1 Zuwã 4:5 - ꞌRe Ihâimana Uꞌâsi Mono Zadawa Wasuꞌu

⁵ Ta norĩ hã te 'Re ihâimana u'âsi mono wẽ'õ'wa norĩ me 're hâimana za'ra. Tahawa, te iwẽ'õ'wa norĩ nhimirosa'rata wasété zarina si te te tãma 're rowasu'u za'ra, ta norĩ hã. Taha na si te te tãma 're rowasu'u za'ra mono wamhã, wapari ze ti, isimiroti wasété za'ra hã, 'Re ihâimana u'âsi mono wẽ'õ'wa norĩ ma hã.

1 Zuwã 4:5 ပူးပေါင်းရင်းမြစ်များ

Luca 16:8

— Te te dama i'rui wasu'u, te te wapari wamhã, te tinha, isib'apito hã: “Pra. E niha rosa'rada tãma iwaihu'u pe.” Ãne te isa'u tãma tinha. — Ãne Zezusi te tãma rowasu'u za'ra, tisiré 're inomro mono norĩ ma. Ma tô duré tãma waihu'u za'ra, ãne: — Marĩ zô si, da te 're irosa'rata za'ra mono norĩ ma, waihu'u pese di, rosa'rada hã, rowa'a nhib'a'uwẽ norĩ nhipai u.

Zuwã 17:14

Ĩsiré 're nomro mono ré, wa tô te tãma 're asadawa wasu'u za'ra, uburé. Wa hã ĩzazei'õ'wa norĩ niwĩ 're ĩmorĩ õ di. Tane ã norĩ hã ĩzazei'õ'wa norĩ niwĩ, 're nomro mono õ di duré. Tahawa, ma tô ĩzazei'õ'wa norĩ hã ĩsiré te te 're 'ruiwapari za'ra.

Zuwã 17:16

Wa hã ĩzazei'õ'wa norĩ niwĩ, 're ĩmorĩ õ di. Tane ã norĩ hã ĩzazei'õ'wa norĩ niwĩ 're nomro mono õ di duré.

Zuwã 3:31

Hâiwa hawi we imorĩ hã, uburé dama pire uptabi di. Wa norĩ hã ti'ai ãma a'uwẽ wa, marĩ hã ti'ai ãma, wa te 're i'madâ'â za'ra mono si, wa wa te dama 're wasu'u za'ra. Hâiwa hawi we imorĩ si, uburé dama pire uptabi di.

Zuwã 8:23

Tawamhã ma tô Zezusi hã duré tãma nharĩ za'ra, ãne: — A norĩ wa'wa hã ti'ai ãma si te 're anomro aba mo. Wa hã hâiwa hawi, wa wei mo. A norĩ wa'wa hã ti'ai ãma a'uwẽ te 're aihâimana za'ra wa'aba mo. Tanei õ di, wa hã.

2 Timotiu 4:3

E marĩ wa, wa ãne aima ti'ru. Nimahã na hã sena roti hã da te 're wapari ze za'ra mono õ di za. Rowasu'u hã da te 're iwapari ze za'ra mono zéb uwaibaba si, te za da te 're wapari za'ra. Dama rowahutu'wa da, te za da'ahâ na da te dasima 're pisutu za'ra, rowasu'u hã da te 're iwapari ze za'ra mono zéb uwaibaba si, te te dama 're rowasu'u za'ra mono da.

Apocalipsi 12:9

Tawamhã ho'orã hâiba ne ropoto siwamnarĩ hã ma tô siwi time ti'ai u, apâ morĩ tõ da. Ta hã Satanasi, wanhitob'ru. Ta hã duréihã wahi na isihâiba. Uburé tizadawa nhipese na te te 're ida'a'rãmi mono, 'Re ihâimana u'âsi mono zadawa para newa, ti'ai ãma daro mono bâ. Tawamhã wa'uburé norĩ zama isib'a'uwẽ zama ma tô isiré siwi sãmra ti'ai u, apâ si'aba'ré tõ da.