Zezusihi zadawa wasuꞌuꞌwa norĩ nhimiromhuri na robꞌuiꞌéré 10:41 - ꞌRe Ihâimana Uꞌâsi Mono Zadawa Wasuꞌu

⁴¹ Aihĩni, da te sabu za'ra õ di. Wa norĩ si wa tô wahâiba pisutu sabu za'ra ni. Romhâ ré, ma tô 'Re ihâimana u'âsi mono hã sima wawẽ za'ra, Zezusihi hâiwa'utuzém na wa te dama 're rowasu'u za'ra mono da. Tahawa, watẽmep si ma tô satõ, Zezusi hã hâiwa'utu parimhã. Wa tô isiré wasaihuri ni. Wa tô duré isiré âhuri ni, apâ hâiwa'utu parimhã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:41 ပူးပေါင်းရင်းမြစ်များ

Luca 24:30

Tawamhã i'rata te tinhamra zahuré, siré saihuri da. Sãmra wamhã, ma tô i'u'ẽne hã ti'â, Zezusi hã. 'Re ihâimana u'âsi mono ãma te tiwata, sõpru wa. Taha pari, ma tô te te wẽ'ẽ, i'u'ẽne hã. Ta hã ma tô duré tãma sõmri zahuré.

Luca 24:48

A norĩ wa'wa hã ma tô ĩ'ãma i'madâ'â za'ra wa'wa, ĩdâ'âzé hã. Duré ĩhâiwa'utuzé hã ma tô ĩ'ãma iwaihu'u za'ra wa'wa. Tahawa, te za ĩwasu'u wẽ'wa, 're anomro aba mo.

Zuwã 14:19

Suru na, wa za oto ai'rata ĩnhamra 'wa, irẽme ma. Taha ré hã te za duré a'â dasiwi ĩ'madâ'â ni. Taha parip si, da te dasiwi ĩzabu na sahu õ di za oto. A norĩ wa'aba si, te za duré ĩzabu za'ra wa'wa. Ĩdâ'â nherẽ, ab're hawi ĩhâiwa'utu wa, wa za oto ĩdâ'â ãna 're morĩ u'â. Tahawa, te za duré a norĩ wa'wa hã atâ'â ãna 're asimroi u'âsi aba mo, hâiwa ãma.

Zuwã 14:22

Tawamhã Zuda te duré tãma tinha, ãne: — E marĩ da, te za bété wa norĩ ma si 're asiwaihu'u mo. E marĩ wa, asazei'õ'wa norĩ ma zama, 're asiwaihu'u za'ra mono õ di bété. Zuda aimawi hã. Icarioti õ di.

Zuwã 15:16

A norĩ wa'wa hã asima ĩwẽ na'rata za'ra wa'aba õ di, ĩsiré 're anomro aba mono da. Wa hã wa tô ĩsima aiwẽ na'rata za'ra wa'wa, ĩsiré 're anomro aba mono da. Wa tô duré aipisutu za'ra wa'wa, datẽme 're anomro aba mono da, da'ãma asimiromhuri 'wa hã ĩma ãma 're uwaimrami za'ra wa'aba mono da. Tawamhã asimiromhuri za'ra wa'aba na hã robaba õ di za. Ãne wamhã, Ĩmama te za te te 're aiwapari u'âsi za'ra wa'wa. Tawamhã uburé marĩ hã te te aima 're iwẽ za'ra wa'aba mono zéb uwaibaba si, tiwi 're rowaptẽrẽ za'ra wa'aba mono wamhã, te za te te aima ãma 're a'uwaimrami 'wa.

Zuwã 15:27

A norĩ wa'wa hã ma tô ĩsiré 're anomro aba mo, Ĩmama nhimiroti na te dama ãma isãna'ratazém hawi. Tahawa, te za a norĩ wa'aba zama ĩnhimiroti na 're idapawaptob u'âsi za'ra wa'aba mo.

Zuwã 21:13

Tawamhã Zezusi hã ma tô i'u'ẽtẽ wapu hã tãma sõmri za'ra. Tepe zama, ma duré tãma sõmri za'ra, te te ihuri da hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:4

Tawamhã nimahã bâtâ na i'rata sãmra za'ra ré, te tãma roti za'ra, Zeruzalẽ ãma simipari sina a'â hâimana za'ra da. Ãne te tãma roti za'ra, Zezusi hã: — Ĩmama, te te aima iropisutu za'ra wa'aba zéb zô asimipari za'ra wa'aba za a'â. Te te iropisutuzé hã wa tô aima wasu'u za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:39

Wa norĩ hã Zeruzalẽ ãma duré daza'rui mono bâ, Izaraéu nhihudu norĩ nhipti'ai ãma uburé Zezusi te te dama 're i'ab'manharĩ wẽ mono na watõmo na wa te 're i'madâ'â za'ra mono zéb zarina, wa tô wa te dama ãma 're rowasu'u za'ra. Te duré tãma rowasu'u za'ra, ãne: — Ta hã, Zezu Cristu hã wedepo'o nhonhi'rãmi na da te dasiwi isasõmrizém na ma tô dasiwi wĩrĩ ni. Tane nherẽ, bâdâ maparane ãma si'utõrĩ õ ré, ma tô apâ hâiwa'utu, 'Re ihâimana u'âsi mono hã. Taha pari, ma tô tãma pisutu Zezusihi ma, wama sihâi'ré za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:31

Tawamhã apâ hâiwa'utu pari, ma tô nasi dama sihâi'ré, bâtâ ahâ na, Zezusi hã. Galiléa hawi, Zeruzalẽ u aré isiré isi'aba'ré norĩ ma, ma tô nasi tãma sihâi'ré za'ra. Ta norĩ hã te oto te te dama 're wasu'u wẽ za'ra Zezusi hã, Izaraéu nhihudu norĩ ma.