2 Corĩtu 8:20 - ꞌRe Ihâimana Uꞌâsi Mono Zadawa Wasuꞌu

²⁰ Wanhimisaihuri hã da te wa'ãma nomri tõ da, wa za asõprub za'ra wa'aba zé hã wasitẽme wa te wasiwi 'madâ'â pese za'ra, wasi'aba'réi wamhã.

2 Corĩtu 8:20 ပူးပေါင်းရင်းမြစ်များ

Mateu 10:16

— Ma'ãpé ĩwapari pese za'ra wa'aba. Pone'ẽrebâire, robzahi wa'wa u 're isisisi mono ne, wa za datẽme asatõrĩ za'ra wa'wa. Tahawa, te za asimiza'rese 're anomro aba mo, wahi ne. Duré utu'u, marĩ iwasédé hã te te 're i'manharĩ za'ra mono õ ne, te za 're anomro wẽ wa'aba mo.

Roma 14:16

Ãne hã marĩ hã aima wasété aba õ nherẽ, 're 'manharĩ za'ra wa'aba mono õ di za, da te 're aiwasu'u wasété za'ra wa'aba mono tõ da.

1 Corĩtu 16:3

Tawamhã atẽme za'ra wa'aba ãma ĩwisi wapsi, asiwi ipisutu za'ra wa'aba norĩ hã wa za iré satõrĩ za'ra Zeruzalẽ u, asõprubzéb za'ra wa'aba ré hã, te te siwi âri da. Rob'ui'éré ré zama, wa za duré satõrĩ za'ra, wa te iwẽsãmri za'ra norĩ wasu'u na rob'ui'éré hã.

2 Corĩtu 11:12

Zezusihi zadawa wasu'u'wa newa, tô senai'õ na te te dama 're iroti za'ra mono norĩ hã, aiwa ĩsine hã te te dama 're iromhuri za'ra mono na dama 're siwasu'u za'ra mono tõ da, wa za tô ĩpawa'âbâ ãna te 're da'apawaptob u'âsi.

2 Corĩtu 8:19

Duré dama simiromhuri wẽ uptabi wa, ma tô isazei'wa norĩ hã siwi pisutu, Zeruzalẽ u isazei'wa norĩ nhoprubzéb ré, za iwasi'aba'ré siré, ãma wasiré morĩ da. Tawamhã Wanhib'apito ãma wawatazéb da, wa za tô ãne hã 'manharĩ ni, duré wato sina, wa te 're ida'apawapto mono zém na, da te wawaihu'u za'ra da.

2 Corĩtu 8:21

I'uwaibaba, wa te ãma i'uwaimrami za'ra da si, wa tô iré wasima rob'madâ'â za'ra ni, Wanhib'apito nho'a, duré uburé danho'a zama.

Éfézu 5:15

Tahawa, wa za aima roti za'ra wa'wa, 'râwi asina 're asõpré u'âsi aba mono da, 're i'anomro wẽ wa'aba mono zéb da na hã. Sena na roti wẽ waihu'u'õ'wa ne, 're anomro wasété aba mono õ di za oto. Roti sena hã oto aima waihu'u pese za'ra wa'aba wa, te za ãma 're anomro wẽ wa'aba mo, tô sena roti wẽ zarina si.

1 Tesalonita 5:22

Uburé marĩ iwasédé hã te za asiwi 're iwẽ'õ pese za'ra wa'aba mo, iré 're anomro aba mono tõ da.