2 Corĩtu 1:9 - ꞌRe Ihâimana Uꞌâsi Mono Zadawa Wasuꞌu

⁹ Ãne, wa tô wasina rosa'rata ni aré: “Tô sena, wa za wadâ'â ni, romhutu na.” Tawamhã e marĩ da, ma tô ãne hã bété wazada hã tiromhâiba. 'Râwi wawaihu'u pese na 're wasi'madâ'â tõ mono da, 'Re ihâimana u'âsi mono si, wa te 're umnhasi pese mono da si, ma tô ãne hã wazada tiromhâiba. 'Re ihâimana u'âsi mono si waihu'u pese di, te te 're ida'ahâiwa'utu mono da hã. Duré tãma hã waihu'u pese di, te te 're ida'ab'madâ'â mono da hã, rowasédé dazada 're hâimana mono wamhã.

2 Corĩtu 1:9 ပူးပေါင်းရင်းမြစ်များ

Salmu 22:29

Uburé 'râwi 're isi'madâ'â ze za'ra mono norĩ hã te za isõ're tãma 're siwẽ'ẽ za'ra za. Uburé te za aihĩni idadâ'â za'ra norĩ hã duré za idadâ'â za'ra zama ãma 're dawata za'ra.

Provébiu 14:32

Ropire hã iwasété norĩ zô 're pusi mono wamhã, te za te te 're uprosi. Tane nherẽ, sena na 're ihâimana za'ra mono norĩ, tãma romnhimimnhasi na 're hâimana za'ra mono nherẽ, te i'uwaibaba na si 're ihâimana za'ra mono zéb zarina isimapazé hã tãma 're hâimana za'ra.

Provébiu 28:26

Ni'wa 'râwi 're isi'umnhasi mono hã ta hã isimiza'rese'õ. Tane nherẽ, ni'wa rowaihu iwẽ zarina si 're ihâimana mono hã te za tãma romnhimimnhasi ãna 're hâimana.

Luca 18:9

Tawamhã Zezusi hã te za duré dama ãma romnhimiré'é, ni'wam norĩ udâna. Ta norĩ hã 're hâimana wẽ za'ra mono newa, ma tô 'râwi sina 're wata za'ra. Tihâiba amo norĩ hã te duré te te siwi 're wẽ'õ za'ra, wasété za'ra newa. Tahawa, ma tô tãma ãma simiré'é za'ra, ãne:

Roma 8:36

Duréihã apito Dawi hã ma tô ãne na wa'ãma rob'ui'éré siromo za'ra, za wa te 're irobzépata za'ra mono zém na hã: “Wamama, 'Re ihâimana u'âsi mono, wa norĩ hã asib'a'uwẽ 're wanomro mono wa, wama romnhimimnhasi u'âsi na, wa 're wahâimana za'ra, da te 're wanhimroi mono õ'umnhasite. Pone'ẽrebâi ãma 're dapẽ'ẽzé za'ra mono ãna, dasazéb da, da te 're isimroi mono ne, te da te dasima 're wawẽ za'ra, da te 're wanhimroi mono da, da te 're wa'ruiwapari za'ra mono wa oto.”

2 Corĩtu 1:10

Ta hã ma tô wanho'reptu tô, wadâ'âzém hawi, wa te wasina romnhimimnhasi uptabi nherẽ. Taha zarina, te za te te 're wanho'reptu duré, wazada 're iromhâimana wasété mono zém hawimhã. Tahawa, wama umnhasi uptabi di, 'Re ihâimana u'âsi mono hã te te 're iwanho'reptui mono da hã.

2 Corĩtu 1:8

Wasisãnawã norĩ, wa duré wasima wẽ ni, wa te ãma aipo're pu'u za'ra wa'aba da, Azia na danhipti'a nho'õmo nhisi ãma wahâimana ré, rowasédé hã wazada ihâimanazém na hã. Tame, wa te robzépata za'ẽtẽ uptabi wa, wa tô aré wasina rosa'rata ni, za wadâ'â da newa oto.

2 Corĩtu 3:5

E wa norĩ hã wasi'uihâ na wama waihu'u pese di ãne hã, Cristuhu wasu'uwẽ na wa te dama 're irowasu'u mono zéb da hã. Mare di. 'Re ihâimana u'âsi mono te te 're iwapawapto mono zéb zarina si, wama waihu'u pese di, iwasu'uwẽ na, wa te dama 're iromhuri mono zéb da hã, taha zarina, da te 're saze za'ra mono da.

2 Corĩtu 4:7

Ãté ni'wa hã te za marĩ iwẽ uptabi hã iwa'âbâ za'ẽne hã piza na zé'a 'manharĩ 're tisẽ, piza isipo'o pese wa, i'manharĩ uwa wa. Tane duré, wa norĩ hã wahâiba nhib'uware nherẽ, wa marĩ iwẽ uptabi hã wa te dama 're wasu'u, tô Cristuhu wasu'uwẽ hã, 'Re ihâimana u'âsi mono si iwaihu'u pese na, da te 're waihu'u za'ra mono da, wawaihu'u pese newa, wa'ãma si, da te 're rosa'rata za'ra mono tõ da.

Hebreu 11:19

Abra'ã hã ãne ma tô sima rosa'rata: “'Re ihâimana u'âsi mono ma si, waihu'u pese di, 're dadâ'â za'ra mono nherẽ, apâ te te 're ida'ahâiwa'utu mono da hã. Tahawa, ĩ'ra hã te aré tãma iwĩrĩ hã, te te duré waihu'u pese di, apâ te te ĩma ihâiwa'utu da hã, te te ĩma iropisutuzém na te te ĩma ãma uwaimrami da hã.” Ãne ma tô sima rosa'rata, Abra'ã hã. Tawamhã i'ra Izaqui hã dâ'â uptabi õ nherẽ, aré dâ'â wa, apâ te te tãma ihâiwa'utu ne, ma tô dâ'â ãna tãma tisõ apâ, 'Re ihâimana u'âsi mono hã.