1 Zuwã 2:9 - ꞌRe Ihâimana Uꞌâsi Mono Zadawa Wasuꞌu

⁹ Ãté ni'wa hã dasiré isazei'wa newa te za taré ãne dama 're siwasu'u: “Wa hã, 're ĩmorĩ wẽ di. Rowa'a na si wa 're ĩhâimana, 'Re ihâimana u'âsi mono nhimiroti zarina.” Ãne ni'wa hã dama 're siwasu'u mono nherẽ, isazei'wa norĩ te te 're a'ruiwapari mono wamhã, ta hã te zahadu robra na 're hâimana.

1 Zuwã 2:9 ပူးပေါင်းရင်းမြစ်များ

Zuwã 9:41

Tawamhã Zezusi asa te tãma nharĩ za'ra, ãne: — Aipẽ'ẽ 're, atob'a na 're asiwaihu'u za'ra wa'aba mono 'wa'âhã, te te 're aiwẽ'õ za'ra wa'aba mono õ di aré, 'Re ihâimana u'âsi mono hã. Tawamhã aipẽ'ẽ 're, atob'a õ na 'râwi 're asi'madâ'â za'ra wa'aba mono wa, te za te te 're aiwẽ'õ za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:15

Tawamhã bâdâ hã siwaptom na ãma ne pari, ma tô isazei'wa norĩ hã si'rã'õtõ, 120 na ihâiba za'ra hã. Tawamhã Pedru hã ma tô wahudu hâiwi, te te tãma rowasu'u za'ra da. Ãne te tãma rowasu'u za'ra:

2 Pedru 1:9

Tane nherẽ, ãne na 're aihâimana za'ra wa'aba mono õ wamhã, datob'a na 're idanomro mono ne, te za 're anomro aba mo, duré da te 're irob'madâ'â wẽ pese za'ra mono õ ne. E marĩ wa. 'Re ihâimana u'âsi mono hã 're i'manharĩ wasété za'ra wa'aba mono zé hã, te te aima 're pari za'ra wa'aba mono nherẽ, ãma 're aipo're si'âri za'ra wa'aba mono wa, te za datob'a na 're idanomro mono ne, 're anomro aba mo.

1 Zuwã 1:6

Ãté wa za wawasété na 're wahâimana za'ra. Tawamhã wawasété na 're wahâimana za'ra mono wamhã, robra u'âsi wa za 're wahâimana za'ra, wapẽ'ẽ 'remhã. Tawamhã robra u'âsi 're wahâimana za'ra mono nherẽ, oto 'Re ihâimana u'âsi mono siré, 'râwi 're iwahâimana za'ra mono na dama 're wasiwasu'u za'ra mono wamhã, wazadawa nhipese na wa za tô 're wahâimana za'ra, wapẽ'ẽ 're, robra u'âsi 're wahâimana za'ra mono nherẽ. Ãne wamhã, tô senai õ di, 're iwahâimana za'ra mono zé hã.

1 Zuwã 2:11

Tane nherẽ, ni'wa hã isazei'wa norĩ te te 're a'ruiwapari mono wamhã, ta hã te zahadu robra u'âsi siwa'ru 're hâimana, tipẽ'ẽ 're. Robra na, duré datob'a ne siwa'ru 're idahâimana za'ra mono ne, te 're hâimana wasété.

1 Zuwã 2:4

Ãté ni'wa te za ãne dama 're siwasu'u: “Wa hã, 'Re ihâimana u'âsi mono hâimanazé hã ĩma waihu'u pese di.” Ta hã isimiroti hã te te 're 'madâ'â pese mono õ nherẽ, te za taré dama 're siwasu'u, sadawa nhipese sina. Duré taha ma, 'Re ihâimana u'âsi mono nhimiroti hã tô sena uptabi hã ipẽ'ẽ 're, tãma 're hâimana mono õ di.

1 Zuwã 3:10

E niha wa za bété waihu'u za'ra ni, 'Re ihâimana u'âsi mono 'ra norĩ hã, duré Wa'uburé 'ra norĩ hã. Ni'wam norĩ hã 're hâimana wẽ za'ra mono õ wamhã, duré te te 're dazawi pese za'ra mono õ wamhã, ta norĩ hã 'Re ihâimana u'âsi mono 'ra, 're nomro mono õ di za. Ãne na wa za ta norĩ hã Wa'uburé 'ra na wa te 're waihu'u za'ra.

1 Zuwã 4:20

Ãté ni'wam norĩ hã te za taré ãne dama 're siwasu'u za'ra: “'Re ihâimana u'âsi mono hã wa wa te 're sawi pese za'ra.” Ãne dama 're siwasu'u za'ra mono nherẽ, te te oto 're da'ruiwapari u'âsi za'ra mono wamhã, sadawa nhipese na te ta norĩ hã 're hâimana za'ra. Titõmo na 'râwi te te 're i'madâ'â za'ra mono norĩ hã te te 're sawi pese za'ra mono õ nherẽ, e niha te za tawamhã 'Re ihâimana u'âsi mono hã dahâiba u'âbâ hã te te siwi 're sawi pese, titõmo na te te siwi 're 'madâ'â mono õ nherẽ. Ãne wamhã, tãma sawi waihu'u za'ra õ di, ta norĩ ma hã.