Wa hã, Abra'ã wa tô pisutu, ti'ra norĩ ma, tinhihudu norĩ ma, ĩzadawa na si 're sõpré mono da hã te te tãma 're waihu'u za'ra mono da, tãma ĩnhimirotizé hã te te 're wapari pese za'ra mono da, duré i'uwaibaba na si sena na ãma 're nomro mono da. Tawamhã ta norĩ ĩmreme te te 're iwapari pese za'ra mono na 're hâimana za'ra mono wamhã, wa hã wa za Abra'ãhã ma, te tãma iropisutuzé hã uburé ãma tãma a'uwaimra.”
Zezusihi zadawa wasuꞌuꞌwa norĩ nhimiromhuri na robꞌuiꞌéré 10:2 - ꞌRe Ihâimana Uꞌâsi Mono Zadawa Wasuꞌu2 'Re ihâimana u'âsi mono zadawa 'madâ'â'wa te 're hâimana Coneliu hã. Duré isõrõwa ãma isiré 're ihâimana za'ra mono norĩ zama, te isarina imreme 'madâ'â pese 'wa na hã 're hâimana za'ra. Zudeu norĩ, isibrob'õ norĩ ãma ma tô 're siwãrĩ u'âsi ta hã, zudeu õ nherẽ. Te duré 're mreme u'âsi, 'Re ihâimana u'âsi mono ma. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 10:2
51 ပူးပေါင်းရင်းမြစ်များ
Tawamhã apito tinhimirotizém na isisi hâtâzém na te te waihu'u wamhã, ma tô tinhorõwa u apâ hã mo. Hâimo ãma 'ri 're wa'õno ihâimana ãma te nhamra, zanela 'ri zadazâri norĩ Zeruzalẽ nho'õmoi baba ihâimana za'ra ãma. Tawamhã Daniéu ma tô 'ri zadazâri hã sima 'ridawa za'ra. Taha pari ma tô hi'rãtitõ nhamra. Ma tô duré tite 'Re ihâimana u'âsi mono ma hã mre, awẽ sidâpâsi si'ubdatõ na ãma isahu na tãma 're imreme u'âsi mono ne.
Tawamhã ab're u te te sina rotété wamhã, ma tô te te ãma robzépata wa, mreme zei ãna 'mahâ ãne: — Daniéu, 'Re ihâimana u'âsi mono idâ'â'õ nhib'a'uwẽ! E 'Re ihâimana u'âsi mono, a hã ãma 're i'aihâimana mono hã, duré õne u'â tãma 're i'asisõmri mono hã, ma tô hu'u zérépa norĩ wi te te i'asõ'reptu da hã ãma aima uwaimra.
Uburé a'uwẽ norĩ, ĩnhimi'madâ'âzéb 're daza'rui mono bâ 're i'aihâimana za'ra wa'aba mono ma, wa aima waihu'u za'ra wa'wa, ãne. Ma'ãpé Daniéu, 'Re ihâimana u'âsi mono ãma 're iwata mono hã asiwi 're wazé aba mono. E marĩ wa, õ hã 'Re ihâimana u'âsi mono idâ'â'õ, õne u'â 're ihâimana mono. Niwamhã duré dama i'rãnho'õmo na isimi'madâ'âzé hã isipru waihu'u õ. Duré niwamhã isiptetezé hã tiwi isi'utõrĩ waihu'u õ.
Tawamhã asa te tãma nharĩ za'ra, ãne: — Da'wapéi'wa norĩ wada'uri'wa hã ma tô wei wazatõrĩ za'ra atẽme, Coneliu na isisi hã. Ta hã aibâ iwẽ, 'Re ihâimana u'âsi mono ãma 're iwata u'âsi mono. Duré zudeu norĩ te te 're i'awẽsãmri mono. Hâiwa ãma 'Re ihâimana u'âsi mono ma romhuri'wa hã ma tô po're pu'u Coneliu hã, asô hârâ da, asimirowasu'u hã te te wapari da.
Tawamhã tãma pẽ'ẽwara nherẽ, te te 'madâ'â pese sina, ma sada'â, ãne asa: — E marĩ na te we ĩ'mahâ. Tawamhã asa te tãma tinha, hâiwa ãma romhuri'wa hã: — 'Re ihâimana u'âsi mono hã ma tô te te 're aiwapari ze, tiwi 're irowaptẽrẽ mono zém na hã. Duré da'ãma 're aiwãrĩ pese mono na zama ma tô aiwaihu'u. Tahawa, te ai'ãma 're po're pu'u u'âsi.
Tawamhã ãne na te te tãma rowasu'u pari, ma tô apâ mo ihawi, hâiwa ãma 'Re ihâimana u'âsi mono ma, romhuri'wa hã. Tahawa, te Coneliu hã sitẽme sô tihârâ zahuré, isõrõwa 're, tãma iromhuri'wa norĩ zô. Tizadawa zapari'wa zô zama te hâ, da'wapéi'wa zô. 'Re ihâimana u'âsi mono zadawa 'madâ'â'wa, da'wapéi'wa hã.
Tahawa, Paulu hã hâiwi ma tô za. Tinhib'rada, ma tô dama wẽ, ari'iwi dasi'ubumro da. Tawamhã te dama tinha, ãne: — Wasiré Izaraéu nhihudu norĩ, ĩwapari za'ra wa'aba. Duré zudeu'õ norĩ, a norĩ wa'aba zama wasiré õ nherẽ, 'Re ihâimana u'âsi mono ãma 're aiwata za'ra wa'aba mono norĩ hã, ĩwapari za'ra wa'aba.
Tane nherẽ, zudeu norĩ hã ma tô tame dama ipire norĩ hã wada'uri wasété za'ra, Paulu norĩ zada hâimana za'ra da. Pi'õ norĩ hã imreme pire norĩ hã, 'Re ihâimana u'âsi mono ãma 're iwata za'ra mono norĩ, zudeu'õ norĩ, ta norĩ zama ma tô wada'uri wasété za'ra, sada hâimana za'ra da. Tawamhã ma tô ãma rowasété zahuré ni, Paulu norĩ ãma, Banabéhé me. Ma tô tãma rob'ru zahuré ni, ta hawi danhipti'a nho'õmo hawi neb zahuré da, danhiti.
Tawamhã rowahutuzéb ãma 're ida'anhimi'rui mono 'wa hã ma tô saze Wanhib'apito hã, Crispu na isisi hã. Duré, uburé isõrõwa ãma isiré 're isi'ubumroi mono norĩ hã ma duré saze za'ra. Corĩtu ãma 're idasi'ubumroi mono zama ma tô da'ahâ na saze za'ra ni, Zezusihi wasu'uwẽ hã da te wapari za'ra wa. Tahawa, ma tô â dawabzuri hã 'manharĩ za'ra ni.
Tawamhã isazei'wa norĩ ma, rowẽ di oto, Zudéa ãma, duré Galiléa ãma, duré Samaria ãma zama. Uburé tãma rowẽ za'ra di oto, siré 're isi'rã'õtõ mono norĩ ma hã daro mono bâ. 'Re ihâimana u'âsi mono pẽ'ẽzani nhimipawaptobzém na ma tô isazei'wa norĩ hã 're hâimana nhiptete za'ra. Taha zarina, ma tô duré isazei'wa norĩ za'rada hã sina hâimo. Ta norĩ hã ma tô Wanhib'apito Zezusi hã te te 're wazé pese za'ra.
'Re ihâimana u'âsi mono hawi, dahâimanazém na rowaihu'u ré 're aihâimana za'ra wa'aba mono õ wamhã, te za asima tiwi 're irowaptẽrẽ za'ra wa'aba mo, ta hã sõpru uptabi wa. Duré uburé ta hã dama marĩ wẽ nhomri'wa. Ãne wa, tiwi 're irowaptẽrẽ za'ra wa'aba mono zéb uwaibaba, te za te te aima 're sõmri za'ra wa'wa, dahâimanazém na rowaihu iwẽ uptabi hã.
Tane nherẽ, Uburé Danhib'apito ma, 're anomro aba mono da, asima wẽ za'ra wa'aba õ wamhã, ãhã na awa'awi na hã asima pisutu za'ra wa'aba, nimahã ãma si 're anomro aba mono da wamhã. Niha hã wamhã, te za tô asima irowairébé za'ra wa'wa, aihi'rata norĩ hã Mezopotãmia ãma, ihâiba'õ ãma 're iwata za'ra mono ma si 're anomro aba mono da hã, niha wamhã, amoreu norĩ te ihâiba'õ norĩ ma hã, ã hã ti'ai 're, 're ihâimana za'ra mono zéb ãma hã. Tane nherẽ, wa za tô wa norĩ hã wanhorõwa 're, 're iwahâimana za'ra mono norĩ hã Uburé Danhib'apito ãmap si 're wanomro.
Wanhib'apito, dama aipire uptabi wa, te da te dasiwi 're aiwazé. Uburé pese, te da te 're aiwasu'u wẽ za'ra, danhipai u pese, aiwẽ uptabi wa. Aiwétési tô sena aiwẽ uptabi hã. Daro mono bâ 're idahâimana za'ra mono norĩ hã te za we ai'ãma 're dawata u'âsi za'ra, upai ãna dama 're i'arob'manharĩ wẽ mono zé hã da te 're 'madâ'â za'ra mono wa.”
ကြော်ငြာတွေ