Ãne na te za tô 're aihâimana wẽ za'ra wa'aba mo, aiwasédé hã sena na da te ai'ãma 're sa'ra wa'aba mono tõ da, duré marĩ 're 'manharĩ wasété za'ra wa'aba mono õ wa, aiwẽ na 're anomro aba mono da. A norĩ wa'wa hã 'Re ihâimana u'âsi mono 'ra, 're i'anomro wẽ wa'aba mono norĩ hã, wasété uptabi na 're ihâimana za'ra mono norĩ wazari, duré tiwasété na 're isiwamnarĩ pese za'ra mono norĩ wazari, 're aihâimana za'ra wa'aba mono nherẽ, te za dama 're irowa'a za'ra wa'aba mo, 're anomro wẽ wa'aba mono zém na, wasi hã hâiwa na te te dama 're irowa'a za'ra mono ne.
1 Timotiu 5:7 - ꞌRe Ihâimana Uꞌâsi Mono Zadawa Wasuꞌu7 Tahawa, te za tãma 're iroti pese za'ra mo, isazei'wa norĩ ma, imrotõ norĩ ãma te aima iroti mono zé hã te te siwi 're 'madâ'â pese za'ra mono da. Tawamhã isazei'wa norĩ hã damreme hã te te sina 're 'rã'õtõ za'ra mono õ di za. အခန်းကိုကြည့်ပါ။ |
1 Timotiu 5:7
7 ပူးပေါင်းရင်းမြစ်များ
Masédonia na danhipti'a nho'õmo nhisi u ĩmorĩ u'âbâmhã, wa tô ai'ãma ropti, a'â Éfézu ãma hã asãmra da. Tane da hã, wa za duré ĩmreme na ãma aima sahu, tame a'â asãmra da. Tame ni'wam norĩ hã te isazei'wa norĩ ma, siwa'ru te te 're rowasu'u za'ra. Tahawa, te za a'â tame asã, sadawa uwati za'ra da, tinhimirowasu'u hã te te sazâri pese za'ra da.
Ãne te za duré isibrob ahâ norĩ ma 're i'aroti mo, sibrob ahâ wẽ te, 'râwi sina 're wata tõ za'ra mono da. Danhibro hã dama 're hâimana u'âsi za'ra mono õ di za, dama ãma 're irowẽ za'ra mono zéb da hã. Tahawa, tinhibrop si te te 're 'madâ'â za'ra mono õ di za. 'Re ihâimana u'âsi mono zô si, te za 're simnhasi za'ra, taha si, marĩ wẽ na uburé wama 're sõpru mono wa, wama ãma 're irobze za'ra mono zéb da hã.
Wa za oto marĩ hã aima waihu'u, 'Re ihâimana u'âsi mono nho'a, Cristu Zezusihi nho'a zama. Nimahã bâtâ na te za Cristu Zezusi hã dahâimanazém na da'awaihu'u, dawasété na, dawẽ na zama. Taha zarina, te za aihĩni norĩ ma dama arowairébé, dahâiba ré norĩ ma, duré adâ'â norĩ ma zama. Wanhib'apito hã te za wei mo apâ, Danhib'apito uptabi na oto dama 're sãmra mono da. Ãne wa, wa za aima ti'ru. Ma'ãpé, Wanhib'apito wasu'uwẽ na dama 're rowasu'u u'âsi mono za. Asô danhimiparizém na, duré asô danhimipari õ zém na zama, te za Wanhib'apito wasu'uwẽ na 're ida'apo're pu'u u'âsi mo. Da'ãma aiwa'a ãna, te za asimiroti na 're ida'apawapto mo, dawasété na 'râwi 're dasisãmri za'ra mono da, dawasédé hã da te 're rẽme pese za'ra mono da, dawẽ na si oto 're dahâimana za'ra mono da.
Ĩnhimiroti zarina si, te za 're ida'apawapto mo, Wanhib'apito ãma 're danomro wẽ mono da. 'Re danomro wasété mono tõ da, te za dawi 're i'azawi pese mo. Wanhib'apito zadawa para te za aimreme pire na si dama 're i'aroti mo, asimiroti wapu wa, da te dasiwi 're aiwẽ'õ mono tõ da, dama 're i'aroti mono zém na hã.
ကြော်ငြာတွေ