Zezusihi zadawa wasuꞌuꞌwa norĩ nhimiromhuri na robꞌuiꞌéré 10:28 - ꞌRe Ihâimana Uꞌâsi Mono Zadawa Wasuꞌu

²⁸ Tawamhã Pedru hã te te da'madâ'â wamhã, te dama tinha, ãne: — A norĩ wa'wa hã ma tô iwaihu'u pese za'ra wa'wa, 're iwahâimana za'ra mono zém na hã. Wa norĩ hã zudeu norĩ hã, zudeu'õ norĩ nhorõwa u 're wanhisisi waihu'u mono õ di. Wa norĩ hã 'Re ihâimana u'âsi mono nhib'a'uwẽ 're wahâimana za'ra mono wa, wa tiwi 're wasi'uwati pese za'ra, zudeu'õ norĩ wi. Ãne 're iwahâimana za'ra mono zé hã. Tane nherẽ, 'Re ihâimana u'âsi mono hã ma tô ĩma waihu'u pese oto, ni'wa, iwẽ na 'Re ihâimana u'âsi mono te te ĩma wasu'u wamhã, zudeu'õ nherẽ, te ĩsiwi wẽ'õ tõ da. Ãne ma tô ĩma waihu'u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:28 ပူးပေါင်းရင်းမြစ်များ

Marcu 7:2

Ta norĩ hã ma tô 'madâ'â za'ra, Zezusihi siré 're inomro mono norĩ hã, farizeu norĩ nhimiroti hã te te 'madâ'â za'ra ãna, saihuri wa, simisõi pese ãna.

Luca 18:11

Zasi wamhã, hâiwi te oto za, farizeu hã, rob'uiprazé arĩ ubumroi'wa nhiti. Ãne ma tô mre: “'Re ihâimana u'âsi mono, ãhã na, wa za ai'ãma ĩwata. E marĩ wa. Wa hã ĩsiré aibâ norĩ ne, ĩwasété na 're ĩmorĩ õ di. Danhibrob zô, te 're rob'ruiwapari mono õ di. Wa hã rob'uiprazém na, dawi 're ĩnhipsaihuri mono õ di. Duré pi'õ na zama, dawi 're ĩnhipsaihuri mono õ di. Tahawa, wa za duré ai'ãma ĩwata, õhõ ne, rob'uiprazé arĩ ubumroi'wa ne, 're ĩmorĩ õ wa.

Zuwã 18:28

Tawamhã Caifasihi nhorõwa hawi ma tô Zezusi hã siwi saprõni, zudeu norĩ hã, romanu nhorõwa u robza'rã ré. Roti'wa dama ipire uptabi romanu hã, Pilatu na isisi hã. Te te itẽme siwi ãwisi wamhã, 'ri para u te te siwi 'mazébré õ di, Pilatuhu u. Rowi te iré aimasa. E marĩ wa. 'Re ihâimana u'âsi mono nhimiroti waihu'u'õ'wai wa, Pilatu hã. Tawamhã Pascowa na dato nhisi bâtâ na, dasi'rã'õtõ ré, sisisi õ di za, siwasété za'ra tõ da. Siwasété za'ra 'wa'âhã, aré dame saihuri waihu'u õ di.

Zuwã 4:27

Tawamhã pi'õi ma siwasu'u ré, ma tô isiré 're inomro mono norĩ hã itẽme aihutu. Pi'õi ma nherẽ, siwasu'u wa, ma te ãma titob'uzu za'ra, tinhimirosa'rata za'ra na si. Tane nherẽ, pi'õ hã te te siwi sadanharĩ õ di, ãne: “E marĩ zô te i'rata asa.” Duré Zezusi hã ãne te te siwi sadanharĩ õ di ãma: “E niha te pi'õi ma nherẽ, asiwasu'u. E marĩ da, te pi'õi ma nherẽ, irowasu'u.” Ãne, te te siwi sadanharĩ za'ra õ di.

Zuwã 4:9

Tawamhã te pi'õ hã asa tãma tinha, ãne: — E niha te â hã ĩwi iwaptẽ, wasiré samaritanu õ nherẽ. A hã zudeu. — Zudeu norĩ hã, samaritanuhu me siré 're hâimana za'ra mono õ wa, te ãne pi'õ hã tãma tinha.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:29

Tahawa, ãma ĩzô aihârâ za'ra wa'aba wa, awa'awi wa tô we atẽme ĩmorĩ za'ra wa'wa, ĩsiwairĩ ãna. Ma'ãpé, ĩma rowasu'u za'ra wa'aba. E marĩ da, te ãma ĩzô ida'mazatõrĩ za'ra wa'wa, we ĩmorĩ da, atẽme za'ra wa'aba.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:9

Tawamhã hâiwa hawi te we duré ĩma tinha, ãne: “'Re ihâimana u'âsi mono, marĩ hã iwẽ na te te aima wasu'u wamhã, wasété õ nherẽ, asiwi wẽ'õ õ di za.”