2 Corĩtu 7:5 - ꞌRe Ihâimana Uꞌâsi Mono Zadawa Wasuꞌu

⁵ Masédonia u, we wasimasisi wamhã, wa te ãma ãpusi waihu'u õ di. Ãmemhã wazada hã ro'wa'rutu uptabi di, da'ahâ na wazada dahâimana za'ra wa. Duré ai'ãma wahâtâ'â za'ẽtẽ za'ra wa'aba di. E marĩ wa. Wanhib'apito wasu'uwẽ nhiti, aipizari za'ra wa'aba õ'umnhasite.

2 Corĩtu 7:5 ပူးပေါင်းရင်းမြစ်များ

Zenezi 8:9

Tane nherẽ, ãma isabzéb da, utu'u rob'ré hã te te 'masãmri õ di, zahadu â, ti'a hã te te urĩrĩ mono õ wa. Tahawa utu'u apâ te te itẽme sina siri wamhã, ma tô Nowé tinhib'rada hã sô wẽ. Tawamhã te te âri wamhã, ma tô apâ uba're 'ri para u hã tisã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:1

Tawamhã damreme na ro'wa'rudu hã ma tô sahâri za'ra ni. Rowẽ di oto. Rob u'âsi nomro wamhã, Paulu hã ma tô Zezusihi zazei'wa norĩ zô tihârâ za'ra. Tahawa, ma tô tãma roti za'ra, siptete sina 're hâimana za'ra mono da. Tawamhã ma tô oto tãma siwasu'u za'ra, za oto imorĩ na hã. Taha pari, te oto mo, Masédonia u.

Roma 15:26

Masédonia na danhipti'a nho'õmo nhisi ãma, duré Ataza na danhipti'a nho'õmo nhisi ãma, zudeu'õ isazei'wa na oto 're ihâimana za'ra mono norĩ hã ma tô sima wẽ za'ra, rob'uiprazé hã te te siwi ubumro da, Zeruzalẽ ãma isazei'wa norĩ te te siwi ãma pawaptob za'ra da, simarĩ ãna 're ihâimana za'ra mono norĩ hã, zudeu norĩ hã. Ta norĩ nhoprub za'ra zé hã, ĩsi'uihâ na te tãma âri za'ra da Zeruzalẽ u, taha da, wa za a'â tamomop si hã mo.

1 Corĩtu 15:31

Ĩsisãnawã norĩ, awẽ sidâpâsi aré 're ĩdâ'â u'âsi mono nherẽ, wa tô te dama 're rowasu'u u'âsi, iwasu'uwẽ na. Wa norĩ hã Wanhib'apito Cristu Zezusihi ãma simisutu oto 're wanomro mono wa, tô sena aima 're ĩtoi uptabi za'ra wa'aba mono zéb zarina, wa tô sena na aima ĩsiwasu'u za'ra wa'wa, ãne na hã.

1 Corĩtu 16:5

Wa tô ĩsima rowairébé, Masédonia u, a'â ĩmorĩ da, tame isazei'wa norĩ siré a'â ĩnhamra hutu da. Tawamhã Masédonia hawip si, wa za oto ãma atẽme ĩmorĩ 'wa, tamomomhã.

2 Corĩtu 2:13

Tane nherẽ, wa tô ĩhâtâ'â sina ĩhâimana, wasisãnawã Titu hã ĩzô sãmra õ wa, tame te sõpẽtẽ da nherẽ aré. Tahawa, wa tô õne haré ta hawimhã mo, Masédonia u we ĩmorĩ da hã.

2 Corĩtu 2:3

Ãne wa, wa tô rob'ui'éré si ãma aima sõmri za'ra wa'wa a'â, te ĩsina iropisutuzém nhibrob're. Wa tô duré ĩsima rosa'rata, ãne: “Ãté itẽme ĩmorĩ za'ra wamhã, te za ĩwi tirobzei'õ pese, ĩnhimiroti hã te te 're wapari za'ra mono õ wa, ta norĩ hã. Ãne wa, wa za rob'ui'éré si tãma sõmri za'ra a'â. Tawamhã ĩnhimiroti hã te te saze za'ra wamhã, ĩto sina, wa za itẽme ĩmorĩ za'ra oto. Ãne wamhã, tãma ĩto za'ra zéb zarina, te za duré to sina sima 're hâimana za'ra, ta norĩ hã.” Ãne wa tô ĩsima rosa'rata, ai'ãma za'ra wa'aba hã. 'Re aihâimana za'ra wa'aba mono zém na, 're ĩtoi mono õ di. E ãne hã i'uwaibaba, ĩma hã. Mare di. I'uwaibaba õ di. Tahawa, wa tô a'â rob'ui'éré si ãma aima sõmri za'ra wa'wa.

2 Corĩtu 2:9

Ĩnhimi'ui'éré 'rata na, wa tô aima ãma roti za'ra wa'wa, aibâ hã tô õ hã asiwi wẽ'õ za'ra wa'aba da. Ĩnhimiroti si 'madâ'â za'ra wa'aba zô, wa tô aima ãma rob'ui'éré za'ra wa'wa, aibâ hâiba na hã.

Galata 4:11

Ãne wa, wa ai'ãma 're ĩhâtâ'â za'ra wa'wa. E marĩ wa. Wanhib'apito wasu'uwẽ na 're ĩsiwasutu wẽ mono nherẽ, te 're aipawaptob za'ra wa'aba mono zé hã, e taré te za ãhã wamhã 're hâimana.

1 Tesalonita 3:5

Tahawa, asada 're dazahi za'ra wa'aba mono wa, apâ ãma atẽme ĩmorĩ aba neza, 're isazei'õ utõrĩ za'ra wa'aba mono zé hã te aiwi waihu'u za'ra wa'aba da. Tahawa, Timotiu hã wa tô ãma atẽme satõrĩ za'ra wa'wa, apâ te te we wama aiwasu'u za'ra wa'aba 'wa da hã. Wa'uburé hã dawasété da, dawada'uri'wa hã te te aipibu za'ra wa'aba wa, 're saze zahâri za'ra wa'aba mono õ'umnhasite, wa tô ai'ãma 're ĩhâtâ'â za'ra wa'wa. Aima wanhimiromhuri za'ra wa'wa hã taré 're hâimana mono õ'umnhasite, wa tô ãma atẽme satõrĩ za'ra wa'wa Timotiu hã, te te aiwaihu'u za'ra wa'aba da.