2 Corĩtu 4:9 - ꞌRe Ihâimana Uꞌâsi Mono Zadawa Wasuꞌu

⁹ Wazada hã ahâ di wanhitob'ru norĩ hã. Tane nherẽ, da te 're iwarẽme za'ra mono na 're wahâimana za'ra mono õ di. Te duré da te 're wa'ahâri sa'ẽtẽ uptabi. Tane nherẽ, wazô 're rob'é'é waihu'u mono õ di.

2 Corĩtu 4:9 ပူးပေါင်းရင်းမြစ်များ

Salmu 22:1

Ĩte 'Re ihâimana u'âsi mono, ĩte 'Re ihâimana u'âsi mono, e marĩ da, ma tô ĩrẽ. E marĩ da, ma tô romhâ na ĩnhiti aihâiba. E marĩ wa, duré ĩpawaptob da, ĩmreme 'rãihâ na te aiwi iwaptẽrẽzém na hã ĩwapari õ di.

Provébiu 24:16

E marĩ wa. Sena na 're ihâimana za'ra mono ahâ na tihâimanazém na 're rere'e mono nherẽ, te za apâ hã 're wahutu za'ra, hâiwi tipẽ'ẽ 'remhã para na 're simasa mono da hã. Tane nherẽ, iwasété norĩ si hã te za ropipa sô 're iwairébé mono hã te te 're uprosi.

Zuwã 15:20

Asina ĩwapari pese za'ra wa'aba, ãma 're rosa'rata u'âsi za'ra wa'aba mono da, ĩmreme na. Danhib'apito norĩ ma, da te 're i'manharĩ za'ra mono zéb zarina, te za duré tãma iromhuri'wa norĩ ma, da te 're 'manharĩ za'ra. Wa hã Asib'apito za'ra wa'wa hã da te ĩma 're irob'manharĩ wasété za'ra mono ne, te za duré aima za'ra wa'aba, da te 're rob'manharĩ wasété za'ra. Duré ĩnhimiroti hã da te 're 'madâ'â pese za'ra mono wamhã, asimiroti za'ra wa'aba zama te za duré da te 're 'madâ'â pese za'ra.

Roma 8:35

Cristu hã te te 're wa'azawi pese uptabi. E 'wa hã te Cristuhu nhimizawi pese zém nhiti te te 're iwa'azani mono da hã, 're hâimana. Ni'wai õ uptabi di. Tane nherẽ, ãté wa za a'â wa te 're robzépata za'ẽtẽ za'ra. Ãté marĩ iwasédé hã te za a'â wazô 're wairébé. Ãté isazei'wa 're wanomro mono wa, te za a'â da te wama 're rob'manharĩ wasété za'ra. Ãté mra hã wa za a'â wa te 're sépata za'ra. Ãté wanhibrob ãna, wa za a'â 're wahâimana za'ra. Ãté te za duré a'â da te wama 're amhâzépa za'ra, da te 're wanhimroi mono da. Ãté te za duré da te 're wanhimro. E tawamhã, ãne na wa te 're robzépata za'ra mono 'ru te, te za Cristu te te 're iwa'azawi pese mono zé hã, wawi 're si'utõrĩ za'ra. Mare di. Wawi 're si'utõrĩ waihu'u za'ra mono õ di za.

2 Corĩtu 7:6

'Re ihâimana u'âsi mono hã, taha si dapẽ'ẽ nomri'wa te 're hâimana, dawi 're robzei'õ za'ra mono nherẽ. Ta hã ma tô wapẽ'ẽ hi, Titu hã aihawi wa'aba, nimosi wei watẽme wisi wa.

2 Timotiu 3:12

Cristu Zezusihi ãma 're dahâimana wẽ za'ra mono da, da te dasima 're wẽ za'ra mono 'ru te, dasi'uihâ na te za tô isazei'wa norĩ ma, da te 're rob'manharĩ wasété za'ra.

Hebreu 13:5

Rob'uiprazéb zawizé, te te aima 're roti za'ra wa'aba mono tõ da, tãma asina 're rowairébé za'ra wa'aba mono õ di za. Asibro hã aima 're ihâimana za'ra wa'aba mono na si, te za asima 're irowẽ za'ra wa'aba mo. Duréihã 'Re ihâimana u'âsi mono hã ma tô ãne dama sina ropisutu: “Niwamhã te airẽme za'ra wa'aba õ di za. Duré asiwaprosi 're aihâimana za'ra wa'aba mono da, asiti za'ra wa'aba 're ĩhâimana waihu'u mono õ di za.”