Tahawa, te za 're iropéi wa'aba mo a'uwẽ mono bâ, dama 're ĩzadawa wasu'u za'ra wa'aba mono da, duré a'uwẽ mono bâ da te 're ĩzaze za'ra mono da, taha zarina ĩnhimiroti 'madâ'â'wa 're dahâimana za'ra mono da oto. Da te 're ĩzaze za'ra mono sidâpâsi, te za â dawabzuri hã dama 're i'manharĩ za'ra wa'aba mo, Ĩmama nhisi na, duré ĩnhisi na, duré Ĩmama pẽ'ẽzani nhisi na, ta norĩ zadawa para wa.
Zezusihi zadawa wasuꞌuꞌwa norĩ nhimiromhuri na robꞌuiꞌéré 11:26 - ꞌRe Ihâimana Uꞌâsi Mono Zadawa Wasuꞌu26 Tawamhã tamomo wisi wamhã, ma tô sõpẽtẽ. Ta hawi, ma tô apâ saprõ, Ãtioquia u. Tame te aimasisi zahuré oto. Isazei'wa norĩ, siré 're isi'rã'õtõ mono norĩ 'rata te 're simasisi zahuré, te te dama 're rowahutu zahuré mono da. Misi ma tô ãma tiwahub zahuré, te te 're da'apawaptob zahuré mono ré hã. Tame ma tô Cristuhu nhib'a'uwẽ na da te 're sisi na'rata za'ra, Zezusihi nhirã zarina 're inomro mono norĩ hã, Ãtioquia ãma hã. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 11:26
34 ပူးပေါင်းရင်းမြစ်များ
Tane nherẽ, ihâiba amo norĩ hã, Sipri na danhipti'a nho'õmo nhisi ãma aré 're ihâimana za'ra mono norĩ hã, duré Sireni ãma danhipti'a nho'õmo amoi ãma aré 're ihâimana za'ra mono norĩ hã, ma tô ai'aba'ré, Ãtioquia u. Ta norĩ hã zudeu norĩ ma si, te te rowasu'u za'ra õ di, Wanhib'apito Zezusihi wasu'uwẽ na hã. Zudeu'õ norĩ ma zama, ma tô ãma rowasu'u za'ra.
'Ri nho'õmo wa'wai baba neb zahuré wamhã, ma tô isazei'wa norĩ hã pawaptob za'ra, hâimana nhiptete na 're nomro mono da, 'Re ihâimana u'âsi mono ãma te te 're sasõmri u'âsi za'ra mono da. Ãne te duré tãma nharĩ za'ra: — A norĩ wa'wa hã Zezusihi zazei'wai wa, marĩ iwasédé hã da te aima 're 'manharĩ za'ra wa'aba mono wamhã, tãma 're aipahi za'ra wa'aba mono õ di za. Ãne na hã te za tô 're irobzépata za'ra wa'aba mo. Tane nherẽ, 'Re ihâimana u'âsi mono nhib'a'uwẽ oto 're anomro aba mono wa, te za niwapsi hâiwa ãma i'rata 're aihâimana u'âsi za'ra wa'aba mo, rowẽ na. — Ãne te tãma nharĩ za'ra.
Tawamhã 'ri nho'õmo mono bâ isazei'wa norĩ hã siré 're isi'rã'õtõ mono sidâpâsi ma tô da'madâ'â'wa da hã te te 're apisutu zahuré, Paulu norĩ hã. Sai ãna, te duré ta norĩ hã timreme zahuré, Wanhib'apito ma, te te sina 're i'umnhasi za'ra mono ma, iwasété wi da'wawi 're isimapa za'ra mono zém na te te 're pawaptob u'âsi za'ra mono da, da'madâ'â'wa norĩ hã.
Ãtioquia u apâ simasisi zahuré wamhã, ma tô isazei'wa norĩ zô tihârâ zahuré, te te itẽme ubumro da. Tahawa, ma tô dama siwasu'u zahuré, 'Re ihâimana u'âsi mono nhimipawaptobzém na. Ãne te tãma rowasu'u za'ra: — 'Re ihâimana u'âsi mono, ma tô wapawapto, marĩ iwẽ hã wa te dama 're 'manharĩ mono da, iwasu'uwẽ hã wa te dama ãwisi da, zudeu'õ norĩ ma zama. Tawamhã ta norĩ zama ma tô te te 're sazei pese za'ra.
Tawamhã Apolu hã ma tô sima rowẽ, Ataza na danhipti'a nho'õmo nhisi u morĩ da. Tahawa, Éfézu ãma isazei'wa norĩ hã ma tô ãma ana, Apoluhu ãma. Rob'ui'éré hã ma tô tãma sõmri za'ra, Ataza u te te siré âri da. Isazei'wa norĩ hã te te siwi âri wẽ da, ma tô ãma wada'uri za'ra. Tawamhã Apolu hã Ataza u wisi wamhã, ma tô isazei'wa norĩ hã pawapto pese za'ra, 'Re ihâimana u'âsi mono nhimizawi pese zéb zarina te te 're isaze za'ra mono norĩ hã.
Tane nherẽ, ni'wam norĩ hã te te saze za'ra õ di, pẽ'ẽ tete za'ra wa. Wanhib'apito 're imorĩzéb zarina 're idanomro mono zép té wasu'u hã ma tô tiwi wẽ'õ za'ra, danho'a, mreme wasété na. Tahawa, Paulu hã ma tô tiwi timorĩ za'ra, rowahutuzém hawi. Zezusihi zazei'wa norĩ hã ma tô te te simro, Tiranuhu na aibâ nhisi te, romnhorézéb u. Awẽ sidâpâsi, ma tô tame te te tãma 're rowahutu za'ra oto.
Tawamhã damreme na ro'wa'rudu hã ma tô sahâri za'ra ni. Rowẽ di oto. Rob u'âsi nomro wamhã, Paulu hã ma tô Zezusihi zazei'wa norĩ zô tihârâ za'ra. Tahawa, ma tô tãma roti za'ra, siptete sina 're hâimana za'ra mono da. Tawamhã ma tô oto tãma siwasu'u za'ra, za oto imorĩ na hã. Taha pari, te oto mo, Masédonia u.
Tame wa tô duré oto Zezusihi zazei'wa norĩ hã sõpẽtẽ za'ra ni. Wasisõpẽtẽ za'ra wamhã, romhuri misi, ma tô wa'ãma ai'utõrĩ za'ra, wasiré wasi'ubumroi ré hã. Tawamhã isazei'wa norĩ hã 'Re ihâimana u'âsi mono pẽ'ẽzani te te tãma iwaihu'u za'ra zéb zarina, ma tô Pauluhu wi tiwi rosawi za'ra, Zeruzalẽ u hã morĩ tõ da.
Tawamhã ahâ uptabi na ma tô zudeu norĩ hã saze za'ra, gregu norĩ mreme na 're imreme zusi mono norĩ hã, duré hebreu norĩ mreme na 're imreme zusi mono norĩ zama. Tawamhã gregu norĩ mreme na 're imreme zusi mono norĩ hã ma tô aiwapsari za'ra, dazari'wa norĩ hã gregu norĩ imrotõ norĩ ãma 're po're simrami u'âsi za'ra mono wa. Awẽ sidâpâsi, isazei'wa norĩ hã ro te te sima 're waibui mono wamhã, te ãma 're po're simrami u'âsi za'ra. Tahawa, ma tô dama nharĩ za'ra, aibâ norĩ hã gregu norĩ mreme na 're imreme zusi mono norĩ hã.
Tawamhã isimiroti za'ra hã aihĩni ma tô saze za'ra, isazei'wa norĩ hã. Tahawa, ma tô aibâ norĩ zô rob'madâ'â za'ra. Tawamhã ma tô sãmri za'ra, Estewã hã. Ta hã, 'Re ihâimana u'âsi mono ãma te te isasõmri. Ipẽ'ẽzani na si te 're hâimana. Tawamhã ma tô duré sãmri za'ra Filipi hã, duré Procoru hã, duré Nicano hã, duré Timo hã, duré Pamenasi hã, duré Nicola hã. Ãtioquia ãma 're isãmra mono, Nicola hã. Zudeu'õ aré, ma tô sizudeu, 'Re ihâimana u'âsi mono ãma oto dame 're wata mono da.
Tawamhã Pedru hã Rida ãma zahadu ihâimana na ma tô iwasu'u hã wapari za'ra, Zezusihi nhirã zarina 're inomro mono norĩ hã. Rida u hã, romhuture di, Zopi hawimhã. Tahawa, iwasu'u te te wapari za'ra wamhã, ma tô aibâ norĩ hã 'mazatõrĩ zahuré ni sô, te te tãma dazadawa wasu'u za'ra da, ãne: — Ma'ãpé, we aimorĩ su'u watẽme, asô rowaptâ'â ãna!
Ãne uimrehẽne, wa za a'â ai'ãma za'ra wa'aba rob'ui'éré. Ma tô we ĩma aiwasu'u za'ra wa'aba ni, asiré 're asi'rã'õtõ aba mono nherẽ, asima aipo'o aba na hã, 're asisada'âbâ za'ra wa'aba mono 'ru te. Ãne na suru na wa tô dazaze, da te we ĩma aiwasu'u wasété za'ra wa'aba zém na hã. Ãté tô sena, ãne na hã.
Ãne, wa za aima ãma romnhimiré'é za'ra wa'wa, iwaihu'u za'ra wa'aba zéb da hã. Wahâiba hã misi nherẽ, wahâiba na marĩ hã wama 're ihâimana za'ra mono hã ahâ di, wapara hã duré wanhib'rada hã duré wapo're hã, duré aimawi hã. Tane nherẽ, misi te tô wahâiba hã wama 're hâimana za'ra, wahâiba mono bâ. Tane duré, wa norĩ hã wasiré isazei'wa norĩ hã wa'ahâ uptabi nherẽ, wa oto simisutu ãma 're wanomro, wahâiba misi ne.
Ãté asiré isazei'wa norĩ me, te za asiré asi'rã'õtõ 'wa, uburé. Tawamhã ãté te za damreme aima iwaihu'u aba õ na, ai'ahâ wa'aba na asima irowasu'u za'ra wa'wa. Tawamhã ãté tane ré, te za isazei'õ'wa norĩ hã, atẽme za'ra wa'aba asisi, isazei'wai hâimanazé, te te waihu'u za'ra õ nherẽ, te te aiwapari za'ra wa'aba da. Ãne wamhã, e niha te za õ norĩ hã ai'ãma rosa'rata za'ra wa'wa. Ãté te za ai'ãma rosa'rata wasété za'ra wa'wa, ai'rã siwamnarĩ za'ra wa'aba newa.
Taha da, wa tô Timotiu hã atẽme satõrĩ za'ra wa'wa, te te ãma 're aipawaptob za'ra wa'aba mono da. Ta hã ĩ'ra ne, oto ĩma 're hâimana mono wa, ĩma sawi uptabi di duré. Ta hã te Wanhib'apito si te te 're 'madâ'â pese, tiwi sipi'rai ãna. Ta hã atẽme wisi aba wapsi, te za Cristu Zezusihi ãma si 're ĩhâimana mono zém na ãma aipo're pu'u za'ra wa'wa, daro mono bâ isazei'wa norĩ hã 're isi'rã'õtõ mono norĩ ma, te 're iroti mono zém na zama.
Tane nherẽ, ma tô Cristu hã Timama pẽ'ẽzani hã te te aima 're sõmri za'ra wa'wa. Taha ré, te oto iré 're anomro u'âsi aba mo. Aipẽ'ẽ 're, te aima 're hâimana u'âsi za'ra wa'wa. Tahawa, roti aimawi zô asina 're asimipari za'ra wa'aba mono õ di za. Taha si te za uburé marĩ iwẽ hã te te aima 're waihu'u za'ra wa'wa, 'Re ihâimana u'âsi mono pẽ'ẽzani hã. Tô sena uptabi, isimiroti hã. Taré te te aima 're roti za'ra wa'aba mono õ di. Tahawa, te za isimiroti si 're i'madâ'â pese za'ra wa'aba mo. Cristuhu ãma si te za duré 're anomro u'âsi aba mo.
Tahawa, wa za oto aima roti pese za'ra wa'wa. Ẽtẽ waipo pré oru uptabi hã iwazari'õ hã da te 're i'ruiwapari za'ra mono zéb zarina, da te dawi 're i'uipra za'ra mono ne, te za ĩnhimiroti zô si 're asõpré wa'aba mo, iwẽ uptabi zô si, aipẽ'ẽ 're asibro pese ne, rowẽ na si ĩ'ãma 're aihâimana u'âsi za'ra wa'aba mono da. Duré da'uza hâirã hã te za da te dawi 're uipra za'ra, ãma 're dasi'uza za'ra mono wa, da te 're 'madâ'â ze za'ra mono da. Tane te za duré a norĩ wa'wa hã ĩwi 're irowaptẽrẽ u'âsi za'ra wa'aba mo, wa hã te 're aipawaptob za'ra wa'aba mono da, ĩ'ãma 're anomro wẽ wa'aba mono da, taha zarina, asisém na 're aihâimana za'ra wa'aba mono tõ da oto. Duré datõmo nhihâzém na 're dasitõmo wẽ za'ra mono da, 're dasitõmonhihâ za'ra mono da, da te dawi 're i'uipra za'ra mono ne, te za ĩzô si tô 're asõpré u'âsi aba mo, ĩnhimiroti hã waihu'u pese za'ra wa'aba da.
ကြော်ငြာတွေ