Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Corĩtu 8:8 - ꞌRe Ihâimana Uꞌâsi Mono Zadawa Wasuꞌu

8 Ãne hã wa hã te ãma aima 'ru za'ra wa'aba õ di. Taré wa aima ãma roti za'ra wa'wa, ĩnhimiroti zarina, 'manharĩ za'ra wa'aba wamhã, 're idazawi pese za'ra wa'aba mono zém na, sena na da te 're aiwaihu'u za'ra wa'aba mono da. Masédonia ãma isazei'wa norĩ hã simi'ẽ na te te 're idapawaptob za'ra mono ne zô pé, wa ãne na taré ãma aipibu za'ra wa'wa.

အခန်းကိုကြည့်ပါ။ ကော်ပီ




2 Corĩtu 8:8
19 ပူးပေါင်းရင်းမြစ်များ  

Taré asimizawizé hã aima 're hâimana za'ra wa'aba mono tõ da, te za tô sena na asimizawi pese zé hã aima 're hâimana u'âsi za'ra wa'wa. Uburé marĩ wasété nhiti, te za 're aihâimana za'ra wa'aba mo, asiwi 're wẽ'õ pese za'ra wa'aba mono sina. Uburé aihâimanazé iwẽ na si te za oto 're aihâimana za'ra wa'aba mo.


A norĩ wa'wa hã 're saze za'ra wa'aba mono õ ré, asina 're aimro za'ra wa'aba mono norĩ ma, wa za oto aima roti za'ra wa'wa. Wanhib'apito hã ti'ab ré, ãne na te te dama 're roti mono õ nherẽ, tane nherẽ, wa za aima ãma roti za'ra wa'wa, ãne na: Aibâ norĩ hã isazei'wa na 're hâimana za'ra mono nherẽ, imro hã isazei'õ'wa na tãma 're hâimana za'ra mono wamhã, duré pi'õ hã timro siré 're hâimana u'âsi za'ra mono da, te te sima 're sawi pese za'ra mono wamhã, ãne wamhã, aibâ norĩ hã timro hã te te 're rẽme za'ra mono õ di za.


Rob'ui'éré na we asiwi ĩzadanharĩ za'ra wa'aba zém na, wa za duré ãma aima roti za'ra wa'wa, mro ãna zahadu 're ihâimana za'ra mono norĩ na hã. Wanhib'apito hã ti'ai ãma 're morĩ ré, ãne na te te dama ãma 're roti mono õ nherẽ, wa za aima ãma roti za'ra wa'wa. Wanhib'apito hã tinhoprubzéb zarina, ma tô te te 're ĩpawapto, dama ĩ'umnhasizéb zarina, isimiroti zarina si, te dama ãma 're roti mono da. Taha zarina, wa za tô oto aima ãma roti za'ra wa'wa.


A norĩ wa'wa hã uburé asina 're aimro za'ra wa'aba mono da hã, te aima 'ru za'ra wa'aba õ di. Asi'uihâ na asima 're iwẽ za'ra wa'aba mono zarina, 're aimro za'ra wa'aba mono da hã, te duré aiwi wẽ'õ za'ra wa'aba õ di.


Ãne na, wa te 're robzépata za'ra mono nherẽ, wa tô 're wanomro wẽ u'âsi. 'Re ihâimana u'âsi mono nhimirowaihu'u si, wa tô oto wa te 're waihu'u pese za'ra. Tahawa, wawara sina hã duré oto dazada 're wazahi za'ra mono õ di oto. Wanhimizawi pese na si hã, wa oto duré 're wahâimana za'ra. 'Re ihâimana u'âsi mono pẽ'ẽzani nhimipawaptobzéb zarina si, wa duré wa te dama 're romhuri za'ra. Wazadawa nhipese ãna, wa sena na si, wa te 're dazawi pese za'ra. Ãne zarina, te za asiwi iwawaihu'u za'ra wa'wa, sena na 'Re ihâimana u'âsi mono zadawa 'mahârâ'wa, dama 're iwahâimana za'ra mono na hã.


Ĩnhimirosa'rada hã wa za oto aima waihu'u za'ra wa'wa, rob'uiprazé asiwi i'ubumroi wa'aba zém na hã. Wahub 'rata na ma tô dawana asima ipisutu za'ra wa'wa, rob'uiprazé hã asiwi i'rã'õtõ aba zéb da hã. Dawana ma tô duré rob'uiprazé ubumro na ãma isãna'rata za'ra wa'wa. Tahawa, ma'ãpé asiwi uprosi wẽ wa'aba, rob'uiprazé ubumro hã. Ato sina, ãma asisaze za'ra wa'aba ne, te za oto ãhã na hã ãma i'uwaimrami za'ra wa'wa duré, rob'uiprazém na hã, aihâiba mono bâ aima 're ihâimana za'ra wa'aba mono zéb zarina, niha wamhã, isa'ẽtẽ zarina, niha wamhã, duré isuru zarina.


Tahawa, ma'ãpé iwẽ na si uburé marĩ na hã ãma tãma uwaimrami za'ra wa'aba za, asimizawi pese za'ra wa'aba zém na te te aiwaihu'u za'ra wa'aba da, duré sena na, wa te dama 're i'aiwasu'u wẽ za'ra wa'aba mono zém na, te te aiwaihu'u za'ra wa'aba da. Duré ãme isazei'wa norĩ, siré 're isi'rã'õtõ mono norĩ hã, ãne na te te aiwaihu'u za'ra wa'aba da, te za iwẽ na si tãma ãma i'uwaimrami za'ra wa'wa za.


E marĩ wa. Zudéa ãma isazei'wa norĩ hã asiwi pawaptob za'ra wa'aba da, asi'uihâ na ato sina, ãma asima rosa'rata za'ra wa'aba wa. Ãne na, wa tô wa hã ãma aiwaihu'u za'ra wa'wa, tô sena na. Ãme Masédonia ãma isazei'wa norĩ 're ihâimana za'ra mono norĩ ma, wa tô aiwasu'u wẽ za'ra wa'wa. Ãne, wa tô ta norĩ ma hã tãma aiwasu'u wẽ za'ra wa'wa: “Ataza ãma isazei'wa norĩ hã ma tô rob'uiprazé ubumro na sãna'rata za'ra, wahub 'rata na hã.” Ãne na, wa tô tãma aiwasu'u wẽ za'ra wa'wa. Rob'uiprazé hã ato sina, asiwi i'ubumro siromo za'ra wa'aba zéb zarina, ma tô ta norĩ zama sima ãma rosa'rata za'ra, to sina, aiwa asine wa'aba, te te siwi 'manharĩ wẽ da, aiwab da.


'Râwi aipẽ'ẽ 're, asima iwaihu'u za'ra wa'aba zéb zarina si, te za aihâiba mono bâ dama asõprub za'ra wa'wa, ãté sa'ẽtẽ na, ãté suru na. Robzei'õ nherẽ, dama asõprub za'ra wa'aba õ di za. Duré taré da te aima i'ru za'ra wa'aba zéb zarina, dama asõprub za'ra wa'aba õ di za. Mare di. Asi'uihâ na si te za asima iwẽ za'ra wa'aba zéb zarina, dama asõprub za'ra wa'wa, ato sina. Ãne si iwẽ uptabi hã, 'Re ihâimana u'âsi mono ma hã, dato sina dasima 're idanhoprub za'ra mono zé hã.


Wa norĩ hã roti tô sena na si, wa za wasima wa te 're roti za'ra, 're wasisawi pese za'ra mono sina. Ãne wamhã, wahâimana wẽ na, wa za wa te 're sa'ẽtẽ za'ra. Tawamhã wa za oto wa te wasina 're uwaimrami za'ra, Cristuhu ne 're iwanomro wẽ uptabi mono zé hã, Wanhib'apito ne.


Uburé Wanhib'apito Zezu Cristuhu zawi pese 'wa norĩ ma, wa za te tiwi 're rowaptẽrẽ u'âsi, ta norĩ hã Wanhib'apito tô sena te te 're sawi pese za'ra mono wa, Wamama hã iwẽ na te te 're apawaptob u'âsi mono da.


Wa za duré wasi'ãma hã 're wapo're pu'u u'âsi za'ra, marĩ na 're iwasipawaptob za'ra mono zéb da na, duré taha zarina 're iwasisawi pese za'ra mono zém na wa te wasima ãma 're i'uwaimrami za'ra mono zéb da na, duré marĩ wẽ na wa te wasima ãma 're iwa'rãmi wẽ za'ra mono zém na da zama.


Tawamhã Zozué ma te ãne timreme hã tãma 'rãsutu za'ra: — Tahawa te za ã hawim haré ãhã na hã 'Re ihâimana u'âsi mono, Uburé Danhib'apito hã 're iwazéb za'ra wa'aba mo, isib'a'uwẽ sena na ãma 're anomro aba mono da. Duré asisiti sãmra aba, aihi'rata norĩ Mezopotãmia ãma, duré Ezitu ãma, ihâiba'õ ãma waihu'u pese newa ãma 're iwata za'ra mono hã, Uburé Danhib'apito ãmap si 're anomro aba mono da oto.


Wanhib'apito nhimiroti hã, tô sena. A norĩ wa'wa hã ma tô isimiroti hã 're iwapari pese za'ra wa'aba mo. Tahawa, marĩ iwasété na asima 're rosa'rata za'ra wa'aba mono õ di oto. Aiwẽ na 're anomro aba mono da si, te oto asima 're irosa'rata za'ra wa'aba mo. Dazawizé hã tô sena te oto aima 're hâimana za'ra wa'wa, asiré Wanhib'apito zazei'wa norĩ ãma. Tahawa, te za õne u'âsi 're asisawi pese za'ra wa'aba mo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ