâimana u'âsi mono, a hã Wanhib'apito uptabi. A hã Ropoto na'rata 'wa. Uburé, ma tô marĩ hã i'apoto mo, hâiwa hã, duré ti'a hã, duré âporé hã. Uburé iwa 're idanomro mono da hã ma tô duré ipo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:26

Tawamhã awẽm na hã ma tô duré mo, tisiré norĩ u. Morĩ wamhã, te duré isiré norĩ hã isõ'a si'wapé zahuré, maparane. Tahawa, ma timreme hã tãma 'morõwĩrĩ zahuré, ãne: “Tô'ã. Asi'wapéi wa'aba tõ. Oro asiré 're anomro aba mono za, te asi'wapéi wa'wa.”

1 Corĩtu 8:4

Duré, waihu'u pese newa, romhâiba 'manharĩ ãma 're idawata za'ra mono zéb da, dasa, da te tãma 're isõmri za'ra mono na, wa za oto aima roti za'ra wa'wa. E romhâiba 'manharĩ ma, dasa, da te tãma 're isõmri za'ra mono na, te za a norĩ wa'wa hã dame ãma 're asaihuri aba mo, isazei'wa 're anomro aba mono nherẽ. E dame ãma 're asaihuri aba mono õ di za. Ãne, wa za aima ãma waihu'u za'ra wa'wa. Romhâiba 'manharĩ ãma 're idawata za'ra mono hã, 'Re ihâimana u'âsi mono nei õ di. Iwaihu'u pese zéb da hã, marĩ hã tãma hâimana õ di. Robaba uptabi di. Tarére ta hã rob'manharĩ. Ãne hã wama waihu'u pese za'ra di. Siwaprosi, te 'Re ihâimana u'âsi mono si 're hâimana, waihu'u pese uptabi na. Isine hã marĩ hã isipai u iwaihu'upe hã 're 'maihâimana mono õ di, aimawi hã. Robaba uptabi di. Ãne hã wama waihu'u pese za'ra di duré.

Éfézu 4:17

Tahawa, tô sena Wanhib'apito zadawa para wa za oto aima roti za'ra wa'wa, Wanhib'apito zazei'õ'wa norĩ ne 're anomro aba mono tõ da, ta norĩ nhimirosa'rada hã tô senai õ wa.

1 Tesalonita 1:9

Aiwasu'u wapari'wa norĩ hã, si'uihâ na te wama rowasu'u za'ra, atẽme iwasihutu aba zém na. Ma tô, u, asima iwawẽ za'ra wa'wa. Te duré wama aiwasu'u za'ra wa'wa, ãne: “Ta norĩ hã, 'Re ihâimana u'âsi mono te te 're sazei pese za'ra. Tahawa, romhâiba 'manharĩ ãma, nasi wata za'ra õ di oto. Te te tãma 're romhuri za'ra mono õ di duré oto. Ma tô rẽme pese za'ra. 'Re ihâimana u'âsi mono si, tô sena hã, u. Tahawa, isadawa wasu'u, ma tô saze za'ra. Tahawa, te taha na si te te tãma 're romhuri pese za'ra.

Hebreu 3:12

Ĩsisãnawã norĩ, 'râwi te za 're asi'madâ'â pese za'ra wa'aba mo, 'Re ihâimana u'âsi mono nhimiroti hã asimirosa'rata wasété aba zarina, asiwi 're wẽ'õ za'ra wa'aba mono wa, tiwi 're aipizari za'ra wa'aba mono tõ da, aré i'rata 're dasi'ubumroi u'âsi mono da, dapisutu'wai wi hã.

Tiagu 5:17

Duréihã Wamama zadawa wasu'u'wa hã te 're hâimana, Eliasi na isisi hã. Ta hã wasine hã te a'uwẽ na 're mo. Ta hã ma tô rowaptẽ hâiwa u, tã we ta'a tõ da hã, ti'ai u hã. Tahawa, si'ubdatõ wahu wãiwamhã, tã hã we ta'a õ di.

Zozué 3:10

Ãne wamhã, 'Re ihâimana u'âsi mono idâ'â'õ asiré ihâimana za'ra wa'aba na te za iwaihu'u za'ra wa'wa, sena na cananeu norĩ hã, hitita norĩ hã, heveu norĩ hã, perizeu norĩ hã, gigazeu norĩ hã, amoreu norĩ hã, duré zebuzeu norĩ hã za te te isani za'ra na zama.

Apocalipsi 14:7

Ãne te mreme 'rãihâ na te te dama 'mahârâ: — 'Re ihâimana u'âsi mono nhimiroti hã 're wazé pese za'ra wa'aba mono. Duré wẽ uptabi wa, ãma 're aiwata pese u'âsi za'ra wa'aba mono. Ma tô iwa waptãrã, 'Re ihâimana u'âsi mono te te da'ãma i'arowairébézéb u da hã, uburé pese. Tahawa, te za Ropoto'wai ãma 're aiwata u'âsi za'ra wa'aba mo, hâiwa 'manharĩ'wai ãma, duré ti'ai 'manharĩ'wai ãma, duré â poré 'manharĩ'wai ãma, duré ub're 'manharĩ'wai ãma.

Apocalipsi 19:10

Tawamhã tô õ hã hâiwa ãma romhuri'wa papara, wa tô ĩhi'rãtitõ aime, ãma ĩwata da aré. Tane nherẽ, te ĩma tinha, ãne: — Tô'ã. Ãne hã 'manharĩ tõ. Wa hã asine hã, 'Re ihâimana u'âsi mono ma romhuri'wa, wa 're ĩhâimana, duré asisãnawã norĩ ne hã, duré asiré isazei'wa norĩ ne hã. Ta norĩ hã roti tô sena uptabi hã, Zezusi te te dama 're i'awaihu'u mono hã te te 're iwapari pese za'ra mono. Ta norĩ ne hã, wa 're ĩhâimana, wa hã. Ma'ãpé 'Re ihâimana u'âsi mono ãma si 're aiwata mono. 'Re ihâimana u'âsi mono zadawa 'mahârâ 'rata 'wa norĩ hã, Ipẽ'ẽzani te te tãma 're iwaihu'u za'ra mono zéb zarina si, te ta norĩ hã te te dama 're sadawa wasu'u za'ra. E marĩ na te bété te te dama 're sadawa wasu'u za'ra. Tô õhõ na, Zezusi, ti'ab ré uburé te te dama 're i'awaihu'u mono na si, te ta norĩ hã te te dama 're sadawa wasu'u za'ra, 'Re ihâimana u'âsi mono hã.

Apocalipsi 19:19

Tawamhã â hawi ropoto siwamnarĩ hã wa tô 'madâ, ti'ai ãma dama ipire za'ra mono norĩ me. Ta norĩ hã ma tô tite da'wapéi'wai mono bâ te te 'rã'õtõ, awaru irã 'mapraba'wa hã te te siwi 'wapé da, duré isiré da'wapéi'wa norĩ zama te te siwi 'wapé za'ra da.

Apocalipsi 22:9

Tane nherẽ, te si'ãma ĩma tinha, ãma ĩwata tõ da. Ãne te tawamhã ĩma tinha: — Tô'ã. Ãne hã 'manharĩ tõ. Wa hã asine, 'Re ihâimana u'âsi mono ma romhuri'wa, wa 're ĩhâimana, duré asisãnawã norĩ ne hã, duré isadawa wasu'u'wa mono norĩ ne hã. Duré ãhã wasu'u na i'arob'ui'éré mono wapari pese 'wa norĩ ne hã wa hã, 'Re ihâimana u'âsi mono ma romhuri'wa. Tahawa, ma'ãpé 'Re ihâimana u'âsi mono ãma si 're aiwata u'âsi mono.

Apocalipsi 4:11

Ãne te nasi ãma tiwata za'ra: “Wanhib'apito, 'Re ihâimana u'âsi mono, a hã aiwẽ uptabi di. Aiwaihu'u pese di. Aiwaihu'u pese na ma tô i'aropoto mo. Asima iwẽ zarina ma tô uburé pese i'aropoto mo. Asima iwẽ zarina te oto uburé marĩ hã 're hâimana za'ra, asimipoto mono bâ. Tahawa, uburé i'aropoto mono zéb zarina tô ibâre, wa ai'ãma si 're wawata u'âsi za'ra.”

1 Samuéu 12:21

Ihâiba'õ norĩ ãma 're anomro aba mono õ di za, 'Re ihâimana u'âsi mono upana ãma 're idawata za'ra mono norĩ ãma hã. Ta norĩ hã simipawapto waihu'u õ di, duré te te asõ'reptu za'ra wa'aba dai õ di. E marĩ wa. Ta norĩ hã sena na hã 're hâimana za'ra mono õ wa.

1 Samuéu 17:26

Tawamhã te Dawi hã dasi'wapéi 'manharĩ'wa norĩ, i'rata isimasam norĩ hã sadanharĩ za'ra ãne: — E marĩ te za ni'wa hã ti'â, ã hã filisteu te te wĩrĩ wa, taha zarina Izaraéu nhihudu norĩ ma te te ropese wa, te te anho'reptui wamhã. E 'wa bété ãhã, filisteu ihâimana wasédé hã. E tô ibâ 'Re ihâimana u'âsi mono te dasi'wapéi 'manharĩ 'wa norĩ zô ihârâ zahi za'ra zé hã.

1 Samuéu 17:36

Wa hã hu'u zérépa te ipãrĩ ré hã duré ursu zama. Tane wa za duré tãma rob'manha, filisteu ihâimana wasété ma hã, 'Re ihâimana u'âsi mono te dasi'wapéi 'manharĩ'wa norĩ zô ihârâ zahi ma hã.