2 Zuwã 1:1 - ꞌRe Ihâimana Uꞌâsi Mono Zadawa Wasuꞌu

¹ Wa hã, Wanhib'apito zazei'wa norĩ 'madâ'â'wa, wa ãma aima rob'ui'éré za'ra wa'wa, tinhib'a'uwẽ da, 'Re ihâimana u'âsi mono te te 're i'aipisutu za'ra wa'aba mono norĩ ma. Tame te asiré isazei'wa norĩ me hã, 're asi'rã'õtõ u'âsi aba mo. Pi'õ norĩ hã ti'ra te te 're i'madâ'â pese za'ra mono ne, te 're asi'madâ'â pese za'ra wa'aba mo, isazei'wai mono bâ. Tahawa, sena na hã ĩma asawi pese za'ra wa'aba di. Tane nherẽ, ĩma si asawi za'ra wa'aba õ di. Uburé Zezusihi wasu'uwẽ waihu'u pese 'wa norĩ ma zama, asawi za'ra wa'aba di duré.

2 Zuwã 1:1 ပူးပေါင်းရင်းမြစ်များ

Zuwã 8:32

Tawap si te za iwaihu'u pese za'ra wa'wa, sena na rowaihu iwẽ hã 'Re ihâimana u'âsi mono ãma. Taha zarina te za tô sena na rowaihu iwẽ hã te te 're asani za'ra wa'wa, asima iwẽ na 're aihâimana za'ra wa'aba mono zéb u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:30

Tawamhã ma tô te te tãma po'o. Tawamhã Banabé norĩ hã ma tô iré satõrĩ zahuré ni Zeruzalẽ u, Sauluhu me, tame da'madâ'â'wa norĩ ma, te te sõmri zahuré da, isibzari za'ra hã.

Roma 16:13

Ma'ãpé duré asiwi ĩma sawi wa'aba, Rufu hã. Ta hã te duré te te 're romhuri pese, Wanhib'apito ma. Ina zama te za duré asiwi ĩma isawi wa'wa. Ta hã ĩna õ nherẽ, ma tô te te 're ĩpawapto pese, dana hã ti'ra te te 're ipawapto pese za'ra mono ne.

Galata 2:14

Ãne na ma tô Pedru norĩ hã tinhimirosa'rata na upa za'ra, zudeu'õ norĩ ãma hã. Tô sena Cristuhu wasu'uwẽ zarina si oto dama 're hâimana za'ra mono õ di, Pedru norĩ hã. Ãne wa tô ãma waihu'u za'ra. Tahawa, wa tô Pedruhu ma tinha, uburé Wanhib'apito zazei'wa norĩ nho'a, ãne: “A hã zudeu nherẽ, ma tô zudeu'õ norĩ siré 're asai mo aré, a hã zudeu'õ 're aihâimana mono newa. E niha ma tô bété oto tiwi asisawi za'ra, zudeu'õ norĩ wi, a'â sizudeu za'ra da, isazei'wa norĩ hã.” Ãne wa tô tãma tinha.

Galata 2:5

Tane nherẽ, ta norĩ nhimirosa'rata na hã, wa te ãma saze za'ra õ di. Mare uptabi di. Wa tô wasima wẽ za'ra ni, Zezu Cristuhu wasu'uwẽ uptabi si, aima 're hâimana za'ra wa'aba mono da. Tahawa, ta norĩ nhimirosa'rata na hã wa te ãma saze za'ra õ di.

Galata 3:1

Galata nhihudu norĩ, e niha te rosa'rata waihu'u ãna 're anomro aba mo. Zezu Cristu hã wedepo'o nhonhi'rãmi na wazada idâ'âzém na, wa tô te aima ãma 're rowasu'u pese za'ra wa'wa aré. E 'wa hã ma tô aiwi udâ za'ra wa'wa, taré waihu'u prã za'ra wa'aba da hã.

Galata 5:7

A norĩ wa'wa hã ma tô aré tô sena rowasu'u na 're anomro aba mo. E 'wa simirowasu'u hawi, ma tô sena rowasu'u na asima ãma apa za'ra wa'wa.

Colosu 1:5

Cristuhu wasu'uwẽ hã tô sena uptabi hã imorĩ'rata na da te atẽme ãwisi za'ra wa'aba wamhã, tame ma tô iwapari na'rata za'ra wa'wa, iwẽ uptabi hã hâiwa ãma dazô 're isimi'wara mono zé wasu'u hã, duré taha zô si 're idanhimipari u'âsi za'ra mono zé wasu'u zama. Taha zô asina 're asimipari za'ra wa'aba mono zéb zarina, ma tô Cristuhu si asina 're i'umnhasi pese za'ra wa'aba mo. Taha zarina ma tô duré 'Re ihâimana u'âsi mono nhib'a'uwẽ norĩ hã 're isawi pese za'ra wa'aba mo. Hâiwa ãma, wẽ uptabi na asô 're isimi'wara aba mono hã, te tô 'Re ihâimana u'âsi mono hã te te asô 're 'madâ'â pese za'ra wa'wa. Taha zô si te tô asina 're asimipari u'âsi za'ra wa'aba mo.

Hebreu 10:26

Ni'wam norĩ hã Cristuhu wasu'uwẽ, sena na 'râwi te te sina 're waihu'u pese za'ra mono nherẽ, duré te te sima 're iwẽ za'ra mono zéb zarina, 're ihâimana wasété 'rata za'ra mono zém na si 're hâimana u'âsi za'ra mono wamhã, marĩ hã 're 'maihâimana mono õ di, ta norĩ da hã, iwasédé te te tãma 're ipari za'ra mono zéb da hã, ta norĩ ma.

1 Pedru 1:2

Aipoto za'ra wa'aba õ ré, ma tô Wamama hã sima aipisutu siromo za'ra wa'wa, 'Re ihâimana u'âsi mono hã, isib'a'uwẽ na oto 're anomro aba mono da. Taha da, ma tô Tipẽ'ẽzani hã aipẽ'ẽ 're aima sõmri za'ra wa'wa, aiwẽ uptabi na oto õhõ ãma si 're anomro aba mono da, duré Zezu Cristuhu nhimiroti si 're wapari pese za'ra wa'aba mono da, duré Cristu hã dazada idâ'âzéb zarina, aipẽ'ẽ 're te te 're ai'a'upsõi wa'aba mono wa, aiwasété ãna ãma 're anomro aba mono da oto. 'Re ihâimana u'âsi mono ma, wa ai'ãma 're ĩmreme u'âsi za'ra wa'wa, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, duré ãma 're anomro aba mono da, taha ãma si.

1 Pedru 5:1

Da'madâ'â'wa norĩ, ãhã na wa za aima ĩsiwasu'u za'ra wa'wa. Wa hã da'madâ'â'wa, wa duré 're ĩhâimana. Cristu hã te te robzépata wamhã, wa tô ĩtõmo na 'madâ, te te irobzépatazé hã. Wa hã wa za duré isazei'wa norĩ siré, rowẽ uptabi hã ĩsina waihu'u hâiwa ãma, rowẽ uptabi hã sõ'awi te te wama pisutu za'ra wapsi, Wanhib'apito hã.

1 Pedru 5:13

Wanhib'apito zazei'wa norĩ hã, Babilonia na 'ri nho'õmo nhisi ãma 're ihâimana za'ra mono norĩ hã, ma tô Wamama hã sima pisutu za'ra, isib'a'uwẽ oto 're hâimana za'ra mono da. Ta norĩ zama ma tô timreme na ãma asawi za'ra wa'wa. Ĩ'ra na te 're isisi mono zama, ma tô duré timreme na ãma asawi za'ra wa'wa, Marcu hã.

1 Zuwã 2:21

E Wamama nhimiroti hã tô sena uptabi hã waihu'u za'ra wa'aba õ wa, wa ãne ãma aima rob'ui'éré za'ra wa'wa. Mare di. Taha wab õ di. Isimiroti hã waihu'u pese za'ra wa'aba wa, wa ãne aima ãma rob'ui'éré za'ra wa'wa. Duré 're idazadawa nhipese za'ra mono zé hã 'Re ihâimana u'âsi mono nhimiroti tô sena uptabi hawib õ na hã waihu'u pese za'ra wa'aba wa, wa ãne aima rob'ui'éré za'ra wa'wa.

1 Zuwã 3:18

Ĩ'ra norĩ, e wazadawa na si wa za wa te 're dazawi wapti za'ra. Mare di. Wamreme na si wa te 're dazawi wapti za'ra mono õ di za. Uburé wa za marĩ iwẽ na wa te 're dapawaptob za'ra, wanhimizawizé hã tô sena wama 're ihâimana za'ra mono zarina.

2 Zuwã 1:13

Ãme wasiré isazei'wa norĩ hã te duré ãma asawi za'ra wa'wa, aihidiba uptabi aba zé 'rem ne, 're inomro mono norĩ hã, 'Re ihâimana u'âsi mono, tinhib'a'uwẽ da, te te ipisutu za'ra norĩ hã.

2 Zuwã 1:5

Wasiré isazei'wa norĩ, ĩma asawi pese za'ra wa'aba norĩ hã, ãne wa za oto aima roti za'ra wa'wa. Uburé wasiré isazei'wa norĩ hã, oto 're wasisawi pese za'ra wa'aba mono. Ã hã roti hã ãhã na si õ di. Duréihã isãna'rata hawimhã, Zezusi wa te 're isaze na'rata za'ra mono zém hawi, wama 're ihâimana u'âsi za'ra mono, ã hã.

3 Zuwã 1:1

Gaiu, a hã ĩsiwadi uptabi, ĩma i'asawi uptabi, tô sena. Wa hã, Wanhib'apito zazei'wa norĩ 'madâ'â'wa, 're ĩhâimana mono, wa za oto aima ãma rob'ui'éré.