2 Timotiu 4:17 - ꞌRe Ihâimana Uꞌâsi Mono Zadawa Wasuꞌu

¹⁷ Da te ĩrẽme za'ra nherẽ, ma tô Wanhib'apito hã ĩ'rata tihâiba, te te ĩnhiptete da, 'ri para zudeu'õ norĩ ma, te rowasu'u da, Wanhib'apito wasu'uwẽ na. Ãhã wamhã, ma tô Wanhib'apito hã ĩnho'reptu, ĩdâ'â tõ da a'â.

2 Timotiu 4:17 ပူးပေါင်းရင်းမြစ်များ

Salmu 22:21

à hã hu'u zérépa norĩ zadai'ré wi hã ĩnho'reptu na. Duré rom na powawẽ i'õmo ré norĩ isahi wi hã ĩsi'wawimhã ĩsimapa waihu'u õ di.

Provébiu 20:2

Apito 're isahi mono zé hã aiwa hu'u zérépa wairõ ne te 're hâimana. Duré apito ni'wa te te sina siti'rui wazere wamhã, te za 'râwi romnhimimnha hã sisada waze, tihâimanazéb da.

Provébiu 28:15

Hu'u zérépa, sahi wa, 're iwairõ za'ra mono ne, duré robzahi ursu hã isahi 're ihâimana za'ra mono ne, te tô isimarĩ'õ norĩ dama i'rãnho'u iwasété nhib'ratamhã 're hâimana za'ra.

Daniéu 6:22

Ĩte 'Re ihâimana u'âsi mono, tite hâiwa ãma romhuri'wa we te te isatõrĩ hã ma tô te te siwi ĩ'u'a tõ da, sadawa nhiptob za'ra, hu'u zérépa norĩ hã. 'Re ihâimana u'âsi mono ma, wa hã marĩ iwasédé te tiwi i'manharĩ õ na hã tãma ĩwaihu'u pese wa, ma tô ãne hã ĩma 'manha. Duré niwamhã aiwi zama marĩ te aiwi 'manharĩ wasété õ di.

Daniéu 6:27

Taha si, siminho'reptu waihu'u pese di. Hâiwa ãma, duré ti'ai ãma te dama isa'rese'õ na te te 're romhõsi. Taha si ma tô Daniéu hã sõ'reptu, hu'u zérépa nhiptetezé wi hã.”

Mateu 10:19

Tawamhã dama ipire norĩ u, da te 're asimroi wa'aba mono wamhã, asimirosa'rata na asisõwa asina 're aihâtâ'â za'ra wa'aba mono õ di za, niha tãma 're asiwasu'u za'ra wa'aba mono zéb da na hã. Da te aima 're iropipa za'ra wa'aba mono zéb u, da te 're asimroi wa'aba mono wamhã, 'Re ihâimana u'âsi mono te za te te aima 're sõmri za'ra wa'wa, niha tãma 're i'asiwasu'u za'ra wa'aba mono zéb da hã.

Luca 1:1

Teofilu, asawi di. Ãhã na wa za aima rob'ui'éré, Wanhib'apito Zezu Cristuhu wasu'u na, sena na waihu'u da. Ni'wam norĩ hã ma tô Zezusihi wasu'u na te te 're dapo're pu'u na'rata za'ra, titõmo na te te ãma 're i'madâ'â za'ra mono norĩ hã. Ta norĩ hã ma tô iwasu'u na'rata hawi wama rowasu'u za'ra. Tawamhã isimirowasu'u zarina, ma tô iwasu'u na ãma rob'ui'éré za'ra ni, da'ahâ na. Tahawa, wa hã wa duré ĩsima wẽ, te ãma aima rob'ui'éré da. Iwasu'u na'rata hawi, wa tô rosa'rata pese, te waihu'u pese da. Ni'wam norĩ hã ma tô iwasu'u hã aima wasu'u za'ra. Tahawa, wa tô ĩsima wẽ, upsãtã pese na te aima rowasu'u da, rob'ui'éré na, Zezusihi wasu'u hã sena na waihu'u da.

Luca 21:15

Wa hã wa za te 're aipawaptob za'ra wa'wa, danhib'apito norĩ ma, 're asiwasu'u za'ra wa'aba mono zéb da hã. Ãne wa, aimreme wẽ na te za aiwẽ'õ'wa norĩ hã 're isõwada za'ra wa'aba mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:11

Tawamhã taha mara na Wanhib'apito hã ma tô tãma sihâi'ré, Pauluhu ma. Te tãma tinha, ãne: — Aipahi tõ. Ãme Zeruzalẽ ãma ma tô dama ĩwasu'u pa. Roma ãma te za duré õhõ na si dama ĩwasu'u, niwamhã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:15

Tawamhã Wanhib'apito te asa tãma tinha, ãne: — Mo oto itẽme aimorĩ. Õ hã, Saulu hã wa tô ĩsima pisutu, ĩzadawa wasu'u'wa da. Zudeu'õ norĩ ma, te za te te 're ĩzadawa wasu'u, duré dama roti'wa norĩ ma, duré Izaraéu nhihudu norĩ ma zama.

Roma 15:31

E marĩ da. Zudéa ãma isazei'õ'wa norĩ 're ihâimana za'ra mono norĩ hã, niha te te ĩma rob'manharĩ za'ra tõ da, te za ĩ'ãma tiwi 're irowaptẽrẽ u'âsi za'ra wa'aba mo. Duré Zeruzalẽ ãma 'Re ihâimana u'âsi mono nhib'a'uwẽ 're ihâimana za'ra mono norĩ hã, ta norĩ hã zudeu na iwamri za'ra wẽ te, zudeu'õ norĩ nhoprubzé hã za te ãma i'âri hã te te siwi wẽ'õ za'ra tõ da, te za duré ta norĩ ãma zama ãma aimreme zusi u'âsi 'wa.

2 Corĩtu 12:9

Tane nherẽ, ãne si ma tô nasi ĩma waihu'u asa, te tiwi rowaptẽrẽ wamhã: “Te ai'ãma sizâri õ di za. Ĩnhimizawi pese zéb zarina si, te za 're aihâimana mo. Asi'uihâ na marĩ da hã, asib'uware na 're aihâimana mono nherẽ, te za asiptete sina ĩ'ãma 're aihâimana mo, ĩnhimipawaptobzéb zarina.” Ãne si, ma tô nasi ĩma waihu'u na wa'rã asa, Wanhib'apito hã. Tahawa, ĩsi'uihâ na marĩ da hã, ĩnhib'uware na 're ĩhâimana mono zém na si, wa za tô ĩto sina aima ĩsiwasu'u za'ra wa'wa, taha wa'rãmi Cristuhu nhiptetezéb ré si, 're ĩhâimana u'âsi mono da.

Éfézu 3:8

Ĩwana isazei'wa norĩ hã ĩwẽ na te sipa za'ra õ di. Ta norĩ si ma tô tiwẽ na ĩnhipa za'ra. Tane nherẽ, ma tô ĩpisutu, zudeu'õ norĩ ma te tãma 're wasu'u za'ra mono da, iwẽ hã sa'ẽtẽ na Cristuhu ma 're ihâimana mono hã dama ãma 're isõpru mono zéb da hã.

1 Timotiu 1:12

Ãhã na wa za ãma ĩwata, Wanhib'apito Cristu Zezusihi ãma hã. Ta hã ma tô ĩwaihu'u siro, ĩnhimiromhuri hã za te tãma ãma 're i'uwaimrami mono na hã. Taha zarina ma tô ĩpisutu, dapawaptom na te tãma 're romhuri mono da. Taha da, ma tô te te 're ĩnhiptete u'âsi. Tahawa, wa za ãma 're ĩwata u'âsi, ĩma 're rowẽ mono wa. Wanhib'apito ãma wa tô aré te ãma 're wasété, ĩmreme wasété na. Isazei'wa norĩ hâiba u'âbâ, wa tô aré te tãma 're rob'manharĩ wasété. Ta norĩ hâiba u'âbâ, wa tô aré duré sada 're ĩsima'wara. Wanhib'apito Danho'reptui'wa na 're imorĩ na hã ĩma waihu'u õ di aré. Te duré sazei õ di aré. Tahawa, zahadu ĩnhimiza'rese ãna 're ĩmorĩ wa, ma tô ĩ'ãma tipẽ'ẽzé, 'Re ihâimana u'âsi mono hã, te te ĩ'azâri tõ da.

2 Timotiu 2:1

Ĩ'ra, ma'ãpé ĩwapari pese, asina. Cristu Zezusihi ãma wa wa norĩ hã 're wanomro. Ãhã wa, te za a hã isimipawaptobzéb zarina, asiptete sina ãma 're aihâimana mo.

2 Timotiu 2:9

Tawamhã Wanhib'apito wasu'uwẽ na te dama 're rowasu'u mono 'ru te, wa oto te 're robzépata. Ĩwasédé hã te 're 'manharĩ mono newa, wa oto 're ĩza, dazazéb 're, isi'uwazi nhorõ rutu na ĩpawasisi ré. Tane nherẽ, 'Re ihâimana u'âsi mono zadawa wasu'u hã pawasisi ãna ne, te 're hâimana u'âsi. Te za da te dama ãma 're rowasu'u u'âsi za'ra.

2 Timotiu 4:5

Ta norĩ ne 're aihâimana mono õ di za. Asimiza'rese te za 're aihâimana mo. Te za duré aihâimanazém na ãma 're ipibui pese mo. Duré, Wanhib'apito zazei'wa 're aimorĩ 'ru te, da te dasiwi aima 're rob'manharĩ wasété mono nherẽ, 're asisawi mono õ di za, 're robzépata mono tõ da. Te za duré Wanhib'apito wasu'uwẽ na 're ida'apo're pu'u u'âsi mo, 'Re ihâimana u'âsi mono te te aima ipisutuzéb zarina, asimiromhuri na tãma ãma 're uwaimrami mono da.

Titu 1:3

Tawamhã bâdâ ma tô oto iwa waptãrã, te te dama iwaihu'uzéb da hã, ãhã wasu'u hã. Tahawa, ma tô we ĩma tisõ, tinhimiroti hã, isadawa para te dama 're sadawa wasu'u mono da, 'Re ihâimana u'âsi mono hã Wa'anho'reptui'wa hã.

Hebreu 11:33

Ta norĩ hã 'Re ihâimana u'âsi mono si te te sina 're i'umnhasi za'ra mono zéb zarina, ma tô te te da'ãma 're ai'uté za'ra, 'Re ihâimana u'âsi mono zadawa para, daro hã te te dawi 're waibui mono da. Ta norĩ hã iwẽ si te te 're 'manharĩ u'âsi za'ra mono wa, ma tô iwẽ uptabi hã te te sima 're waibu, 'Re ihâimana u'âsi mono te te tãma iropisutu za'ra zéb zarina. Duré hu'u zérépa hã ma tô te te 're sadai'ré nhitob za'ra tinhib'rata na, te te 're simro tõ mono da.

1 Pedru 5:8

Ma'ãpé, aihâimana nhimiza'rese sina 're aihâimana za'ra wa'aba mono. Duré 're asi'madâ'â pese za'ra wa'aba mono. E marĩ wa. Da'rui'wa hã datẽme 're morĩ wa, wa'uburé norĩ nhib'apito hã. Hu'u zéré pa hã wairõ sina, tisa zô 're inomro mono ne, te ta hã datẽme 're morĩ u'â, Wanhib'apito si da te dasina 're i'madâ'â u'âsi za'ra mono zé hã te te dawi 're a'uprosi mono da.

2 Pedru 2:9

'Re ihâimana u'âsi mono ma, waihu'u pese di, Lo hã te te isõ'reptuzéb da hã. Tane duré, Wanhib'apito ma waihu'u pese di, ro'wa'rutu hawi te te 're i'anho'reptui mono zéb da hã, isimiroti 'madâ'â pese 'wa norĩ hã. Duré tãma waihu'u pese di, te te 're ida'ahâ za'ra mono zéb da hã, 're idanomro wasété mono norĩ hã, bâdâ iwa iwaptã'ãzéb u hã, dahâimanazém na te te ida'awaihu'uzéb da hã. Tawapsi te za dahâimanazéb zarina te te dama 're arowairébé, rob'rãsutuzéb ãma.

1 Samuéu 17:37

Wanhib'apito 'Re ihâimana u'âsi mono hã ma tô nasi ĩnho'reptu, hu'u zérépa wi, duré ursu wi. Tane te za duré ĩnho'reptu, ã hã filisteu te 'wapéi wamhã. Tawamhã Sau ma tô ãma sada'â ãne: — Wẽ di tô. Aimorĩ. 'Re ihâimana u'âsi mono si asiré hâimana da hã wẽ di, ĩma hã.