Zezusihi zadawa wasuꞌuꞌwa norĩ nhimiromhuri na robꞌuiꞌéré 1:9 - ꞌRe Ihâimana Uꞌâsi Mono Zadawa Wasuꞌu

^9-10 Tawamhã tizadawa wasu'u'wa norĩ ma, te te tãma roti za'ra pari, ma tô Imama hã tiwi âri za'ra, isõ'a za'ra, hâiwa u morĩ da oto, Zezusi hã. Morĩ ré, te te siwi sawẽrẽ. Tawamhã hâiwa'a 'rowi ma tô tiwi tizébré za'ra oto. Tahawa te te siwi 'madâ'â waihu'u õ di oto. Tawamhã hâimo te te siwi sawẽrẽ mono ré, aibâ norĩ hã ma tô sa'rese ãna aima'wara zahuré, isababab za'ra, uza hâirã ré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:9 ပူးပေါင်းရင်းမြစ်များ

Ezodu 19:9

Tahawa, õ hã te duré Mozésihi ma tinha ãne: — Wa te wasima irobzanhamrizé da te wapari za'ra wa, ta hawim haré oto da te dasiwi 're ai'umnhasi mono da hã, wa za hâiwa nhirõno i'rãdâ'â hawi aima tinha. Tawamhã Mozési, da te ãma isada'âbâ za'ra zé, te Uburé Danhib'apito ma hã wasu'u uburé.

Ezodu 34:5

Tawamhã Uburé Danhib'apito hâiwa'a zarob'a na ma tô si'ra. Te te si'rai wamhã, ma tô Mozésihi siré tame tihâiba. Ma tô duré tãma sisisi, Uburé Danhib'apito na.

Daniéu 7:13

Tawamhã tô taha mara na ĩnhotõ 'rowim na, wa tô duré ni'wa hã 'madâ, a'uwẽ hâiba ne hâiwa nhirõtõ na we imorĩ hã. Ta hã ma tô Duréi 're Ihâimana mono u we sina rotété. Tahawa, ma tô ta hã dasiwi saprõni ni, Duréi 're Ihâimana mono nho're u.

Marcu 16:19

Wanhib'apito Zezusi hã te te tãma rowasu'u za'ra pari, ma tô hâiwa u tiwi âri za'ra, 'Re ihâimana u'âsi mono nhimire niwĩ oto 're sãmra mono da, pire uptabi na.

Luca 21:27

Tawamhã ti'ai ãma Dasiré Ipodo hã hâiwa'a na, te za wei apâ mo, danho'a. Tiwaihu'u pese uptabi na, te za wei mo apâ, duré ihâiba na hã rowa'a sa'ẽtẽ uptabi na.

Zuwã 6:62

Ti'ai ãma Dasiré Ipodo hã apâ hâiwa u morĩ ré, 'madâ'â za'ra wa'aba wamhã, e niha te za tawamhã asima irowasu'u za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:11

Tawamhã ãne te tãma nharĩ za'ra: — Galiléa ãma 're aihâimana za'ra wa'aba mono norĩ, e marĩ da, te aimasap sina, hâimo ãma isawẽrẽ za'ra wa'aba mo. Zezusi hã 'Re ihâimana u'âsi mono, hâiwa u te te aiwi i'âri za'ra wa'wa hã, ta hã te za we apâ mo. Hâiwa u ãma morĩ ré, ma tô isawẽrẽ za'ra wa'aba mo. Hâiwa u ãma aiwi imorĩ aba ne, te za we apâ mo.

1 Tesalonita 4:17

Tawamhã wa norĩ hã isazei'wa norĩ, zahadu wahâiba ré 're iwahâimana za'ra mono norĩ hã, apâ ihâiwa'utu za'ra norĩ me, te za sitẽme wa'ubumro awa'awi, hâiwa'a ãma. Tawamhã Wanhib'apito ãhã wamhã wa za oto aihĩni sõpẽtẽ za'ra ni, hâiwa nho're ãma. Tawamhã i'rata wa za oto 're wahâimana u'âsi za'ra.

1 Timotiu 3:16

Tô sena Zezu Cristuhu wasu'uwẽ hã wẽ uptabi di, aré dama sa'rese õ nherẽ, Wamama hã te te oto dama ihâi'ré hã wa te 're isaze za'ra mono zé hã, ãma 're iwanomro wẽ mono zéb da hã. Ãne te te dama iwaihu'uzé hã: “A'uwẽ na ma podo, ti'ai ãma. Duré tô sena i'ra 're imorĩ wẽ uptabi na, ma tô Tipẽ'ẽzani na dama waihu'u za'ra. Duré hâiwa ãma 'Re ihâimana u'âsi mono ma romhuri'wa norĩ hã ma tô titõmo na 'madâ'â za'ra. Duré a'uwẽ mono bâ 're idahâimana za'ra mono norĩ hã ma tô iwasu'uwẽ na da te 're dapo're pu'u za'ra, daro mono bâ. Ma tô duré da te dasina 're umnhasi za'ra. Duré rowẽ uptabi u ma tô mo, hâiwa u.”

Apocalipsi 1:7

Ma'ãpé, asiwi waihu'u pese za'ra wa'aba. Zezusi hã te za wei mo, hâiwa'a na. Wei morĩ wamhã, uburé te za dasiwi 'madâ'â za'ra ni. I'a're wi, siwi iwa'ré'wa norĩ hã te za duré 'madâ'â za'ra, siwi iwĩrĩ'wa norĩ hã. Tawamhã da'upsãtã mono bâ te za sô aiwa'õ za'ra ni, daro mono bâ. Tô sena te za ãne hã tiromhâiba.

Apocalipsi 11:12

Tawamhã 'Re ihâimana u'âsi mono zadawa 'mahârâ'wa norĩ hã te za wapari zahuré, hâiwa hawi ni'wai mreme hã. Mreme 'rãihâ na te za sô tihârâ zahuré, ãne: — We ane wa'aba, hâimo. Tawamhã i'ruiwapari'wa norĩ hã te te 'madâ'â za'ra mono ré, te za hâiwa'a na tizasi zahuré, hâiwa u.

Apocalipsi 14:4

à norĩ hã ma tô 're si'madâ'â pese za'ra, 're siwasété tõ za'ra mono da hã, pi'õ na 're idanhimisaihuri za'ra mono õ ne. Duré pi'õ za'rese'õ'wa 're ihâimana za'ra mono ne, ma tô 're si'madâ'â pese za'ra. Pone'ẽrebâ nhirã zarina si ma tô 're nomro. Ta norĩ si ma tô 're idanomro wasété mono zém hawi wa'âbâ za'ra. Ta norĩ hã ma tô 'Re ihâimana u'âsi mono ma sisõmri na'rata za'ra, Pone'ẽrebâi ma zama.