2 Corĩtu 7:10 - ꞌRe Ihâimana Uꞌâsi Mono Zadawa Wasuꞌu

¹⁰ Isazei'õ'wa norĩ hã 're inomro wasété mono zéb zarina, robzei'õ u'âsi 're hâimana za'ra mono wa, te ta norĩ hã dâ'â u'âsi ne 're hâimana za'ra, tipẽ'ẽ 're. Tane nherẽ, 'Re ihâimana u'âsi mono te te dama 're i'apisutu mono zéb zarina si, dawi 're robzei'õ pese za'ra mono wamhã, tawapsi te za dawasété wi 're dasipizari za'ra. Taha zarina si, te za oto 'Re ihâimana u'âsi mono hã te te 're da'anho'reptu. Ãne wamhã, 're idahâimana wasété za'ra mono zém na 're dasiwẽ'õ za'ra mono õ di za oto.

2 Corĩtu 7:10 ပူးပေါင်းရင်းမြစ်များ

Zenezi 30:1

Tawamhã Raqueu, 'ra waihu'u õ na siwaihu'u wamhã, ma tô tidub'rada Léia hã 'ruiwapa, õhõ si 'ra siwapto wa. Tahawa te timro ma tãma tinha ãne: — Ma'ãpé ĩ'ra da, ĩma sô romhuri. Ãnei õ wamhã, wa za dârâ.

Provébiu 15:13

Dapẽ'ẽ 're rowẽzé hã te za da'ubu zei pese. Tazahã, robzei'õ hã te za niha na dapẽ'ẽzei'õ hã dama tisõ.

Provébiu 15:15

Robzei ãna 're ihâimana za'ra mono norĩ hã te za bâtâ bâre ropire na 're hâimana za'ra. Tane nherẽ, pẽ'ẽ toi u'âsi 're ihâimana za'ra mono norĩ hã te za tihâimana ze zém na 're hâimana u'âsi za'ra.

Provébiu 17:22

Dapẽ'ẽ 're rowẽzé hã te wedenhi iwẽ uptabi ne hã dama 're hâimana. Tane nherẽ, õne u'â dapẽ'ẽ 're robzei ãna 're idahâimana za'ra mono zé hã te za atãma na te te 're danhib'uwa zani za'ra.

Provébiu 18:14

Dapẽ'ẽ 're rowẽzém na danhiptede hã te za dahâzé wamhã, te te 're da'a'upari. Tane nherẽ, dapẽ'ẽ 're dawi 're irobzei'õ za'ra mono wi hã ni'wa tiwi 're sima'wara waihu'u mono õ di.

Zona 3:10

Tawamhã 'Re ihâimana u'âsi mono hã ma tô 'madâ, marĩ te te i'manharĩ za'ra zé hã, duré tinhibâdâdi iwasédé hã te te irẽme za'ra zéb zama. Tahawa, ma tô tinhimirosa'rata na ãma saprĩ, te te tãma rob'manharĩ za'ra tõ da oto, 'ri nho'õmo 're, 're ihâimana za'ra mono norĩ ma hã, te te aré nharĩ nherẽ, te te da'uprosi da hã.

Zona 3:8

Uburé a'uwẽ norĩ hã duré abaze norĩ zama te za ãma si'uza za'ra, sa'u ihâiro na. Dahâiba mono bâ te za sa'ẽtẽ tamreme zusi ni za, 'Re ihâimana u'âsi mono ma hã. Te za duré danhibâdâdi iwasédé hã rẽme za'ra ni, danhimirob'manharĩ wasété zéb zama.

Zona 4:9

Tane nherẽ, te 'Re ihâimana u'âsi mono hã sadanha: — Zona, e tô i'uwaibaba ma asib'ru, rob're zabâdâmhã. Zonahã asa te tãma tinha ãne: — E marĩ bété. Tô i'uwaibaba ma ĩwa aime, ĩnhiti'rui pese zé hã. Taha zarina i'uwaibaba ĩdâ'â da si, wa ĩsima wẽ.

Mateu 26:75

Tawamhã Zezusi te te tãma iwaihu'uzém na ma sina po're puru, Pedru hã. Ãne Zezusi te te tãma iwaihu'u siromo zé hã, isõwa: “Si'a hã hârâ õ ré, si'ubdatõ te za dawi ĩ'udâ, ĩzadawa para õ nherẽ.” Tawamhã ãne na oto imreme na sina po're pu'u wamhã, ma tô watobro rob u, Pedru hã. Tahawa, te oto aiwa'õ, sina pẽ'ẽzé uptabi wa.

Luca 15:10

— Tane duré, ni'wa hã siwa'ru 're imorĩ hã, tiwasédé hã te te oto rẽme pese wamhã, hâiwa ãma 'Re ihâimana u'âsi mono ma romhuri'wa norĩ hã te za ãma 're to za'ra, tiwasédé hã te te rẽme pese wẽ te, misi nherẽ.

Luca 18:13

— Tanei õ di, rob'uiprazé arĩ ubumroi'wa hã. Hâiwi te za, romhâ na. Te ti'rã po. 'Râwi siwẽ'õ wa, 'rãi wahutu õ di. Ãne te tãma siwasu'u: “'Re ihâimana u'âsi mono, wa hã ĩwasétére di. Ĩwasété wa, ĩ'ãma aipẽ'ẽzé na, ĩwasédé hã ĩma pari da.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:18

Ãne hã te te wapari za'ra wamhã, asa te te tãma nharĩ waihu'u za'ra õ di oto. Tahawa, ma tô ãma tiwata za'ra, 'Re ihâimana u'âsi mono ãma. Tawamhã te oto sima rowasu'u za'ra, ãne: — 'Re ihâimana u'âsi mono hã ma tô zudeu'õ norĩ zama pisutu za'ra, tiwasété wi 're sipizari za'ra mono da, 'Re ihâimana u'âsi mono siré, rowẽ na 're hâimana u'âsi za'ra mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:19

Tahawa, te za aiwasédé hã 're irẽme za'ra wa'aba mo, 'Re ihâimana u'âsi mono u 're aipizari za'ra wa'aba mono da, aiwasédé hã te te aima 're pari za'ra wa'aba mono da. Tawamhã 'Re ihâimana u'âsi mono, te za te te 're aipawaptob za'ra wa'wa, aipẽ'ẽ 're, asiptete u'âsi ãma 're anomro aba mono da. Zezusi hã te za we apâ satõ, Danho'reptui'wa da, 'Re ihâimana u'âsi mono hã te te aima ipisutu za'ra wa'wa hã.

2 Corĩtu 12:21

Ãma atẽme ĩwisi aba wamhã, ãté ĩpẽ'ẽzé te, wa za aiwa'õ, ai'ãma ĩpẽ'ẽzé uptabi za'ra wa'aba wa. Duréihã ai'ahâ na ma tô aiwasédé hã 're i'manharĩ za'ra wa'aba mo aré. Ma tô duré asina 're asimisaihuri za'ra wa'aba mo, pi'õ na, aibâ na zama. Asiséb ãna, ma tô duré marĩ iwasétére zô si asima 're asõpré wa'aba mo. Ãne na aiwasédé hã 're 'manharĩ za'ra wa'aba mono nherẽ, aiwasété wi 're aipizari za'ra wa'aba mono õ wa, ãté te za ĩwi tirobzei'õ pese. Tahawa, ãté ĩnhiséb di za, Ĩnhib'apito ma hã, duré 'Re ihâimana u'âsi mono ma hã, ai'u'âbâ za'ra wa'aba hã.

2 Corĩtu 7:9

Tahawa, wa hã ĩtoi uptabi di, ãhã na hã. E ĩnhimi'ui'éré na te aiwi robzei'õ pese za'ra wa'aba wa, wa ĩto sina ĩhâimana. Mare di. Aiwi irobzei'õ pese za'ra wa'aba zéb zarina, aiwasété wi aipizari za'ra wa'aba wa, wa ĩto sina ĩhâimana. 'Re ihâimana u'âsi mono te te aima iwẽ za'ra wa'aba zéb zarina si, ma tô aiwi tirobzei'õ za'ra wa'wa. Tahawa, wa hã marĩ iwasédé hã te ãma aima 'manharĩ za'ra wa'aba õ di, ĩnhimi'ui'éré na te ãma aima inharĩ za'ra wa'aba zém na hã.

Hebreu 12:17

Tawamhã taha na ãma ronomro parip si, ma tô Ezau hã timama ma tinha, 'Re ihâimana u'âsi mono ma, ãma mreme da, iwẽ hã te te tãma 're anhomri mono da, inoi upana. Tane nherẽ, ma tô imama hã siwi wẽ'õ, ãma mreme tõ da. Tahawa, tiwasédé te te 'manharĩ pari nherẽ, apâ te te sima pari waihu'u õ di, timama ma te te nharĩ sina, wawa 'rãihâ na wawa nherẽ. Ãhã wasu'u hã aima waihu'u pese za'ra wa'aba di, ãne na hã.

1 Samuéu 30:6

Tawamhã Dawihi ma hã ropire uptabi di. E marĩ wa. Ite aibâ norĩ hã 'ra ãna oto hâimana za'ra wa, ma te oto isé pire hã sô tiwatobro za'ra. Tahawa, Dawi hã ẽtẽ na te te siwi wĩrĩ da te ãma sima robzanhamri pibu za'ra. Tane nherẽ, ma tô Uburé Danhib'apito ite 'Re ihâimana u'âsi mono nhimipawaptobzém na hã ipẽ'ẽ 'remhã aptete.