2 Corĩtu 12:5 - ꞌRe Ihâimana Uꞌâsi Mono Zadawa Wasuꞌu

⁵ Ãne na ĩma romhâimana wamhã, ãté ibâre, wa aré aima ĩsiwasu'u za'ra wa'wa, 'Re ihâimana u'âsi mono te te ĩwẽsãmrizém na hã. Tane nherẽ, taha na aima ĩsiwasu'u za'ra wa'aba õ di za. Ĩsi'uihâ na marĩ da, ĩnhib'uware na 're ĩhâimana mono zém na si, wa za aima ĩsiwasu'u za'ra wa'wa, asiwi ãma ĩwaihu'u za'ra wa'aba da hã.

2 Corĩtu 12:5 ပူးပေါင်းရင်းမြစ်များ

Mateu 8:17

Ãne ma tô Zezusi hã te te 're da'apawapto, Izaia hã duréihã te te ãma irob'ui'érézéb zarina te te sina uwaimrami da. Ãne Izaiaha nhimi'ui'éré hã ãma: “Wahâzé mono bâ, ma tô te te wawi 're awaibu.”

1 Corĩtu 2:3

Te ãma asabu za'ra wa'aba wamhã, ĩpẽ'ẽ 'remhã ĩnhib'uware di. Tahawa, wa tô duré ĩpahi te hã, rẽrẽ, ĩnhimiromhuri na 'Re ihâimana u'âsi mono ma, te ãma 're i'uwaimrami mono zém na hã te 're 'wanhi'riti mono õ'umnhasite.

2 Corĩtu 11:30

Ãté niwapsi, wa za tô ãne na hã aima ĩsiwasu'u za'ra wa'wa, uburé marĩ na te 're irobzépata mono zém na si, taha zarina, marĩ da hã, ĩsi'uihâ na ĩnhib'uware na 're ĩhâimana mono zém na, asiwi ĩwaihu'u za'ra wa'aba da.

2 Corĩtu 12:1

Marĩ dai õ nherẽ, wa za duré ãne na aima ãma ĩsiwasu'u za'ra wa'wa, Zezusihi zadawa wasu'u'wa, sena 're ĩhâimana mono zéb zarina ĩnhimiromhuri wẽ na, ãma asiwi ĩwaihu'u za'ra wa'aba da. Zezusihi zadawa wasu'u'wa newa, tô senai'õ na te te aima 're iroti za'ra wa'aba mono norĩ hã te sina 're wata za'ra, sõtõ 'rowim ne, marĩ hã ta norĩ si te te 're 'madâ'â za'ra mono newa. Tane nherẽ, wa tô duré ĩzama marĩ iwaihu'u'õ hã te 're a'madâ'â, ĩnhotõ 'rowim ne, Wanhib'apito te te ĩma 're i'awaihu'u mono zéb zarina si.