2 Timotiu 2:4 - ꞌRe Ihâimana Uꞌâsi Mono Zadawa Wasuꞌu

⁴ Da'wapéi'wa norĩ hã tinhib'apito ma, te te 're romhuri za'ra mono ré hã tãma wẽ za'ra di, isib'apito isimiromhuri na te te 're awẽsãmri mono da. Ãne wa, tinhimiromhuri upana, marĩ mono bâ te te sima 're rosa'rata za'ra mono õ di, te te aré sima 're iwẽ za'ra mono na hã.

2 Timotiu 2:4 ပူးပေါင်းရင်းမြစ်များ

Luca 8:14

Duré amnho hã wab'ru wazari i'a'a mono hã, aimawi a'uwẽ, te wasu'u. Ta norĩ hã ãté te za taré tipo're na te te 're wapari za'ra, isadawa wasu'u hã. Tazahã, marĩ wamhã, õhõ ãma si 're nomro mono õ di za. Ãté, marĩ na si te za te te 're rosa'rata za'ra sima, ãté rob'uiprazém na si, ãté titozém na si. Tawamhã rob'rã i'rã wẽ prã ne, 're hâimana wẽ uptabi za'ra mono õ di za.

2 Corĩtu 5:9

Tane nherẽ, 'Re ihâimana u'âsi mono hã 're iwahâimana za'ra mono zém na, wa'ãma 're toi u'âsi mono da si, wa za 'râwi 're wasi'madâ'â za'ra, ti'ai ãma wahâiba i'ratare ré, duré hâiwa ãma wahâiba itéb ré.

Galata 5:1

Zezu Cristu hã ma tô wa'anho'reptui pa, rowẽ na ãma 're wahâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré zarina, wa te 're irob'manharĩ za'ra mono zém na, 're wanhopré mono õ di za oto, taha zarina te te õ hã 're wa'anho'reptui mono õ wa oto. Ãne wa, tô senai'õ na rowasu'u'wa norĩ wi 're asiptete za'ra wa'aba mono za oto, isimiroti na 're aihâimana za'ra wa'aba mono wa, apâ robzei'õ na 're anomro aba mono tõ da.

1 Tesalonita 2:4

Mare di. Ãnei õ di. Tô sena, 'Re ihâimana u'âsi mono te te sima 're iwawẽ za'ra mono zéb zarina, te te wapisutu za'ra wa, wa iwasu'uwẽ na wa te dama 're rowasu'u za'ra, ãne na romhuri'wa da, te te wawẽsãmri za'ra wa, wa norĩ hã. Tawamhã wanhimirowasu'u wẽ wa, taré wama 're dato za'ra mono da, wa te wasina 're rosa'rata za'ra mono õ di. Mare di. 'Re ihâimana u'âsi mono hã te te 're iwawẽsãmri za'ra mono da si, wanhimirosa'rata za'ra hã. Õhõ si te za te te 're wapibu za'ra, 're iwanomro wẽ mono zéb zô, iwẽ na si 're iwanhimirosa'rata za'ra mono zéb zô zama. Tahawa, isadawa wasu'u na, wa te dama 're irowasu'u wẽ za'ra mono na, wa'ãma 're toi mono da, wa wa te wasina 're rosa'rata za'ra.

2 Timotiu 4:10

Demasi hã ĩ'ãma sapa'a õ di oto. Ma tô ĩwi watobro, Tesalonita na 'ri nho'õmo nhisi u morĩ da, marĩ hã te te sima i'awẽ zarina, taha na si oto 're morĩ da. Cresẽti hã ma tô mo, Galasia na danhipti'a nho'õmo nhisi u. Titu hã ma tô duré mo, Damasiza na danhipti'a nho'õmo nhisi u.

2 Pedru 2:20

Ãté ta norĩ hã Danho'reptui'wa na ma tô Wanhib'apito Zezu Cristu hã te te 're waihu'u za'ra. Taha zarina ma tô isazei'õ'wa hâimana wasétézém hawi 're sipizari za'ra. Tane nherẽ, apâ dasiré 're hâimana wasété za'ra mono wamhã, e niha za tawamhã, 're ihâimana za'ra mono zé hã. Wanhib'apito hã te te 're saze za'ra mono õ ré, rowẽ'õ na 're ihâimana za'ra mono zém nhipai u hã, tãma 're rowẽ õ uptabi za'ra mono di za oto.