2 Timotiu 1:4 - ꞌRe Ihâimana Uꞌâsi Mono Zadawa Wasuꞌu

⁴ Aiwa'õzém na ai'ãma ĩpo're pu'u wa, wa ĩsima rowẽ upta, te asabu na sahu da, rowẽ uptabi sina ĩto sina 're ĩhâimana mono da.

2 Timotiu 1:4 ပူးပေါင်းရင်းမြစ်များ

Zuwã 16:22

Tane duré a norĩ wa'wa hã, te za aipẽ'ẽzé hã a'â isépata za'ra wa'wa. Apâ atẽme ĩwisi aba wapsi, aima 're rowẽ za'ra wa'aba mono di za. Robzei u'âsi te za 're anomro aba mo.

Zuwã 16:24

Zahadu marĩ hã te aima 're iwẽ za'ra wa'aba mono zéb uwaibaba, Ĩmama wi 're waptẽrẽ za'ra wa'aba mono õ di. Te za oto tiwi 're irowaptẽrẽ za'ra wa'aba mo, te te aima 're sõmri za'ra wa'aba mono da, robzei u'âsi 're anomro aba mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:19

Ĩsina 're ĩwata mono ãna, wa tô Wanhib'apito ma si te 're romhuri u'âsi. Zudeu norĩ hã nasi ĩzada siwada'uri za'ra wa, ĩma ropire uptabi di. Tahawa, ĩwawa sina, wa tô te tãma 're romhuri, Wanhib'apito ma. Tane nherẽ, iwasu'uwẽ hã te aiwi wasu'u zazâri za'ra wa'aba õ di. Ãne na ma tô ĩ'ãma iwaihu'u za'ra wa'wa. Danho'a wa tô te aima ãma 're rowasu'u za'ra wa'wa, 'ri baba zama. Zudeu norĩ ma, duré zudeu'õ norĩ ma zama, wa tô te tãma 're roti pese za'ra, tiwasété wi 're sipizari za'ra mono da, 'Re ihâimana u'âsi mono niwĩ 're nomro mono da, Wanhib'apito Zezusi hã te te 're saze za'ra mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:31

Tahawa, te za asimiza'rese sina 're aihâimana za'ra wa'aba mo, ta norĩ wi. Te aima 're roti za'ra wa'aba mono ré hã, ma tô si'ubdatõ ĩ'ãma tiwahu. Rowa'a na wa tô aihâiba mono bâ te aima 're roti za'ra wa'wa, bara na zama, ĩwawa sina. Roti hã niwa te aiwi sazâri za'ra wa'aba õ di. Tahawa, ma'ãpé ĩnhimiromhurizém na 're aipo're pu'u u'âsi za'ra wa'aba mono za.

Roma 1:11

Te asabu su'u za'ra wa'aba da si, wa tô ĩsima rowẽ si'aba'ré, 'Re ihâimana u'âsi mono, Tipẽ'ẽzani na rowẽ te te dama 're i'apisutu mono zém na, te ãma aipawaptob za'ra wa'aba da, asiptete sina ãma 're anomro aba mono da.

Filipu 1:8

'Re ihâimana u'âsi mono ma si, tãma ĩwaihu'u pese di, sena na ĩma asawi uptabi za'ra wa'aba na hã, duré ai'ãma 're ĩpẽ'ẽzé uptabi za'ra wa'aba mono na zama. Cristu Zezusihi ma, tãma asawi uptabi za'ra wa'aba ne, wa tô duré wa hã te 're asawi pese za'ra wa'wa duré.

Filipu 2:26

Ta hã te te duré apâ asabu ze za'ra wa'aba di, uburé ai'ãma pẽ'ẽzé za'ra wa'aba wa. Duré ai'ãma hâtâ'â za'ẽtẽ za'ra wa'aba di, ãme ihâzé na isiwasu'uzé hã wapari za'ra wa'aba wa. Tahawa, wa za tô ãma atẽme satõrĩ su'u za'ra wa'wa, Timotiuhu wana.

1 Tesalonita 2:17

Wasisãnawã norĩ, isazei'õ'wa norĩ nhimirob'manharĩzéb zarina, wasi'aba'ré na aihawi za'ra wa'aba, wasi'aba'réi wamhã, asiti za'ra wa'aba, wa a'â 're wasi'ubumro. Tane nherẽ, ai'rata 're iwasi'ubumroi u'âsi aba mono ne, wa wanhimirosa'rata na wa te ai'ãma 're rosa'rata wẽ u'âsi za'ra wa'wa. Awa'awi hã wapẽ'ẽzé uptabi na, wa 're wahâimana za'ra. Tahawa, apâ atẽme wasihutu su'u aba da, wa tô wasima waihu'u za'ra ni, wa te asabu za'ra wa'aba da.

2 Timotiu 4:21

Ma'ãpé, niha asina rosa'rata, rowa'u'u wahâ 're sa'wari mono õ ré, za we i'aimorĩzéb da na hã. Wasiré isazei'wa norĩ hã te ãma asawi za'ra, Euburu norĩ hã, Pudẽti norĩ me, duré Rino, duré Claudia. Duré uburé isazei'wa hâiba amo norĩ hã te ãma asawi za'ra.

2 Timotiu 4:9

Ma'ãpé, we asima rowairébé, we ĩtẽme aimorĩ hâ, ĩzabu da.

1 Zuwã 1:4

Watoi uptabi zé hã wa te wasima 're sa'ẽtẽ za'ra mono da, wa ãne aima ãma rob'ui'éré za'ra wa'aba ni, ãma 're iwahâimana za'ra mono zéb da na hã.

Apocalipsi 21:4

Te za duré oto da'atõmo u'õ, dapẽ'ẽzé õ u'âsi 're dahâimana u'âsi za'ra mono da. Tawamhã duré oto 'Re dadâ'â za'ra mono õ di za. Duré 're dasiwa'õ za'ra mono õ di za oto. Duré dahâzé, da te 're sépata za'ra mono õ di za oto. E marĩ wa. Uburé 're iromhâimana 'rata mono zé hã si'utõrĩ pese wa oto.

Apocalipsi 7:17

E marĩ wa, te te 're robzépata waihu'u za'ra mono õ di za oto. Pone'ẽrebâ hã danhib'apito simasisizéb ãma isa hã te te 're 'madâ'â pese za'ra mono wa, te te 're robzépata waihu'u za'ra mono õ di za. A'ubuni wi, danhimizama da te 're i'madâ'â pese za'ra mono ne, te za te te 're 'madâ'â pese za'ra. Te za duré ub're u te te 're simroi u'âsi, â u'âsi u, da te 're âhuri mono wa, 're idanomro u'âsi mono zéb u. 'Re da'ru'ru mono wa, da'upĩ hã da te dasima 're i'u'õ za'ra mono ne, te za duré te te 're apawapto, pẽ'ẽzé ãna oto 're nomro u'âsi mono da.