2 Corĩtu 4:18 - ꞌRe Ihâimana Uꞌâsi Mono Zadawa Wasuꞌu

¹⁸ Uburé marĩ hã ti'ab ré, datõmo na da te 're i'madâ'â za'ra mono si hã, si'utõrĩ pese di. Hâiwa ãma marĩ hã datõmo na da te 're i'madâ'â waihu'u za'ra mono õ si, 're si'utõrĩ waihu'u mono õ di za. Te za 're hâimana u'âsi za'ra. Tahawa, ti'ab ré datõmo na da te 're i'madâ'â za'ra mono zô si, wa te 're rob'ruiwapari mono õ di za. Datõmo na da te 're i'madâ'â waihu'u za'ra mono õ zô si, wa za wa te 're rob'ruiwapari u'âsi, wa norĩ hã.

2 Corĩtu 4:18 ပူးပေါင်းရင်းမြစ်များ

Mateu 25:46

— Tawamhã ta norĩ hã te za oto ai'aba'ré, 'Re ihâimana u'âsi mono nhiti, isimihâzém na za te te 're irobzépata u'âsi za'ra mono zéb u. 'Re ihâimana u'âsi mono nhimiroti te te 're i'madâ'â pese za'ra mono norĩ si, te za i'rata 're hâimana u'âsi za'ra, rowẽ u'âsi ãma.

2 Corĩtu 5:7

Wa norĩ hã, uburé marĩ hã hâiwa ãma 'Re ihâimana u'âsi mono, za te te wama 're i'anhomri mono hã, ti'ab ré watõmo na romhâ ré, wa te 're i'madâ'â za'ra mono zéb zarina, 're wahâimana za'ra mono õ di. Uburé te te sima wa'ãma 're i'aropisutu mono zém na, wa te 're isaze za'ra mono zéb zarina si, wa ãma 're wahâimana za'ra, watõmo na wa te wasisõwa 're 'madâ'â za'ra mono õ nherẽ, romhâ ré.

2 Tesalonita 2:16

'Re ihâimana u'âsi mono hã Wamama hã, te te 're wa'azawi pese. Te duré te te 're wa'apawapto, wapẽ'ẽ 're, 're wanomro wẽ u'âsi mono da, wahâimana nhiptete sina wanhimi'ẽ na sô 're wanhimipari u'âsi za'ra mono da, iwẽ zô. Tahawa, wa za Wamama wi, wa te 're rowaptẽrẽ u'âsi za'ra, duré Wanhib'apito Zezu Cristuhu wi zama, ato sina 're aihâimana za'ra wa'aba mono da, duré asiptete sina iwẽ na si tãma 're romhuri pese za'ra wa'aba mono da, asimirowasu'u wẽ za'ra wa'aba na hã.

Hebreu 11:1

E niha, 'Re ihâimana u'âsi mono, wa te wasina 're i'umnhasi za'ra mono zé hã. Ta hã te te wama 're i'apisutu mono zéb zarina, iwẽ uptabi zô si 're iwanhimipari u'âsi za'ra mono na, tô sena za te te wama ãma i'uwaimrami za'ra na, wa za wa te wasina 're waihu'u za'ra. Duré uburé marĩ hã watõmo na wa te 're i'madâ'â waihu'u za'ra mono õ zama, wa za duré wa te 're waihu'u za'ra, sena na 're ihâimana za'ra mono na hã. Ãne 'Re ihâimana u'âsi mono, wa te wasina 're i'umnhasi za'ra mono zé hã, te za wama 're hâimana za'ra.

Hebreu 11:13

à norĩ hã 'Re ihâimana u'âsi mono te te sina 're umnhasi za'ra mono ré, 're dâ'â za'ra mono nherẽ, 'Re ihâimana u'âsi mono te te tãma iropisutu za'ra zé hã te te sima 're waibui mono õ di ta norĩ hã, ti'ai ãma hâiba ré 're hâimana za'ra mono ré hã. Tane nherẽ, 'Re ihâimana u'âsi mono te te tãma iropisutu za'ra zé hã romhâ na uptabi na za te te tãma ãma i'uwaimrami za'ra na, sena na te te 're waihu'u za'ra mono wa, ma tô ãma 're to za'ra ta norĩ hã, ti'ai ãma 're nomro mono ré. Ma tô duré sõ'awi dama 're siwasu'u za'ra, ti'ai ãma dasiré 're ihâimana uptabi za'ra mono õ na hã.

Hebreu 9:11

Cristu hã ma tô oto sisasedoti tô, sasedoti ipire uptabi na dama 're hâimana mono da, 're idanomro mono zép té hã iwẽ uptabi hã te te dama 're ab'madâ'â mono da oto. Tawamhã hâiwa ãma 'ri hã, 'Re ihâimana u'âsi mono hã iwa 're isãmra mono zéb u, ma tô oto ãzé Cristu hã, danhib'rata na da te dasiwi i'ri õ u, ropoto wazari ti'ai ãma 're isa mono õ u. Ti'ai ãma romhâ 'manharĩ na 'ri nhipai u, wẽ uptabi di 'ri, hâiwa ãma hã. Pire uptabi na te ta hã 're sab u'âsi.

1 Zuwã 2:25

Cristu hã ma tô ãne wama ropisutu siromo za'ra, 're wadâ'â za'ra mono ãna, i'rata 're iwasi'ubumroi u'âsi mono zéb da hã.