2 Pedru 3:5 - ꞌRe Ihâimana Uꞌâsi Mono Zadawa Wasuꞌu

^5-6 Ta norĩ hã te te 're 'madâ'â za'ra mono õ di, duréi pese timreme na hã hâiwa te te ipoto na, ti'a te te ipoto na zama, 'Re ihâimana u'âsi mono hã. Ta hã ma tô â na ãma aiwãnhiza, â hã ti'a hã te te 're uirĩ mono da oto. Duré ãma ronomro pari, ma tô â pusi. Ma tô tã si nomro. Ma tô uburé marĩ hã ti'ai ãma hã uprosi, â na.

2 Pedru 3:5 ပူးပေါင်းရင်းမြစ်များ

Zenezi 1:6

Tawamhã ãne te duré tinha, 'Re ihâimana u'âsi mono hã: — Â, ma'ãpé aiwa asima aipo'o aba, maparane misi zahuré si'uiwa na 're sa'wari zahuré mono da.

Zenezi 1:9

Tawamhã te duré tinha ãne: — Â hã hâiwa zahâpâ 're isa'wari mono hã te za misi haré oto ubumro, ti'ai 'ré na oto sihâi'ré da, ti'a hã. Tahawa ãne hã ma tô oto tiromhâiba.

Salmu 24:2

Ta hã ma tô â poré nhisiwi ti'a hã 'manha. Ma tô duré isãna'rada hã â poré â 'rehâ uptabi ãmamhã tisã.

Provébiu 17:16

Isimiza'rese'õ norĩ rowaihu'u wẽ tãma 're hâimana za'ra mono da, rob'uiprazé te te ãma 're i'uprosi za'ra mono hã marĩ dai õ di. E marĩ wa. Ta norĩ hã tô te te waihu'u za'ra dai õ wa.

Roma 1:28

Dapo're'õ na 're idanomro mono norĩ hã, 'Re ihâimana u'âsi mono nhimiroti tô sena hã te te siwi 're wẽ'õ pese za'ra mono wa, te za 'Re ihâimana u'âsi mono hã te te 're arẽme, si'uihâ na te te sima 're irosa'rata wasété za'ra mono zéb uwaibaba si, tiwasédé hã te te 're 'manharĩ u'âsi za'ra mono da.

Colosu 1:17

Cristu hã õne u'âsi te tô 're hâimana, marĩ õ uptabi ré hã. Ta hã te uburé marĩ hã tinhimipoto mono bâ te te 're atété tiwaihu'u pese na, si'wa'rutu na tiwi 're hâimana za'ra mono ãna, tãma 're hâimana za'ra mono da, simisutu.

Hebreu 11:3

'Re ihâimana u'âsi mono, wa te wasina 're i'umnhasi za'ra mono zéb zarina, wa tô, sena na wa te 're waihu'u za'ra, 'Re ihâimana u'âsi mono te te inharĩzéb zarina, marĩ õ uptabi ré, te te i'aropoto mono na hã. Datõmo na da te 're i'madâ'â waihu'u za'ra mono õ na si, ma tô te te ro'apoto, watõmo na wa te oto 're i'madâ'â za'ra mono da hã. Ãne na wa tô duré sena na wa te 're waihu'u za'ra, 'Re ihâimana u'âsi mono si, wa te wasina 're i'umnhasi za'ra mono zéb zarina hã.