2 Corĩtu 11:30 - ꞌRe Ihâimana Uꞌâsi Mono Zadawa Wasuꞌu

³⁰ Ãté niwapsi, wa za tô ãne na hã aima ĩsiwasu'u za'ra wa'wa, uburé marĩ na te 're irobzépata mono zém na si, taha zarina, marĩ da hã, ĩsi'uihâ na ĩnhib'uware na 're ĩhâimana mono zém na, asiwi ĩwaihu'u za'ra wa'aba da.

2 Corĩtu 11:30 ပူးပေါင်းရင်းမြစ်များ

Provébiu 25:27

Ropĩ da te 're i'upsõmri hâ za'ra mono hã wẽ õ di. Tane duré wẽ õ di, ni'wai ãma dawata zô simire sina 're imorĩzé hã.

Provébiu 27:2

Asi'uihâ na 'râwi hã asina 're aiwata mono õ di za, aimawi norĩ si ai'ãma 're wata pibui pese za'ra mono da.

Mateu 4:23

Tawamhã daza'rui mono bâ te 're mo Zezusi hã, Galiléa ãma hã. zudeu norĩ te, rowahutuzé mono bâ, ma tô te te dama 're rowahutu. 'Re ihâimana u'âsi mono, da'ãma 're isib'a'uwẽ mono zé wasu'u na te duré te te dama 're rowasu'u, iwasu'uwẽ na. Duré dahâzé da te 're isépata za'ra mono bâ hã ma da'apese. Hâzé u'âsi wa, sib'uware na 're inomro mono norĩ zama ma duré apese, Zezusi hã.

1 Corĩtu 2:3

Te ãma asabu za'ra wa'aba wamhã, ĩpẽ'ẽ 'remhã ĩnhib'uware di. Tahawa, wa tô duré ĩpahi te hã, rẽrẽ, ĩnhimiromhuri na 'Re ihâimana u'âsi mono ma, te ãma 're i'uwaimrami mono zém na hã te 're 'wanhi'riti mono õ'umnhasite.

2 Corĩtu 12:1

Marĩ dai õ nherẽ, wa za duré ãne na aima ãma ĩsiwasu'u za'ra wa'wa, Zezusihi zadawa wasu'u'wa, sena 're ĩhâimana mono zéb zarina ĩnhimiromhuri wẽ na, ãma asiwi ĩwaihu'u za'ra wa'aba da. Zezusihi zadawa wasu'u'wa newa, tô senai'õ na te te aima 're iroti za'ra wa'aba mono norĩ hã te sina 're wata za'ra, sõtõ 'rowim ne, marĩ hã ta norĩ si te te 're 'madâ'â za'ra mono newa. Tane nherẽ, wa tô duré ĩzama marĩ iwaihu'u'õ hã te 're a'madâ'â, ĩnhotõ 'rowim ne, Wanhib'apito te te ĩma 're i'awaihu'u mono zéb zarina si.

Colosu 1:24

Wa hã ai'udâna za'ra wa'aba, te ai'ãma 're robzépata za'ra wa'aba mono nherẽ, wa ĩto sina 're ĩhâimana. Cristuhu ma si, te 're romhuri mono wa, wa tô te 're robzépata za'ẽtẽ tô, ta hã ti'ai ãma 're morĩ ré, dazada te te irobzépata ne. Tane nherẽ, Cristuhu nhib'a'uwẽ norĩ ma, ĩnhimiromhuri na te tãma ãma 're uwaimrami mono da, wa za tô taha na te 're robzépata u'âsi.