2 Corĩtu 2:9 - ꞌRe Ihâimana Uꞌâsi Mono Zadawa Wasuꞌu

⁹ Ĩnhimi'ui'éré 'rata na, wa tô aima ãma roti za'ra wa'wa, aibâ hã tô õ hã asiwi wẽ'õ za'ra wa'aba da. Ĩnhimiroti si 'madâ'â za'ra wa'aba zô, wa tô aima ãma rob'ui'éré za'ra wa'wa, aibâ hâiba na hã.

2 Corĩtu 2:9 ပူးပေါင်းရင်းမြစ်များ

Ezodu 16:4

Tahawa, Uburé Danhib'apito te Mozésihi ma tinha ãne: — Hâiwa hawi dasa, tã ne aima 're a'a za'ra wa'aba mono da hã wa za te aima ab'manharĩ 'wa. Tahawa, awẽ sidâpâsi te za uburé pese rob u hã sô 're dawairébé, misi bâtâ na dahâiba mono bâ da te dasisa 're ubumroi mono da. Ãne wa za dapibu za'ra, dama ĩnhimiroti za'ra zé, da te 're wapari pese za'ra mono zô.

2 Corĩtu 10:6

A norĩ wa'wa hã te oto Cristuhu ãma 're isasõmri pese za'ra wa'aba mo. Tane nherẽ, ni'wam norĩ hã asiré 're hâimana za'ra wa'aba mono nherẽ, Cristuhu wi, apâ tihâimana wasété zô 're sipizari za'ra mono wa, wa za ta norĩ zada 're wahâimana, wa te wasiwi iwẽ'õ za'ra zéb zarina, niha wa te dama ãma roti za'ra da, ta norĩ hâiba na hã.

2 Corĩtu 2:3

Ãne wa, wa tô rob'ui'éré si ãma aima sõmri za'ra wa'wa a'â, te ĩsina iropisutuzém nhibrob're. Wa tô duré ĩsima rosa'rata, ãne: “Ãté itẽme ĩmorĩ za'ra wamhã, te za ĩwi tirobzei'õ pese, ĩnhimiroti hã te te 're wapari za'ra mono õ wa, ta norĩ hã. Ãne wa, wa za rob'ui'éré si tãma sõmri za'ra a'â. Tawamhã ĩnhimiroti hã te te saze za'ra wamhã, ĩto sina, wa za itẽme ĩmorĩ za'ra oto. Ãne wamhã, tãma ĩto za'ra zéb zarina, te za duré to sina sima 're hâimana za'ra, ta norĩ hã.” Ãne wa tô ĩsima rosa'rata, ai'ãma za'ra wa'aba hã. 'Re aihâimana za'ra wa'aba mono zém na, 're ĩtoi mono õ di. E ãne hã i'uwaibaba, ĩma hã. Mare di. I'uwaibaba õ di. Tahawa, wa tô a'â rob'ui'éré si ãma aima sõmri za'ra wa'wa.

2 Corĩtu 2:4

Te ãma aima rob'ui'éré 'rata za'ra wa'aba wamhã, wa tô ai'ãma robzépata za'ẽtẽ za'ra wa'wa, ĩpẽ'ẽ 're. Ãne wa, ĩpẽ'ẽzé uptabi di. Tahawa, wa tô duré aiwa'õ. E tawamhã, aiwi robzei'õ za'ra wa'aba da, wa tô ãne na hã ãma aima rob'ui'éré za'ra wa'wa. Mare di. Ãne da hãi õ di. Ĩma asawi uptabi za'ra wa'aba zém na asiwi ĩwaihu'u za'ra wa'aba da si, wa tô ãne na hã ãma aima rob'ui'éré za'ra wa'wa.

2 Corĩtu 2:8

Tahawa, ma'ãpé asiwi pawapto wẽ wa'aba, aima isawi pese za'ra wa'aba zém na, te te sina aiwaihu'u pese za'ra wa'aba da, robzei'õ u'âsi 're hâimana tõ mono da, asiti za'ra wa'aba.

2 Corĩtu 8:2

Ta norĩ hã da te ãma 're irowasété za'ra mono na, te te 're robzépata za'ẽtẽ za'ra mono nherẽ, duré sibrob ãna 're hâimana za'ra mono nherẽ, ma tô to sina, dama tinhoprub za'ẽtẽ za'ra, tite rob'uiprazém na hã.

2 Corĩtu 8:24

Tahawa, ma'ãpé iwẽ na si uburé marĩ na hã ãma tãma uwaimrami za'ra wa'aba za, asimizawi pese za'ra wa'aba zém na te te aiwaihu'u za'ra wa'aba da, duré sena na, wa te dama 're i'aiwasu'u wẽ za'ra wa'aba mono zém na, te te aiwaihu'u za'ra wa'aba da. Duré ãme isazei'wa norĩ, siré 're isi'rã'õtõ mono norĩ hã, ãne na te te aiwaihu'u za'ra wa'aba da, te za iwẽ na si tãma ãma i'uwaimrami za'ra wa'wa za.

Filipu 2:12

Ĩsisãnawã norĩ, ĩma asawi pese za'ra wa'aba norĩ hã, ma'ãpé ĩwapari pese za'ra wa'aba za. Wa hã tame ai'rata ĩhâimana za'ra wa'aba ré, ma tô ĩnhimiroti hã iwapari pese za'ra wa'wa. Tane nherẽ, ãhã na oto ai'rata ĩhâimana za'ra wa'aba õ nherẽ, te duré ĩnhimiroti hã 're iwapari pese za'ra wa'aba mo, ãma atẽme ĩwisi za'ra wa'aba õ nherẽ. Aihâimana prédup sina, te za 're iromhuri pese za'ra wa'aba mo, 'Re ihâimana u'âsi mono te te asõ'reptu za'ra wa'aba zéb zarina, 're anomro wẽ wa'aba mono zém na tãma ãma asina 're uwaimrami u'âsi za'ra wa'aba mono da.

Filipu 2:22

Tane nherẽ, Timotiu hã 're imorĩ wẽ na ma tô iwaihu'u za'ra wa'wa, da te 're pibui wasété mono nherẽ, 're isipizari mono õ na hã. Ta hã ma tô ĩsiré te te 're romhuri u'âsi, Cristuhu wasu'uwẽ na hã. Damama siré da te 're iromhuri u'âsi za'ra mono ne, ma tô ĩsiré te te 're romhuri u'âsi, ta hã.

2 Tesalonita 3:14

à rob'ui'éré na wa te aima inharĩ za'ra wa'aba na, ni'wa hã asiré isazei'wa nherẽ, ãma 're morĩ wẽ da, te te sima wẽ õ wamhã, ta hã te za oto ãma iwaihu'u za'ra wa'wa. Tawamhã ihâiba zu ãma 're anomro aba mono da, asima 're wẽ za'ra wa'aba mono õ di za, siséb za'ra da, ta norĩ hã.

Filemo 1:21

Ãne, wa aima rob'ui'éré, ĩnhimiroti hã waihu'u da. Zahadu wapsi, uburé 're i'ab'manharĩ wẽ mono zé hã, Onezimuhu ãma hã, ĩnhimiroti zarina hã wa za waihu'u. Ãté ĩnhimiroti zarina si õ di za. Ãté asi'uihâ na asimirosa'rata zarina zama, te za tãma i'manharĩ wẽ.