Tamomo ma tô itẽme si'rã'õtõ, dama ipire norĩ hã, Zezusihi u. Taha wamhã, te tãma nharĩ za'ra, ãne: — E niwa te za wama asiwasu'u za'ra. Wama asiwasu'u za'ra zéb zô hã, wanhimipari wa'a za'ra di. A hã, tô sena Danho'reptui'wa da, 'Re ihâimana u'âsi mono te te aipisutu wamhã, ma'ãpé sõ'awi wama asiwasu'u za'ra na, wa te aiwaihu'u za'ra da.
2 Corĩtu 3:12 - ꞌRe Ihâimana Uꞌâsi Mono Zadawa Wasuꞌu12 'Re ihâimana u'âsi mono te te dama iropisutuzép té hã, niwamhã wawi 're si'utõrĩ za'ra mono dai õ wa, wa taha umnhasi sina, wa te 're 'madâ'â u'âsi. Tahawa, wapahi ãna, wa tô wa te dama 're wasu'u u'âsi. အခန်းကိုကြည့်ပါ။ |
2 Corĩtu 3:12
21 ပူးပေါင်းရင်းမြစ်များ
Tahawa, te tãma nharĩ za'ra, ãne: — Sõ'awi ma tô oto wama asiwasu'u za'ra, romnhimiré'é ãna. Wanhimirosa'rata za'ra hã ma tô asina iwaihu'u siro. Tahawa, wa te wasiwi asadanharĩ da, asina wazô asimipari õ di. Ãne wama waihu'u pese za'ra di oto. Tahawa, wa tô asaze za'ra ni, tô sena 'Re ihâimana u'âsi mono hawi we aimorĩ na.
Tane nherẽ, Paulu norĩ hã te Iconizu ãma aimasisi hâ zahuré. Pahi ãna ma tô Wanhib'apito hã dama wasu'u wẽ zahuré. Tawamhã iwasu'uwẽ hã tô sena na da te waihu'u za'ra da, Wanhib'apito hã ma tô Paulu norĩ pawaptob zahuré, da te 're iwaihu'u za'ra mono zéb da hã, marĩ iwẽ hã dama i'manharĩ waihu'u'õ hã te te dama 're ab'manharĩ zahuré mono da tame.
Pedru norĩ hã mreme pahi zahuré õ di. Te te duré datõmo pipa zahuré õ di. Tahawa, zudeu norĩ ma roti'wa norĩ hã ma tô ãma titob'uzu za'ra. Rowahutu'wa da, te te dame 're romnhoré zahuré mono õ nherẽ, mreme pahi zahuré õ di. Tawamhã ma tô ãma tipo're pu'u za'ra oto, Zezusihi siré 're ineb zahuré na, ti'ai ãma 're morĩ ré hã.
Tawamhã Banabé hã ma tô Sauluhu ãma aime. Zezusihi zadawa wasu'u'wa norĩ u ma tô saprõ, te te tãma wasu'u za'ra da, bâdâdi wa Wanhib'apito te te i'madâ'âzém na hã. Duré Sauluhu ma, Wanhib'apito te te irowasu'uzém na ma tô tãma wasu'u za'ra. Damascu ãma pahi ãna Zezusi te te dama iwasu'uzém na, te duré tãma rowasu'u za'ra.
Tane nherẽ, wasiré isazei'wa norĩ 're wasi'rã'õtõ mono ré, damreme dama iwaihu'u'õ na, ĩnhimirowasu'u hâ na te dama 're rowasu'u mono wamhã, e aré ibâ ãne hã, ãma 're idasipawaptob za'ra mono da hã. Mare di. Aré ibâi õ di, ĩma hã. Ĩnhimirowasu'u 'rutu na nherẽ, damreme dama isadaihu'u pese na te dama 're rowasu'u mono wapsi, aré iwẽ ĩma hã, 'Re ihâimana u'âsi mono nhimiroti na te dama ãma 're i'aroti mono zé hã.
Ni'wam norĩ hã asiré wa'aba, 're ihâimana za'ra mono norĩ hã te ãne te te sima 're ĩbâsi za'ra: “Paulu hã wa'rata sãmra ré hã, waimri na ihâimana, duré wama za'ra hã isasi õ. Wanhiti romhâ na 're hâimana mono wapsi, te mreme pahi ãna te te wama 're anharĩ, tinhimi'ui'éré na si.” E ãne hã ĩma 're hâimana mono bâ. Mare di. Wa hã Paulu, wa za oto aima ãma roti za'ra wa'wa. Ĩwapari pese za'ra wa'aba za. Cristuhu nhisi na, wa za ãma aima roti za'ra wa'wa ãhã na hã, ta hã simizawi pese wa, duré atãma na 're hâimana u'âsi mono wa. Marĩ da, 're sisapẽtẽ waihu'u mono õ di, ta hã.
'Re ihâimana u'âsi mono nhimiroti 'rada hã wẽ wa, ma tô Mozésihi hâiba na tirowa'a, ẽtẽ tõmo baihâ na rob'ui'éré hã te te mrami ré hã. Tane nherẽ, ãma ronomro hâ õ di, rowa'a na hã. 'Re ihâimana u'âsi mono te te dama iropisutuzép tép si wẽ uptabi di, taha si 're si'utõrĩ waihu'u mono õ wa za, te te 're ida'anho'reptui mono zé wasu'u wẽ hã.
Duréihã apito Dawi hã ma tô ãne na ãma rob'ui'éré: “'Re ihâimana u'âsi mono hã wa tô te ĩsina 're umnhasi, te te 're ĩpawapto mono da. Tahawa, ĩmreme ãna 're ĩhâimana waihu'u mono õ di. Wa tô te dama 're wasu'u u'âsi, isimiroti hã tô sena wa.” Ãne duréihã apito Dawihi nhimi'ui'éré, ibaihâ na hã. Tane duré wanhimirosa'rada hã. 'Re ihâimana u'âsi mono hã wa te wasina 're umnhasi pese mono wa, duré wa te 're sazei pese mono wa, wa isadawa wasu'u na wa te aima 're rowasu'u u'âsi za'ra wa'wa.
Duré dazazéb 're ĩhâimana wa, te oto wasisãnawã norĩ hã ahâ na te te sina 're umnhasi u'âsi za'ra Wanhib'apito hã, taha si te te 're ĩpawaptob u'âsi mono wa. Tahawa, pahi ãna te oto 'Re ihâimana u'âsi mono wasu'u hã te te dama 're wasu'u za'ra, te te sina 're danhimimnhasi za'ra mono nherẽ, ta norĩ hã.
Tahawa, wa tô wa hã ĩpẽ'ẽ 're, 're ĩsi'madâ'â pese, niwamhã ĩnhimiromhuri na 'Re ihâimana u'âsi mono ma, te ãma 're i'uwaimrami mono zém na ĩzô 're robaba tõ mono da, õne u'âsi ĩpahi ãna te tãma 're romhuri u'âsi mono da, ãhã na zama. Ãne wa, wa 'râwi te ĩsima 're 'ruiwapari u'âsi. Ãne na tô sena ãma 're ĩhâimana mono zém na da te 're ĩwaihu'u za'ra mono wamhã, te za Cristuhu ãma si 're dawata za'ra, ĩhâiba ré, ãma 're ĩhâimana mono na hã, duré ãté ĩdâ'â da nherẽ, ãma 're ĩhâimana u'âsi mono na zama.
Tahawa, ma'ãpé duré 'Re ihâimana u'âsi mono ma si, ĩ'ãma 're aimreme zusi aba mono za, taha si te te 're ĩpawaptob u'âsi mono da, Cristuhu wasu'uwẽ dama iwaihu'u'õ hã ipibu pese na si te dama 're wasu'u mono da, da te oto ãma 're iwaihu'u pese za'ra mono zéb da hã, ãhã da si te te ĩpisutu wa, 'Re ihâimana u'âsi mono hã.
Filipu na 'ri nho'õmo nhisi ãma zahadu wasi'ubumroi ré, wa tô robzépata za'ra ni, isazei'õ'wa norĩ nhimihâzém na, duré damreme wasété na zama. Taha na ma tô wa'ãmamhã iwaihu'u za'ra wa'wa. Tane nherẽ, Wanhib'apito 'Re ihâimana u'âsi mono hã ma tô wapawaptob za'ra, wapahi ãna, isadawa wasu'u hã wa te aima wasu'u za'ra wa'aba da, Cristuhu wasu'uwẽ hã. Tahawa, wamreme wa'rãmi, da te wawi ro'wa'rutu za'ra nherẽ, wa tô iwasu'uwẽ na aima rowasu'u za'ra wa'aba ni tô, wapahi za'ra ãna.
ကြော်ငြာတွေ