2 Timotiu 1:5 - ꞌRe Ihâimana Uꞌâsi Mono Zadawa Wasuꞌu5 Duré Wanhib'apito zazei'wa na tô sena 're aihâimana mono na, wa ai'ãma po're puru. Ai'rada Loidi norĩ hã ma tô ana me hã Wanhib'apito zazei'wa na 're hâimana zahuré, Eunisihi me. Ta norĩ ne, tô sena Wanhib'apito zazei'wa 're i'aimorĩ na hã, tô ĩma aiwaihu'u pese di. အခန်းကိုကြည့်ပါ။ |
2 Timotiu 1:5
25 ပူးပေါင်းရင်းမြစ်များ
Tawamhã apito Agripaha ma, te duré tinha, ãne: — Apito Agripa, Zezusi hã ti'ai ãma 're morĩ ré hã uburé marĩ hã tãma 're iromhâimana mono zém na hã aima waihu'u pese di, idâ'âzém na hã duré ihâiwa'utuzém na zama. Da'ahâ na ma tô ãma 're danhopré. Tahawa, apito Agripa, a zama ma tô iwaihu, uburé Zezusihi wasu'u hã te aima iwasu'u hã. Tahawa, sena na, wa aima ĩsiwasu'u ĩpahi ãna, waihu'u da.
Wa hã Wanhib'apito Zezusihi ãma 're ĩhâimana mono wa, wa tô ĩsina waihu'u sena na, uburé dasa iwẽ na hã, duré iwasété õ na. Tane nherẽ, ni'wam norĩ hã te za ãne hã te te ãma 're rosa'rata upa za'ra: “Ã hã romnhi hã, wasétére di. 'Re ihâimana u'âsi mono ma hã wẽ õ di, wa te 're ihuri mono da hã.” Ãne hã ni'wam norĩ hã te te ãma 're rosa'rata za'ra mono wamhã, õ norĩ ma si, romnhi hã wasété di tô. Tane nherẽ, te te siwi 're wẽ'õ za'ra mono nherẽ, te te 're huri mono wamhã, dawasédé te wasu'u.
Ni'wam norĩ hã isazei'wa norĩ te 'râwi te te si'ãma 're rosa'rata za'ra, nima hã bâdâ hã romhuri'õzé hã iwa 're irere'e mono sidâpâsi, bâdâ dama 're ipire za'ra mono zém na hã. Duré ni'wam norĩ, isazei'wa norĩ hã te te da'ãma 're rosa'rata za'ra asa, aiwapsi bâdâ hã uburé dama 're hâimana za'ra mono nherẽ, ãma 're idahâimana za'ra mono zéb da hã. Tahawa, ate wa'aba mono bâ romhuri'õzé bâtâ mono na asimirosa'rata mono bâ te za asiptete sina ãma 're aihâimana za'ra wa'aba mo, tô õhõ na si.
Ĩsisãnawã norĩ, wa hã wa tô ai'ãma waihu'u pese za'ra wa'wa, asimizawi pese sina oto 're i'anomro wẽ wa'aba mono zém na hã. Duré aima waihu'u pese za'ra wa'aba di oto, 're aihâimana wẽ za'ra wa'aba mono zéb da hã. Ãne hã wa tô duré ai'ãma waihu'u pese za'ra wa'wa, Wanhib'apito nhimiroti na oto asima 're iroti waihu'u pese za'ra wa'aba mono zém na zama.
Uburé marĩ hã wazada 're ihâimana za'ra mono zém hawi, 'Re ihâimana u'âsi mono hã tinhimizawi pese zé hã te te wawi 're i'azani mono da hã, mare di. Ãne na sena na, wa tô ĩsina waihu'u, wa hã. Wahâiba ré 're wahâimana za'ra mono wamhã, duré oto 're wadâ'â za'ra mono nherẽ, tinhimizawi pese zé te te wawi 're azani mono õ di za. Duré ihâiba'õ norĩ hã isib'apito norĩ zama, te te wawi 're sani waihu'u za'ra mono õ di, 'Re ihâimana u'âsi mono te te 're iwa'azawi pese mono zé hã. Duré, ã bâtâ na marĩ hã wazada 're hâimana za'ra mono 'ru te, te te wawi 're azani mono õ di za, tinhimizawi pese zé hã, 'Re ihâimana u'âsi mono hã. Duré niwamhã uburé marĩ hã za wazada 're hâimana za'ra mono 'ru te, te te wawi 're i'azani mono da hã, mare di za tô.
Ãne na, wa te 're robzépata za'ra mono nherẽ, wa tô 're wanomro wẽ u'âsi. 'Re ihâimana u'âsi mono nhimirowaihu'u si, wa tô oto wa te 're waihu'u pese za'ra. Tahawa, wawara sina hã duré oto dazada 're wazahi za'ra mono õ di oto. Wanhimizawi pese na si hã, wa oto duré 're wahâimana za'ra. 'Re ihâimana u'âsi mono pẽ'ẽzani nhimipawaptobzéb zarina si, wa duré wa te dama 're romhuri za'ra. Wazadawa nhipese ãna, wa sena na si, wa te 're dazawi pese za'ra. Ãne zarina, te za asiwi iwawaihu'u za'ra wa'wa, sena na 'Re ihâimana u'âsi mono zadawa 'mahârâ'wa, dama 're iwahâimana za'ra mono na hã.
E marĩ da, wa tô ãne hã aima waihu'u. Wa tô ĩsima aiwẽ, isazei'wa norĩ hã 're pawaptob za'ra mono wa, Wamama zawi pese 'wa, duré dazawi pese 'wa 're nomro mono da hã. Isazei'wa norĩ hã simirosa'rata wẽ ré si, te za 're nomro. Ãne wamhã, marĩ te te 're i'manharĩ wasété za'ra mono na, 'râwi 're siwẽ'õ za'ra mono õ di za. Wanhib'apito zazei uptabi 'wa, te za 're nomro. Tawamhã te aima iwaihu'uzéb zarina 're nomro mono wamhã, te za tô dasisawizé hã ipẽ'ẽ 're tãma 're hâimana za'ra.
Tawamhã uburé te aima i'awaihu'uzéb zarina si, te za wasiré isazei'wa norĩ ma 're i'awaihu'u mo. Ãne wamhã, Cristu Zezusihi ma, romhuri wẽ 'wa, te za tô 're aimo. Wanhib'apito nhimiroti hã wa te 're isaze za'ra mono zéb zarina, 're aimorĩ u'âsi sina, te za tãma 're iwaihu'u u'âsi za'ra mo, roti tô sena zarina zama, ãma 're aimorĩ u'âsi ne. Õhõ na si 're aimorĩ wamhã, asiptete sina te za 're aihâimana mo, Wanhib'apito ãma hã.
Tahawa, te te ĩpisutuzéb zarina, te ĩsina uwaimrami wa, wa oto te 're robzépata. Tane nherẽ, 're ĩnhisé mono õ di, isadawa wasu'u'wa na 're ĩmorĩ tõ da. Wanhib'apito hã wa ĩsina te 're umnhasi, te te 're ĩpawaptob u'âsi mono da. Ta hã ĩma waihu'u pese di, iwaihu'u pese na hã. Wa hã wa tô tãma ĩsihâiba nho, tô sena tãma waihu'u pese wa, te te 're ĩ'madâ'â mono zéb da hã, bâdâ iwa waptã'ã õ ré, apâ we imorĩzéb u hã.
à norĩ hã 'Re ihâimana u'âsi mono te te sina 're umnhasi za'ra mono ré, 're dâ'â za'ra mono nherẽ, 'Re ihâimana u'âsi mono te te tãma iropisutu za'ra zé hã te te sima 're waibui mono õ di ta norĩ hã, ti'ai ãma hâiba ré 're hâimana za'ra mono ré hã. Tane nherẽ, 'Re ihâimana u'âsi mono te te tãma iropisutu za'ra zé hã romhâ na uptabi na za te te tãma ãma i'uwaimrami za'ra na, sena na te te 're waihu'u za'ra mono wa, ma tô ãma 're to za'ra ta norĩ hã, ti'ai ãma 're nomro mono ré. Ma tô duré sõ'awi dama 're siwasu'u za'ra, ti'ai ãma dasiré 're ihâimana uptabi za'ra mono õ na hã.
Ĩsisãnawã norĩ, ĩma asawi pese za'ra wa'aba norĩ hã, ãne na te aima ãma romnhimiré'é za'ra wa'aba nherẽ, ai'ãma 're ĩhâtâ'â za'ra wa'aba mono õ di. Sena na wa tô oto ãma aiwaihu'u za'ra wa'wa, marĩ iwẽ si 're i'manharĩ za'ra wa'aba mono zém na hã, 'Re ihâimana u'âsi mono te te 're i'asõ'reptu za'ra wa'aba mono zéb zarina.
Wanhib'apito nhimiroti hã, tô sena. A norĩ wa'wa hã ma tô isimiroti hã 're iwapari pese za'ra wa'aba mo. Tahawa, marĩ iwasété na asima 're rosa'rata za'ra wa'aba mono õ di oto. Aiwẽ na 're anomro aba mono da si, te oto asima 're irosa'rata za'ra wa'aba mo. Dazawizé hã tô sena te oto aima 're hâimana za'ra wa'wa, asiré Wanhib'apito zazei'wa norĩ ãma. Tahawa, te za õne u'âsi 're asisawi pese za'ra wa'aba mo.
ကြော်ငြာတွေ