2 Corĩtu 1:11 - ꞌRe Ihâimana Uꞌâsi Mono Zadawa Wasuꞌu

¹¹ A norĩ wa'wa hã wa'ãma 're aimreme zusi aba mono zém na 're wapawaptob za'ra wa'aba mono wamhã, 'Re ihâimana u'âsi mono hã te za te te 're aiwapari za'ra wa'wa, te te 're wanho'reptui u'âsi mono da. Ãne wamhã, iwẽ na si te za tô wama 're sõprub u'âsi. Taha zarina, te za tô da'ahâ na ãma 're dawata za'ra, 'Re ihâimana u'âsi mono ãma hã, iwẽ na si wama 're sõprub u'âsi mono wa.

2 Corĩtu 1:11 ပူးပေါင်းရင်းမြစ်များ

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:5

Pedru hã dazazéb 're, sãmra ré, te isazei'wa norĩ hã sa'ẽtẽ ãma mreme zusi u'â, 'Re ihâimana u'âsi mono ma, siré 're isi'rã'õtõ mono norĩ hã.

2 Corĩtu 4:15

Wa norĩ hã ai'madâ'â sina za'ra wa'aba, wa marĩ hã ahâ na wa te 're sépata. Tawamhã Cristuhu wasu'uwẽ na daro mono bâ wa te 're da'apawapto mono wamhã, 'Re ihâimana u'âsi mono nhimizawi pese zéb zarina, da'ãma 're isiwãrĩ mono zé hã, wa za wa te dama ãma 're aropé, da'ahâ uptabi na oto iré 're dahâimana za'ra mono da. Taha zarina te za da'ahâ na ãma 're dawata za'ra oto, 'Re ihâimana u'âsi mono ãma hã, tinhoprubzéb zarina, da'ãma 're siwãrĩ mono wa, te te duré 're da'anho'reptui mono wa oto.

2 Corĩtu 9:14

Ta norĩ hã te te 're asawi pese za'ra wa'aba mono wa, te za ai'ãma 're mreme zusi u'âsi 'wa, 'Re ihâimana u'âsi mono ma, ta hã tinhimizawi pese zéb zarina, te te aipisutu za'ra wa'aba wa, asimarĩ na tãma asõprub za'ra wa'aba da, isimarĩ'õ norĩ ma hã.

Colosu 4:3

'Re ihâimana u'âsi mono ma, 're aimreme zusi aba mono wamhã, wa'ãma zama te za duré tãma 're aimreme zusi aba mo, ta hã te te wama 're a'ridawa mono da, isadawa wasu'u hã wa te dama 're wasu'u za'ra mono da, Cristuhu wasu'uwẽ aré dama iwaihu'u'õ hã wa te dama 're waihu'u za'ra mono da oto. Taha para, ma tô oto dasiwi ĩ'âri ni, dazazéb 're, da te dasiwi ĩnherẽ da. Tahawa, wa oto taha 're nhamra.

1 Tesalonita 5:25

Wasiré isazei'wa norĩ, te za wa'ãma 're aimreme zusi aba mo, Wamama ma.

2 Tesalonita 3:1

Wasisãnawã norĩ, te za wa'ãma 're aimreme zusi aba mo, 'Re ihâimana u'âsi mono ma, te te 're wapawaptob u'âsi za'ra mono da, Wanhib'apito zadawa wasu'u hã, dahâiba mono bâ da te 're wapari su'u za'ra mono wa, da te 're saze za'ra mono da, asine za'ra wa'aba.

Filemo 1:22

Duré misi wa za aiwi waptẽ. Ma'ãpé, daza'warizé hã ĩma pisutu, ai'rata za'ra wa'aba a'â ĩnhamra da. A norĩ wa'wa hã ma tô duré ĩma 're irowaptẽrẽ za'ra wa'aba mo, hâiwa u, 'Re ihâimana u'âsi mono wi, te te ĩzatõrĩ da, dazazém hawi atẽme za'ra wa'aba, ãma ĩmorĩ da apâ. Tahawa, wa sô mapa, ĩmorĩzéb zô, atẽme za'ra wa'aba, ĩma 're irowaptẽrẽ za'ra wa'aba mono zéb zarina, ãma ĩmorĩ da hã apâ. Ãne si.

Hebreu 13:18

Ma'ãpé, wa'ãma 're aimreme zusi u'âsi aba mono za, 'Re ihâimana u'âsi mono ma. 'Re iwanomro wẽ mono da si, wa tô wa norĩ hã wa te wasima 're wẽ u'âsi za'ra. Tahawa, marĩ na 're iwahâimana wasété za'ra mono zém na hã 'râwi wapẽ'ẽ na 're wasisãmri za'ra mono õ di oto, wama 're hâimana za'ra mono õ wa.