2 Corĩtu 7:16 - ꞌRe Ihâimana Uꞌâsi Mono Zadawa Wasuꞌu

¹⁶ Tahawa, wa hã duré, aima ĩto za'ẽtẽ za'ra wa'aba di. E marĩ wa. Ĩma ai'umnhasi za'ra wa'aba wa oto, ãne na 're i'aihâimana za'ra wa'aba mono zém na hã.

2 Corĩtu 7:16 ပူးပေါင်းရင်းမြစ်များ

Roma 2:19

Ãne na te duré asi'ãma si 're irosa'rata upa za'ra wa'aba mo: “Wa norĩ si datob'a ne 're idanomro mono norĩ hã, wa wa te 're simro, tô sena. Robra u'âsi 're idanomro mono norĩ ma, wa wa te 're rowa'a za'ra.

2 Corĩtu 2:3

Ãne wa, wa tô rob'ui'éré si ãma aima sõmri za'ra wa'wa a'â, te ĩsina iropisutuzém nhibrob're. Wa tô duré ĩsima rosa'rata, ãne: “Ãté itẽme ĩmorĩ za'ra wamhã, te za ĩwi tirobzei'õ pese, ĩnhimiroti hã te te 're wapari za'ra mono õ wa, ta norĩ hã. Ãne wa, wa za rob'ui'éré si tãma sõmri za'ra a'â. Tawamhã ĩnhimiroti hã te te saze za'ra wamhã, ĩto sina, wa za itẽme ĩmorĩ za'ra oto. Ãne wamhã, tãma ĩto za'ra zéb zarina, te za duré to sina sima 're hâimana za'ra, ta norĩ hã.” Ãne wa tô ĩsima rosa'rata, ai'ãma za'ra wa'aba hã. 'Re aihâimana za'ra wa'aba mono zém na, 're ĩtoi mono õ di. E ãne hã i'uwaibaba, ĩma hã. Mare di. I'uwaibaba õ di. Tahawa, wa tô a'â rob'ui'éré si ãma aima sõmri za'ra wa'wa.

2 Tesalonita 3:4

Wa norĩ hã Wanhib'apito ãma simisutu 're wanomro mono wa, wa wa te ai'ãma 're umnhasi za'ra wa'wa. Tahawa, wa aiwaihu'u za'ra wa'aba ni, tô sena, wanhimiroti zarina ãma 're i'anomro aba mono na hã. Tane tô, õne u'â te za ãma 're anomro aba mo.

Filemo 1:21

Ãne, wa aima rob'ui'éré, ĩnhimiroti hã waihu'u da. Zahadu wapsi, uburé 're i'ab'manharĩ wẽ mono zé hã, Onezimuhu ãma hã, ĩnhimiroti zarina hã wa za waihu'u. Ãté ĩnhimiroti zarina si õ di za. Ãté asi'uihâ na asimirosa'rata zarina zama, te za tãma i'manharĩ wẽ.

Filemo 1:8

Tahawa, marĩ na wa za aima rowaihu'u. Wa za duré aiwi rowaptẽ. Wa hã asiré Cristuhu zazei'wai wa, adub'rada, wa oto 're mo. E tahawa, wa za ãma aima ti'ru, marĩ hã 'manharĩ da. Mare di. Te ãma aima 'rui õ di za.