2 Corĩtu 6:2 - ꞌRe Ihâimana Uꞌâsi Mono Zadawa Wasuꞌu

² Duréihã Izaia hã ma tô 'Re ihâimana u'âsi mono mreme na rob'ui'éré, ãne: “Ai'ãma ĩpẽ'ẽzézéb da, bâdâ te ĩsima ipisutuzém na, wa tô aiwapa. Te i'asõ'reptuzéb da, bâdâ hã iwa waptã'ã wamhã, wa tô aipawapto tô.” Ma'ãpé, ĩwapari pese za'ra wa'aba. Bâdâ ma tô oto iwa waptãrã, 'Re ihâimana u'âsi mono nhimizawi pese zé hã asi'uihâ na asima tiwi waptẽrẽ za'ra wa'aba da, duré te te asõ'reptu za'ra wa'aba da.

2 Corĩtu 6:2 ပူးပေါင်းရင်းမြစ်များ

Salmu 69:13

Tane nherẽ, Uburé Danhib'apito, wa hã wa za aiwi rowaptẽ. 'Re ihâimana u'âsi mono, ma'ãpé te ãma aiwi irowaptẽrẽzém na hã ĩzada'âbâ, nimahã bâdâ asima iwẽ zéb zarina, 're ĩzawi pese uptabi mono wa! Duré ĩnho'reptu na, iropisutuzéb zarina.

Luca 18:37

Tahawa, te asa tãma rowasu'u za'ra ni, ãne: — Zezusi, Nazaré hawi we imorĩ, ma ro'razâ.

Luca 4:19

'Re ihâimana u'âsi mono hã te te sima iropisutuzé hã ma tô iwa waptãrã, tinhib'a'uwẽ hã te te 're i'anho'reptui mono zéb da hã. Taha wasu'u na te 're da'apo're pu'u mono da, ma tô wẽ ĩzatõ.”

Hebreu 3:13

Awẽ sidâpâsi te za duré asimiroti na 're asipawaptob u'âsi za'ra wa'aba mo, aipẽ'ẽ toi u'âsi Cristuhu ãma si 're anomro wẽ wa'aba mono da, asiptete sina. Satanasihi nhimiroti wasédé hã wẽ newa, aiwasédé hã 're 'manharĩ za'ra wa'aba mono tõ da, duré 'Re ihâimana u'âsi mono nhimiroti hã asiwi 're wẽ'õ za'ra wa'aba mono wa, ai'rã tete na tiwi 're aihâimana za'ra wa'aba mono tõ da, te za tô 're asipawaptob u'âsi za'ra wa'aba mo, rowẽ na wasiré 're wahâimana za'ra mono ré, ti'ai ãma hã.

Hebreu 3:7

Duréihã ni'wa hã ma tô 'Re ihâimana u'âsi mono pẽ'ẽzani zadawa para, ãne na ãma rob'ui'éré: “Ã bâtâ na, 'Re ihâimana u'âsi mono mreme hã wapari za'ra wa'aba wamhã, aipo're si'âri 're aihâimana za'ra wa'aba mono õ di za, ai'rã tete aba na. Duréihã aihi'rata norĩ wa'wa hã ma tô ãne na hã po're ãna sada tihâimana za'ra, 'Re ihâimana u'âsi mono da. Ta norĩ hã a'ubuni wi 're nomro mono ré, nimahã bâtâ na ma tô tiwasédé hã 'manharĩ za'ra, 'Re ihâimana u'âsi mono hã niha zô te te sina pibu za'ra da, niha te te pé tãma rob'manharĩ za'ra õ zô, ãma iwa'a su'u za'ra õ na hã.”

Hebreu 4:7

E niha wa za tawamhã ãne na sena na wa te ãma 're waihu'u za'ra. 'Re ihâimana u'âsi mono hã ma tô bâdâ hã tô sena na pisutu, 're idawa'utu u'âsi za'ra mono ne, rowẽ uptabi na 're idanomro mono zéb u 're idanhisisi mono zéb da hã. Tawamhã ãne te te pisutu wamhã, “ã bâtâ na” ma tô sisi, 'Re ihâimana u'âsi mono hã. Ãne na ma tô apito Dawi hã dama sadawa wasu'u, duréihã wahi'rata norĩ hã a'ubuni wi 're inomro mono zém hawi, ãma wahub ahâ za'ra parip si. Ãne apito Dawi te te ãma irob'ui'érézém na te ãma aima irob'ui'éré za'ra wa'aba zé hã: “Ã bâtâ na, 'Re ihâimana u'âsi mono mreme hã wapari za'ra wa'aba wamhã, aipẽ'ẽ tete na aihâimana za'ra wa'aba tõ.”