2 Corĩtu 10:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawapsi, wa za datẽme 're wane, darob amoi u, airom nhiti za'ra wa'aba 're idahâimana za'ra mono norĩ ma, iwasu'uwẽ hã wa te dama 're wasu'u mono da. Cristuhu wasu'uwẽ na ni'wa hã te te dama 're iromhuri mono õ zéb u si, wa za tô oto 're wane, darob amoi u hã, iwasu'uwẽ na, da te dama ãma 're romhuri za'ra mono nherẽ, taré wazadawa nhipese na, da'upana dama 're wasiwasu'u tõ mono da.

2 Corĩtu 10:16 ပူးပေါင်းရင်းမြစ်များ

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:21

Tawamhã ãne na romhâimana pari, ma tô Paulu hã 'râwi sima waihu'u, Zeruzalẽ u morĩ da, Masédonia wa'wai baba, duré Ataza wa'wai baba. Tahawa, te sima tinha, ãne: “Zeruzalẽ u ĩmorĩ parip si, Roma u ĩmorĩ da, wa duré ĩsima wẽ, te dazabu da.”

Roma 15:20

Wa hã wa tô ãne hã te ĩsima 're rosa'rata u'âsi, Cristuhu wasu'uwẽ hã zahadu dapo're na da te 're iwapari za'ra mono õ norĩ u si, 're ĩmorĩ da, daza'rui mono bâ iwasu'uwẽ na te ãma 're da'apo're pu'u mono da. Wanhib'apito wasu'uwẽ na danhimi'u'ẽi 'rata u 're ĩzasi tõ mono da, wa tô ãne na te ĩsima 're rosa'rata u'âsi.

2 Corĩtu 11:7

Asiwi ĩpawa'âbâ aba ãna, wa tô 'Re ihâimana u'âsi mono wasu'uwẽ na si te 're aipawaptob za'ra wa'wa. Taha wa'rãmi, a norĩ wa'aba si, ĩma aipire na aihâimana za'ra wa'aba da, wa tô ĩhâimanazéb da hã, ĩsi'uihâ na nasi wa'â, ĩpire na aima ĩhâimana za'ra wa'aba tõ da. E ãne wamhã, ĩwasédé wa tô 'manha. E tô 're ĩhâimana mono zéb zarina, ma tô ãne na ĩ'ãma irosa'rata wasété za'ra wa'wa, asima.