2 Corĩtu 2:5 - ꞌRe Ihâimana Uꞌâsi Mono Zadawa Wasuꞌu

⁵ Ni'wa hã, asiré 're ihâimana za'ra wa'aba mono hã misi ma tô tihâimana wasété na sina ĩwi robzei'õ. Tane nherẽ, e ĩwi si ma tô tirobzei'õ. Mare di. A norĩ wa'aba wi zama, ma tô aiwi tirobzei'õ za'ra wa'wa suru na, aibâ 're ihâimana wasété mono paramhã. E aiwi robzei'õ pese za'ra wa'aba wa, wa tô ãne na hã aima ãma rowasu'u za'ra wa'wa. Mare di. Suru na ma tô aiwi tirobzei'õ za'ra wa'wa. Ĩwi si sa'ẽtẽ na hã ma tô tirobzei'õ pese, tiwasédé hã te te 're ab'manharĩ mono wa, ta aibâ hã.

2 Corĩtu 2:5 ပူးပေါင်းရင်းမြစ်များ

Provébiu 17:25

Da'ra isimiza'rese'õ te za timama ma robzei'õ hã te te sina tãma 're sõmri. Duré tina ma, te za rosa'ratazé hã te te sina tãma 're sani.

Mateu 15:22

Tame sãmra ré, ma tô pi'õ zudeu'õ hã itẽme wi, cananeu norĩ siré, ta niwĩ 're isãmra mono hã. Itẽme wisi wamhã, ma tô 'mahâ, ãne: — Apito, Dawihi nhihudu, ma'ãpé ĩ'ãma aipẽ'ẽzé na. Ĩ'ra sipi'õ, wa'uburé ré 're hâimana u'âsi mono wa, ma tô te te 're robzépata za'ẽtẽ u'âsi.

Galata 4:12

Ĩsisãnawã norĩ, wa hã zudeu nherẽ, ai'rata ĩnhamra aba ré, wa tô zudeu'õ newa asine 're ĩmorĩ 'wa. Tahawa, ma'ãpé ĩsine 're anomro aba mono. Atẽme amo ĩmorĩ 'rata aba wamhã, marĩ hã ĩma 'manharĩ wasété za'ra wa'aba õ di, ĩhâiba na hã.

Galata 5:10

Tane nherẽ, simisutu Wanhib'apito nhib'a'uwẽ 're wanomro mono wa, wa za te 're ai'umnhasi za'ra wa'wa, te aima iwaihu'u za'ra wa'aba zéb zarina si, za apâ 're aihâimana za'ra wa'aba mono na. Aibâ hã dama pire na 're hâimana mono nherẽ, aimawi tinhimirowasu'u na te te aiwi 're ro'wa'rutu za'ra wa'aba mono wa, tãma 're rowẽ mono õ di za, ta hã 'Re ihâimana u'âsi mono si za te te azâri wa.