2 Pedru 3:13 - ꞌRe Ihâimana Uꞌâsi Mono Zadawa Wasuꞌu

¹³ Ãne za romhâimana wa, hâiwa itéb zô, duré ti'a itéb zô zama, wa za sô 're wanhimipari u'âsi za'ra, tame dawẽ na si 're idahâimana za'ra mono zéb zô. 'Re ihâimana u'âsi mono hã ãne iwẽ na te te dama ropisutu wa, wa za sô 're wanhimipari u'âsi za'ra.

2 Pedru 3:13 ပူးပေါင်းရင်းမြစ်များ

2 Pedru 1:4

Ãne zarina, te te wama 're i'aropisutu mono zéb zarina, ma tô marĩ iwẽ hã wapẽ'ẽ 're, te te wama 're anhomri, sa'ẽtẽ na. Wama wẽ uptabi di, wama 're isõprub za'ra mono zé hã. E marĩ da, ma tô wama 're sõprub za'ra. Isine wahâimana wẽ na oto ãma 're wahâimana za'ra mono da. Ãne wamhã, isazei'õ'wa norĩ ne, wawasété zô 're wasiwasutu u'âsi za'ra mono õ di za, wawasété na 're wahâimana za'ra mono da hã.

Apocalipsi 21:1

Tawamhã wa tô duré 'madâ hâiwa ité hã, duré ti'a ité hã. Hâiwa i'rada hã ma tô ai'utõrĩ pese. Duré ti'a i'rata zama hã ma tô ai'utõrĩ pese. Â zama hã ma tô duré ai'utõrĩ pese.

Apocalipsi 21:27

Tawamhã marĩ iwasédé hã da te 'mazasi za'ra õ di za. Duré 're idahâimana wasété za'ra mono norĩ hã, duré 're idazadawa nhipese za'ra mono norĩ hã itẽme 're danhisisi waihu'u mono õ di za oto. Ibaihâ na 're idahâimana u'âsi za'ra mono norĩ nhisi 're isimi'wara mono zém na, isisi, 're isimi'wara mono norĩ si, te za itẽme 're sisisi, Pone'ẽrebâ te na isisi ui'éré ré mono norĩ si hã.