Zezusihi zadawa wasuꞌuꞌwa norĩ nhimiromhuri na robꞌuiꞌéré 13:33 - ꞌRe Ihâimana Uꞌâsi Mono Zadawa Wasuꞌu

³³ 'Re ihâimana u'âsi mono, wahi'rata norĩ ma, te te iropisudu hã ma tô wama ãma uwaimrami za'ra oto, wasiré isihudu norĩ ma. Zezusi hã ma tô apâ hâiwa'udu. Apâ ihâiwa'utuzé wasu'u na 'Re ihâimana u'âsi mono ãma danho're na rob'ui'éré, isãna'remhã, te wama wasu'u, ãne: “A hã ĩ'ra. Ã bâtâ na aihâiwa'utuzém na wa za Aimama na aima 're ĩhâimana.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:33 ပူးပေါင်းရင်းမြစ်များ

Salmu 2:7

Tawamhã apito te tinha ãne: “Uburé Danhib'apito te te ĩma iwaihu'uzé, wa za dama sadawa 'mahâ. Uburé Danhib'apito, te ĩma tinha ãne: ‘A hã, ĩ'ra. Ã bâtâ na wa tô aimama na aima 're ĩhâimana mono da hã ĩsi'ãma a'ube.

Zuwã 2:22

Ab're hawi hâiwa'utu wapsi, te za isiré 're inomro mono norĩ hã ãma tipo're pu'u za'ra, apâ za te te i'ri wasu'u na hã. Te za sima rowasu'u za'ra, ãne: “Tô sena na ma tô Zezusi hã tihâiwa'utuzém na dama siwasu'u. Tô sena na ma tô duré wahi'rata norĩ hã romhâ ré ihâiwa'utuzém na rob'ui'éré siromo za'ra ibaihâ na, 'Re ihâimana u'âsi mono zadawa 'mahârâ'wa norĩ hã.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:30

Tane nherẽ, 'Re ihâimana u'âsi mono, ma tô apâ hâiwa'utu, dâ'â uptabi nherẽ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:34

— Duré ãma rob'ui'éré 'rata hâiba amo hã te duré wama wasu'u 'Re ihâimana u'âsi mono, Zezusi dâ'â uptabi nherẽ, apâ za te te ihâiwa'utuzém na, dâ'â u'âsi nomro tõ da. 'Re ihâimana u'âsi mono te tinha, ãne: “Dawihi ma, tô sena marĩ iwẽ na te tãma iropisutuzém na wa za taha u'âbâ aima ãma uwaimrami za'ra wa'wa.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:37

Tane nherẽ, 'Re ihâimana u'âsi mono apâ te te ihâiwa'udu hã, 'roi õ di. Hâiba wẽ na ma tô apâ hâiwa'utu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:24

Tane nherẽ, 'Re ihâimana u'âsi mono hã ma tô hâiwa'utu, ab're hawi watobro da, dâ'â uptabi nherẽ. Ma tô duré pawapto, dâ'â u'âsi nomro tõ da. Idâ'âzé tãma wapure wa, dâ'â u'âsi nomro waihu'u õ di, Zezusi hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:20

Tawamhã awa'awi ma tô iwasu'uwẽ na dama ãma sãna'rata oto, rowahutuzé mono bâ, Zezusi hã 'Re ihâimana u'âsi mono 'ra, 're ihâimana mono na hã.

Hebreu 5:5

Tane duré, Cristu hã si'uihâ na sipisutu õ di, sasedoti ipire uptabi na dama 're ihâimana mono da hã. 'Re ihâimana u'âsi mono si ma tô pisutu. Duréihã ma tô ni'wa hã ãne na ãma rob'ui'éré, 'Re ihâimana u'âsi mono te te irotizém na hã, ti'ra ma: “A hã ĩ'ra na te 're aihâimana mo. Tahawa, wa za ĩ'ra na te 're asisi, dama aipire na 're aihâimana mono da oto.”