Zezusihi zadawa wasuꞌuꞌwa norĩ nhimiromhuri na robꞌuiꞌéré 13:35 - ꞌRe Ihâimana Uꞌâsi Mono Zadawa Wasuꞌu

³⁵ Ihâiba amo na rob'ui'éré isãna'remhã, te duré wama wasu'u za'ra, ãne: “Te te aima 're iromhuri wẽ u'âsi mono hã dâ'â wamhã, rẽme õ di za, hâiba 'ro tõ da.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:35 ပူးပေါင်းရင်းမြစ်များ

Salmu 16:10

E marĩ wa. A hã 'Re ihâimana u'âsi mono, dadâ'â nhiptetezé wi 're ĩ'madâ'â u'âsi mono wa. Wa hã ai'ãma si 're ĩmorĩ wa, ĩrẽme õ di za, dadâ'â pese zéb u ĩmorĩ da hã.

Salmu 89:48

E 'wa hâiba ré u'âsi 're hâimana mono da bâ. E 'wa te za dadâ'â nhiptetezé wi hã aimani, da te ãma ti'a tõ da hã.

Luca 2:26

'Re ihâimana u'âsi mono pẽ'ẽzani ré, te 're mo, Simiã hã. Ipẽ'ẽzani hã ma tô tãma ropisutu, ãne: “Atâ'â õ ré, te za Danho'reptui'wa da hã isabu, 'Re ihâimana u'âsi mono te te ipisudu hã.” Ãne ma tô Simiãhã ma waihu'u siro.

Zuwã 3:36

I'ra hã Danho'reptui'wa na da te dasina 're umnhasi za'ra mono wamhã, dama 're rowẽ za'ra mono di za. 'Re dadâ'â za'ra mono ãna, te za 're dasi'ubumroi u'âsi i'rata, hâiwa ãma. Imreme, da te 're wapari za'ra mono õ wamhã, dama 're rowẽ za'ra mono õ di za. 'Re ihâimana u'âsi mono nhimihâzé hã te za da te dasina 're waihu'u u'âsi za'ra, i'ra mreme hã da te 're wapari za'ra mono õ wa.

Zuwã 8:51

Tô sena wa za aima rowasu'u za'ra wa'wa. Ĩnhimiroti hã da te 're 'madâ'â pese za'ra mono wamhã, 're dadâ'â za'ra mono ãna te za 're dahâimana u'âsi za'ra.

Hebreu 11:5

Duré Enoqui hã 'Re ihâimana u'âsi mono te te sina 're i'umnhasi mono zéb zarina, ma tô hâiba ré mo, hâiwa u. 'Re ihâimana u'âsi mono hã ma tô hâiba ré sitẽme ti'â. Tahawa, ni'wa te te waihu'u õ di ta hã, idâ'âzém na hã. Duréihã 'Re ihâimana u'âsi mono zadawa 'mahârâ'wa hã ma tô ãne na rowasu'u ibaihâ na, Enoquihi wasu'u na hã: “'Re ihâimana u'âsi mono hã hâiwa u sitẽme te te âri õ ré, ma tô Enoquihi ma 're to, 're imorĩ wẽ zéb zarina.”