1 Timotiu 5:4 - ꞌRe Ihâimana Uꞌâsi Mono Zadawa Wasuꞌu

⁴ Pi'õi mrotõ 'ra norĩ hã 're hâimana za'ra mono wamhã, tiwarahuzé wa'rãmi, te za tina hã marĩ na te te 're pawapto pese za'ra. Duré pi'õi mrotõ nhihudu norĩ hã 're hâimana za'ra mono wamhã, tiwarahuzé wa'rãmi, te za ti'rata norĩ hã marĩ na te te 're pawapto pese za'ra. Ãne te za 'Re ihâimana u'âsi mono nhimiroti zarina te te tãma ãma 're uwaimrami za'ra, ãne si tãma wẽ wa.

1 Timotiu 5:4 ပူးပေါင်းရင်းမြစ်များ

Zenezi 47:12

Tawamhã Zuzé, timama, tisisãnawã norĩ hã, duré tisisãnawã siwadi norĩ hã ma tô mram na te te 're upari za'ra, i'ra norĩ hâiba za'ratazéb zarina.

Zenezi 47:28

Tawamhã duré Ezitu ãma 're isãmra mono zém na hã ma tô ãma tiwahu 17 na. Ãhã wa, ãma isitom na ma tô ãma tiwahu, 147 na.

Provébiu 31:28

I'ra norĩ te te duré siwi 're wasu'u wẽ, dama hã. Imro zama te duré te te 're wasu'u wẽ, ãne:

Luca 2:51

Tawamhã Zezusi te ime timorĩ zahuré apâ, Nazaré u. Tame timama norĩ mreme, te te 're wapari pese. Ina hã i'ra tãma isiwasu'uzéb zahuré na, te te 're rosa'rata u'âsi, tipẽ'ẽ na.

1 Timotiu 2:3

'Re ihâimana u'âsi mono hã Wa'anho'reptui'wa. Ta hã ma tô te te sima 're da'awẽ, uburé te te 're da'anho'reptui mono da. Ma tô duré te te sima 're da'awẽ, aihĩni pese isimiroti hã da te 're waihu'u za'ra mono da, ãma 're danomro wẽ mono da, isimiroti hã tô sena uptabi wa. Aihĩni ãma 're wamreme zusi mono wamhã, tãma rowẽ di. Tahawa, te za wama 're to za'ra.

1 Timotiu 5:16

Pi'õ hã isazei'wa 're 'maimorĩ wamhã, te za pi'õi mrotõ hã marĩ na te te 're 'maipawaptob u'âsi, tina wamhã, ti'rata wamhã. Ãne wamhã, rosa'rata pire hã pi'õi mrotõ norĩ ãma te te ãma 're sépata za'ra mono õ di za, isazei'wa norĩ hã. Tãma waihu'u pese za'ra di za, pi'õi mrotõ hã 'ra ãna 're ihâimana za'ra mono norĩ si te te 're ipawaptob za'ra mono da hã.

Titu 1:11

Tahawa, te za ta norĩ wi 're i'azawi mo, aimawi na isazei'wa norĩ ma te te 're rowasu'u za'ra mono tõ da. E marĩ wa. Ta norĩ nhimirowasu'u zarina, ma tô ni'wam norĩ hã 're sipa za'ra, roti tô senai'õ niwĩ, damama siré 're idahâimana za'ra mono norĩ hã. Aimawi rowasu'u'wa norĩ hã te rob'uiprazé hã da te tãma 're sõmri za'ra mono da, te te sima 're rosa'rata za'ra, rowahutu wa'rãmi.

Zuize 12:14

Abdõ hã 40 na i'ra, duré 30 na isihudu, 70 na awaru po'repore na 're inomro mono. Ta hã Izaraéu nhihudu norĩ ma, 8 wahub 'remhã ma tô si'i'rãnho'u.

Ruti 2:18

Tawamhã amnho hã te oto tidu 'ri tẽme, 'ri ahâ u hã. Te te ãwisi wamhã, timaprebaba ma, sa'u te te iduri hã ma tô tãma hâi'ré, sa'ẽtẽ na te te i'awaibui mono zé hã te te waihu'u da. Abzuma tisa si'atarẽme zama ma tô duré tãma tisõ.

Ruti 2:2

Tawamhã nimahã bâtâ na ma tô Ruti tãma tinha, Noẽmihi ma, ãne: — E ĩma waprosi õ di za, ĩmorĩ da, daburu na amnho 'rã a'a ti'ai baba irere'e mono hã te 're awaibui mono da. Ãté ni'wa hã buru na romhuri'wa hã te za sima ĩwẽ, isarina te awaibui mono da amnho 'rã'a'a hã. Tahawa, Noẽmi hã ma tô oto satõ, tisani'wa hã: — Saihi, mo oto pé aimorĩ.