2 Tesalonita 3:4 - ꞌRe Ihâimana Uꞌâsi Mono Zadawa Wasuꞌu4 Wa norĩ hã Wanhib'apito ãma simisutu 're wanomro mono wa, wa wa te ai'ãma 're umnhasi za'ra wa'wa. Tahawa, wa aiwaihu'u za'ra wa'aba ni, tô sena, wanhimiroti zarina ãma 're i'anomro aba mono na hã. Tane tô, õne u'â te za ãma 're anomro aba mo. အခန်းကိုကြည့်ပါ။ |
2 Tesalonita 3:4
18 ပူးပေါင်းရင်းမြစ်များ
Ĩsisãnawã norĩ, wa hã wa tô ai'ãma waihu'u pese za'ra wa'wa, asimizawi pese sina oto 're i'anomro wẽ wa'aba mono zém na hã. Duré aima waihu'u pese za'ra wa'aba di oto, 're aihâimana wẽ za'ra wa'aba mono zéb da hã. Ãne hã wa tô duré ai'ãma waihu'u pese za'ra wa'wa, Wanhib'apito nhimiroti na oto asima 're iroti waihu'u pese za'ra wa'aba mono zém na zama.
Te 're irowasu'u wẽ mono zéb zarina, duré te 're iromhuri wẽ mono zéb zarina ma tô zudeu'õ norĩ hã te te 're wapari pese za'ra, 'Re ihâimana u'âsi mono hã. E tawamhã ĩsi'uihâ na ĩwaihu'u pese na te 're i'ab'manharĩ wẽ mono na, wa za dama ĩsina 're ĩwata. Mare di. Ãne hã i'uwaibaba õ di. Cristuhu nhimipawaptobzéb zarina si, wa tô te tãma 're romhuri u'âsi za'ra, iwasu'uwẽ na hã.
Ni'wam norĩ si te marĩ hã simi'ẽ na te te dama 're 'manharĩ u'âsi za'ra, iwẽ hã. Ta norĩ hã 'Re ihâimana u'âsi mono si te te 're wẽsãmri za'ra mono da, te sina 're simipari za'ra, duré i'rata 're isi'ubumroi u'âsi mono zé, te te tãma 're apisutu mono da. Ta norĩ ma si, te za tô 'Re ihâimana u'âsi mono hã te te 're apisutu, 're isi'ubumroi u'âsi mono zéb da hã, i'rata.
Ãhã na te aima ãma irob'ui'éré za'ra wa'aba zé hã, ĩsi'uihâ na ĩnhimiroti na hãi õ di. Wanhib'apito zadawa para, wa aima ãma rob'ui'éré za'ra wa'wa, isimiroti zarina si. Ma'ãpé, ãne hã asi'uihâ na ãma waihu'u za'ra wa'aba, 'Re ihâimana u'âsi mono zadawa 'mahârâ'wa na asi'ãma 're irosa'rata za'ra wa'aba mono norĩ hã, duré aimawi romhuri mono bâ, Tipẽ'ẽzani na te te aima 're ipisutu za'ra wa'aba mono zém na asi'ãma 're irosa'rata za'ra wa'aba mono norĩ hã.
Danhihâiwata nhihâri ré si 're idahâimana za'ra mono zé hã marĩ dai õ di, 'Re ihâimana u'âsi mono ma hã. Duré danhihâiwata nhihâri õ nherẽ, 're idahâimana za'ra mono zé hã marĩ dai õ di, 'Re ihâimana u'âsi mono ma hã, ãne hã tô aiwa. Ãne si tãma ipire hã, 're idahâimana za'ra mono zéb da hã. 'Re ihâimana u'âsi mono nhimiroti, da te 're 'madâ'â pese za'ra mono sina 're idanomro wẽ mono zép si, tãma ipire hã.
Ãne wa, wa tô rob'ui'éré si ãma aima sõmri za'ra wa'wa a'â, te ĩsina iropisutuzém nhibrob're. Wa tô duré ĩsima rosa'rata, ãne: “Ãté itẽme ĩmorĩ za'ra wamhã, te za ĩwi tirobzei'õ pese, ĩnhimiroti hã te te 're wapari za'ra mono õ wa, ta norĩ hã. Ãne wa, wa za rob'ui'éré si tãma sõmri za'ra a'â. Tawamhã ĩnhimiroti hã te te saze za'ra wamhã, ĩto sina, wa za itẽme ĩmorĩ za'ra oto. Ãne wamhã, tãma ĩto za'ra zéb zarina, te za duré to sina sima 're hâimana za'ra, ta norĩ hã.” Ãne wa tô ĩsima rosa'rata, ai'ãma za'ra wa'aba hã. 'Re aihâimana za'ra wa'aba mono zém na, 're ĩtoi mono õ di. E ãne hã i'uwaibaba, ĩma hã. Mare di. I'uwaibaba õ di. Tahawa, wa tô a'â rob'ui'éré si ãma aima sõmri za'ra wa'wa.
Wasisãnawã hâiba amo hã wa za duré ãma atẽme satõrĩ za'ra wa'aba ni, Titu norĩ siré, ãma morĩ da. Ta hã wa tô nasi pibu za'ra ni, simi'ẽ na te te 're romhuri mono zô, Wanhib'apito ma. Tahawa, wa tô waihu'u za'ra ni, tô sena isimi'ẽ na hã, duré to sina te te 're iromhuri mono na hã. Ta hã aiwasu'u wẽ za'ra wa'wa hã te te wapari wa, tãma ai'umnhasi uptabi za'ra wa'aba di, za rob'uiprazém na dama i'asõprub za'ra wa'aba zéb da na hã. Tahawa, toi uptabi di ãhã na hã, rob'uiprazé ubumro na za te te ãma aipawaptob za'ra wa'aba wa.
Tane nherẽ, simisutu Wanhib'apito nhib'a'uwẽ 're wanomro mono wa, wa za te 're ai'umnhasi za'ra wa'wa, te aima iwaihu'u za'ra wa'aba zéb zarina si, za apâ 're aihâimana za'ra wa'aba mono na. Aibâ hã dama pire na 're hâimana mono nherẽ, aimawi tinhimirowasu'u na te te aiwi 're ro'wa'rutu za'ra wa'aba mono wa, tãma 're rowẽ mono õ di za, ta hã 'Re ihâimana u'âsi mono si za te te azâri wa.
Ta hã te te asõ'reptu za'ra wa'aba zém na, iwẽ na te te ai'ãma isãna'rata za'ra wa'aba zéb zarina, te za te te 're aipawaptob u'âsi za'ra wa'wa õne u'â, ti'ai u apâ we imorĩzéb u, Cristu Zezusi hã. Taha õ ré, te te aiwi sazâri waihu'u za'ra wa'aba õ di za, te te 're aipawaptob za'ra wa'aba mono zé hã. Iwẽ si te za tô te te aima 're 'manharĩ u'âsi za'ra wa'wa, ãma 're anomro wẽ u'âsi aba mono da. Ãne wa tô ai'ãma waihu'u za'ra wa'wa, tô sena na.
Ĩsisãnawã norĩ, ĩma asawi pese za'ra wa'aba norĩ hã, ma'ãpé ĩwapari pese za'ra wa'aba za. Wa hã tame ai'rata ĩhâimana za'ra wa'aba ré, ma tô ĩnhimiroti hã iwapari pese za'ra wa'wa. Tane nherẽ, ãhã na oto ai'rata ĩhâimana za'ra wa'aba õ nherẽ, te duré ĩnhimiroti hã 're iwapari pese za'ra wa'aba mo, ãma atẽme ĩwisi za'ra wa'aba õ nherẽ. Aihâimana prédup sina, te za 're iromhuri pese za'ra wa'aba mo, 'Re ihâimana u'âsi mono te te asõ'reptu za'ra wa'aba zéb zarina, 're anomro wẽ wa'aba mono zém na tãma ãma asina 're uwaimrami u'âsi za'ra wa'aba mono da.
Ma tô 're idazawi pese za'ra wa'aba mo tô, Masédonia na danhipti'a nho'õmo nhisi ãma 're idasi'ubumroi mono norĩ hã, 'Re ihâimana u'âsi mono te te 're isaze za'ra mono norĩ hã. Tane nherẽ, wa aima roti pese za'ra wa'aba ni, asimizawi pese zém nhipai u, asima 're sa'ẽtẽ za'ra wa'aba mono sina, iwẽ uptabi hã 're 'manharĩ za'ra wa'aba mono da.
Wasisãnawã norĩ, Wanhib'apito Zezu Cristuhu zadawa para, wa aima roti pese za'ra wa'aba ni, ni'wam norĩ wi, a'â 're aihâimana za'ra wa'aba mono da. Ta norĩ hã asiré isazei'wa norĩ nherẽ, wa'a u'âsi te 're hâimana za'ra. Wanhimiroti zarina 're hâimana za'ra mono õ di. Tahawa, ihâiba zu 're aihâimana za'ra wa'aba mono õ di za.
ကြော်ငြာတွေ