2 Corĩtu 9:5 - ꞌRe Ihâimana Uꞌâsi Mono Zadawa Wasuꞌu

⁵ Tahawa, wa tô ãne rosa'rata ĩsima, wasisãnawã norĩ hã ĩsisõwa te ãma atẽme satõrĩ za'ra wa'aba da, rob'uiprazé ubumro na te te aipawaptob za'ra wa'aba da, asiwi 'rã'õtõ pari aba hâ ĩzô, ĩma iropisutu za'ra wa'aba zéb zarina. Tawamhã ãma atẽme ĩwisi za'ra wa'aba wamhã, õne haré wa za ti'â, asi'uihâ na ato sina, dama asõprub za'ra wa'aba zém na, da te dasiwi aiwaihu'u za'ra wa'aba da.

2 Corĩtu 9:5 ပူးပေါင်းရင်းမြစ်များ

Zenezi 33:11

Tahawa ma'ãpé ĩzawi na hã aima ĩnhoprubzé te we isimroi mono hã asima wẽ za'ra na. 'Re ihâimana u'âsi mono ma tô iwẽ na si ĩma 're hâimana. Tahawa uburé marĩ ĩwi sô 're irobaba mono hã ma tô te te ĩma 're anhomri. Tawamhã Zaco, Ezauhu ma hã te te nasi tãma 'ruzadawa za'rei'õ wa, ma tô oto sima wẽ.

1 Corĩtu 16:2

Dumigu sidâpâsi 're sãmra aba mono da, te za rob'uiprazé hã 're ipo'o u'âsi za'ra wa'aba mo, aihâiba mono bâ wa'aba. Aipawa'â hã suru na 're waibui wa'aba mono wamhã, suru na te za 're ipo'o za'ra wa'aba mo. Duré sa'ẽtẽ na 're waibui wa'aba mono wamhã, sa'ẽtẽ na te za duré 're ipo'o za'ra wa'aba mo. Atẽme ĩwisi aba wapsi, asiwi 'rã'õtõ aba da, asima rosa'rata za'ra wa'aba õ di za. Ĩwana ré, te za asiwi 're i'rã'õtõ u'âsi aba mo dumigu sidâpâsi, ĩzô nomro siromo da.

2 Corĩtu 8:6

Titu hã ãma atẽme morĩ 'rata aba wamhã, ma tô rob'uiprazé ubumro na sãna'rata, asõprub za'ra wa'aba zém na hã. Tahawa, wa tô tãma roti pese ni, duré ãma atẽme morĩ aba wamhã, rob'uiprazé ubumro na te te ãma sizusi da, romhuri hã wẽ uptabi na te te uprosi da.

2 Corĩtu 9:3

Ãne na, wa tô dama aiwasu'u wẽ za'ra wa'wa. Tane nherẽ, wa za ĩsisõwa ãma atẽme satõrĩ za'ra wa'wa, wasisãnawã norĩ hã, rob'uiprazé ubumro na te te aipawaptob za'ra wa'aba da, ĩwana ré asiwi 'rã'õtõ pari aba da, te dama aiwasu'u wẽ za'ra wa'aba zéb zarina. Duré te dama aiwasu'u wẽ za'ra wa'aba zém na, taré te ai'umnhasi baba za'ra wa'aba tõ da, wa za tô ãne hã 'manha.

2 Corĩtu 9:6

Ãne na, wa za duré ãma aipo're pu'u za'ra wa'wa, ãma rosa'rata za'ra wa'aba da. Amnho hã suru na da te 're izuri mono zéb zarina, te za suru na da te 're ubumro za'ra, dama 're 'rã za'ra mono wamhã. Sa'ẽtẽ na, da te 're zuri mono wapsi, te za oto sa'ẽtẽ na da te 're ubumro za'ra. Tane duré, dasima 're idanhoprub za'ra mono zéb zarina, te za 'Re ihâimana u'âsi mono hã dama 're sõpru, iwa'rãmi.

Filipu 4:17

E asõprub za'ra wa'aba zém na ĩma ãma sahu za'ra wa'aba da, wa tô ãne hã aima waihu'u za'ra wa'wa. Mare di. Isãna'rata hawi ĩ'ãma 're ana wa'aba mono zéb zarina, 'Re ihâimana u'âsi mono si, iwẽ na za te te aipawa'âbâ za'ra wa'aba zéb da na te te aima ãma sa'ẽtẽ za'ra wa'aba da si, wa tô te ai'ãma 're 'madâ'â u'âsi za'ra wa'wa.

Zuize 1:15

— Wa tô ĩsima wẽ, asõprubzé hã! A hã ti'ai 'ré si ma tô ĩma isõ. Tahawa ma'ãpé oto u siro 're ihâimana mono ré hã ĩma 'manhomri. Tahawa ma tô Calebi, sa'a nhisi ti'a, sa'a zahâpâ ti'ai me, u siromo ré hã tãma sõmri zahuré.

1 Samuéu 25:27

Ma'ãpé, ĩnhoprubzé te we aima i'âri hã asiwi wẽ'õ ãna te za i'â, ate dasi'wapéi 'manharĩ'wa norĩ ma, sõmri za'ra da.

1 Samuéu 30:26

Tawamhã Dawi Zicradi u apâ wisi wamhã, ma tô marĩ hã tinhitob'ru norĩ wi te te iwaibu za'ra hã, tisiwaihu'u norĩ ma sõmri za'ra, Zuda ti'ai ãma dama i'rãnho'õmo norĩ ma. Tawamhã ãne rob'ui'éré na hã ma tô tãma nharĩ za'ra: — Ã hã ate za'ra wa'aba da, wa ãma aima sõmri za'ra wa'wa, Wanhib'apito 'Re ihâimana u'âsi mono nhitob'ru norĩ wi, wa te irowaibu te aima ãma ipo'o za'ra wa'wa hã.