2 Pedru 3:7 - ꞌRe Ihâimana Uꞌâsi Mono Zadawa Wasuꞌu7 Duré 'Re ihâimana u'âsi mono mreme zarina, hâiwa norĩ hã ti'ai me te za a'â 're hâimana zahuré. Bâdâ iwa iwaptã'ãzéb u, te za dahâimanazéb zarina dama arowairébé, 'Re ihâimana u'âsi mono hã. Tawamhã te za da'uprosi, 're idahâimana wasété za'ra mono norĩ hã. Duré unhama ro'o na te za oto hâiwa norĩ hã uprosi zahuré, ti'ai me. အခန်းကိုကြည့်ပါ။ |
2 Pedru 3:7
31 ပူးပေါင်းရင်းမြစ်များ
Wa hã zahadu te isahoi mono 're, rob'madâ'â na te ãma uzusi mono ré, ma tô danhib'apito simasisizé hã dasiwi sãrĩ ni. Tawamhã nimahã dasimasisizém na te oto we Duréi 're Ihâimana mono hã ãma nhamra. I'uza hã ihâirã uptabi. Duré iséré hã, irã uptabi, pone'ẽrebâ zéré ne hã. Isimasisizé hã duré isimasisizé para hã tô unhama ro'o zoto ne i'manharĩ hã.
— Tawamhã isimi'e niwĩ isimasam norĩ ma, te za oto nharĩ za'ra, ãne: “A norĩ wa'wa hã ma tô 'Re ihâimana u'âsi mono hã te te siwi 're aiwẽ'õ pese za'ra wa'wa. Mo oto ĩnhiti ai'aba'réi wa'aba, unhama ro'o u'âsi u, wa'uburé norĩ zô 'Re ihâimana u'âsi mono te te ipisutuzéb u, duré ta norĩ nhib'apito zô zama.
Da te 're aiwaibui wẽ za'ra wa'aba mono õ wamhã, duré da te 're aiwapari ze za'ra wa'aba mono õ wamhã, te za dahawi 're aiwairébé su'u aba mo. Tawamhã dahawi 're aiwairébé aba mono õ ré, te za asisa'u aipara zapru hã 're itata'a za'ra wa'aba mo, ti'ai u 're rere'e mono da, dapo're õ na 're danomro mono wa, 'râwi 're dasisãmri za'ra mono da.
Asitob'ru norĩ ma, 're aipahi za'ra wa'aba mono da hã, mare di, Cristuhu zazei'wa norĩ 'ruiwapari'wa norĩ ma hã. Ãne hã aipahi ãna sada 're aihâimana za'ra wa'aba mono wamhã, te za ta norĩ hã 'râwi 're siwaihu'u za'ra, 'Re ihâimana u'âsi mono za te te i'uprosizém na hã, duré a norĩ wa'aba si za te te i'asõ'reptu za'ra wa'aba zém na hã.
Rob'uiprazéb zô, da te dasima 're rosa'rata siwamnarĩ u'âsi za'ra mono wamhã, ãté te za da te 're wapari za'ra, rob'uiprazém na wa'uburé te te dama 're i'aroti wasété mono zé hã. Ãne wamhã, ãté isimiroti hã da te 're rẽme waihu'u za'ra mono õ di za tô oto. Ãté rosa'rata ãna te za isimiroti zarina, marĩ zô si oto da te 're rob'ruiwapari za'ra, marĩ wasété zô zama. Ãne wamhã, te za oto dawi 're robzei'õ pese za'ra. Rowẽ u'âsi 're idanomro mono zé hã duré oto dama 're hâimana za'ra mono õ di za.
'Re ihâimana u'âsi mono ma, waihu'u pese di, Lo hã te te isõ'reptuzéb da hã. Tane duré, Wanhib'apito ma waihu'u pese di, ro'wa'rutu hawi te te 're i'anho'reptui mono zéb da hã, isimiroti 'madâ'â pese 'wa norĩ hã. Duré tãma waihu'u pese di, te te 're ida'ahâ za'ra mono zéb da hã, 're idanomro wasété mono norĩ hã, bâdâ iwa iwaptã'ãzéb u hã, dahâimanazém na te te ida'awaihu'uzéb da hã. Tawapsi te za dahâimanazéb zarina te te dama 're arowairébé, rob'rãsutuzéb ãma.
Wa za oto aima ãma romnhimiré'é za'ra wa'wa, waihu'u za'ra wa'aba da. Isipsaihuri hã sô idanhimipari õ zém na si, te za ãzé, 'ri para u hã. Tane, Wanhib'apito zô 're idanhimipari za'ra mono õ zém na si, te za wei mo apâ. Ãne wamhã, hâiwa te za ai'utõ. Rãrã'ã za'ẽtẽ uptabi di za. Uburé marĩ hã hâiwa na 're isimasa mono hã te za ai'uzâ. Danhipti'ai mono bâ, marĩ hã 're ihâimana za'ra mono hã te za si'utõrĩ.
Te za duré asimi'ẽ na sô 're asimipari za'ra wa'aba mo, 'Re ihâimana u'âsi mono bâdâ te te ipisutu zô. Bâdâ hã iwa waptã'ã su'u da, te za asiptete sina 're aihâimana wẽ za'ra wa'aba mo. Bâdâ iwa waptã'ã wamhã, te za hâiwa hã ai'utõ, unhama ro'o na. Duré uburé marĩ hã hâiwa na 're isimasa mono hã te za ai'utõ.
Niwapsi te za Zezusi hã dahâimanazém na da'awaihu'u, za te te da'ãma i'arowairébézéb ãma hã. Tawamhã 're ihâimana wasété za'ra mono norĩ si te za hâ za'ra oto. Cristu hã ti'ai ãma 're morĩ ré, sihâiba zawi ãna te te 're idazawi pese mono ne, ti'ab ré 're wasisawi pese za'ra mono wamhã, tawapsi, wasina wapahi za'ra õ di za, za da'ãma isipo'ozéb ãma hã oto. 'Re ihâimana u'âsi mono te te 're iwa'azawi pese mono zé hã wa te tãma ãma 're uwaimrami u'âsi za'ra mono wa, wa za wasina wapahi ãna isõ'a hã wahâimana za'ra ni.
Duré ãma asipo're pu'u za'ra wa'aba, duréihã Sodoma na 'ri nho'õmo nhisi ãma 're idahâimana wasété za'ra mono norĩ ãma, duré Gomora na 'ri nho'õmo nhisi ãma 're idahâimana wasété za'ra mono norĩ ãma, duré i'rata 'ri wa'õtõ mono bâ 're idahâimana wasété za'ra mono norĩ ãma hã. Tamemhã ma tô uburé dahâimana wasété uptabi na 're dahâimana za'ra, dasiwazari. Dahâiba na ma tô dasina 're danhimisaihuri za'ra. Duré aibâ nherẽ, ma tô aibâ si'uiwa na dasina 're dawasété za'ra. Hâiwa ãma aré te te 're iromhuri za'ra mono norĩ hã, 'Re ihâimana u'âsi mono hã te te 're iwapari za'ra mono õ ne, da te 're wapari za'ra mono õ di. Tahawa, ma tô unhama ro'o na dama rob'manharĩ za'ra, 'Re ihâimana u'âsi mono hã, da te 're robzépata u'âsi za'ra mono da, wẽ te bâ, unhama ro'o u'âsi na. Taha na te za ãma 're dasipo're pu'u u'âsi za'ra, ta norĩ zarina ãma 're danomro wasété tõ mono da, isirã za'ra zéb zarina.
à hã â hawi ropoto siwamnarĩ i'madâ hã ihâiba ré hã aré. Tane nherẽ, ãhã na hâiba ré, hâimana õ di a'â. Tane nherẽ, te za romhutu na hâiba ré watobro, ab're 'rehâ hawi. Watobro wamhã, niwapsi te za 'Re ihâimana u'âsi mono hã uprosi. Taha õ ré hã, aré dâ'â nherẽ, hâiba ré ab're 'rehâ hawi watobro wa, te za da te 'madâ'â za'ra sina ãma tatob'uzu za'ra ni, ti'ai ãma daro mono bâ 're idahâimana za'ra mono hã. Ropoto na'rata hawimhã, ma tô 'Re ihâimana u'âsi mono hã danhisi hã a'ui'éré ibaihâ na, za i'rata rowẽ na 're idahâimana u'âsi za'ra mono norĩ nhisi hã. Tawamhã ibaihâ na isisi ui'éré ihâimana za'ra õ norĩ hã te za ãma tatob'uzu za'ra ni, ropoto siwamnarĩ ãma hã.
Tawamhã wa tô duré 'madâ, danhib'apito simasisizé irã hã, isa'ẽtẽ uptabi hã. Ãma isãmra hã wa tô duré 'madâ. Tawamhã uburé pese hã, ma tô ti'a hã ai'utõ, duré hâiwa zama. Taha wamhã, marĩ õ uptabi di oto. Tahawa, da te 're 'madâ'â zahuré mono õ di oto, ti'a norĩ hã hâiwa me. Tâibâ ma tô ai'utõrĩ pese zahuré.
ကြော်ငြာတွေ