1 Timotiu 5:3 - ꞌRe Ihâimana Uꞌâsi Mono Zadawa Wasuꞌu

³ Pi'õi mrotõ norĩ pawapto'wa da hã ni'wa hâimana õ wamhã, te za marĩ na 're i'apawapto pese mo.

1 Timotiu 5:3 ပူးပေါင်းရင်းမြစ်များ

Salmu 94:6

Ta norĩ hã te duré imrotõ pi'õ norĩ, duré imama'õ norĩ te te siwi 're simro. Wanhipti'ai 're wasiré a'uwẽ'õ 're isi'ubumroi mono norĩ hã te duré te te siwi 're simro.

Ezodu 20:12

— Aimama hã, duré ana te za 're iwazé pese za'ra wa'aba mo, ti'a te aima isõmri za'ra wa'aba 're, 're aihâimana hâ za'ra wa'aba mono da.

Mateu 23:13

— Farizeu norĩ, duré dama rowahutu'wa norĩ, aihâimana uptabi õ na dama 're aihâimana za'ra wa'aba mono wa, aima 're ropipa uptabi za'ra wa'aba mono di za. 'Ridawa hã 're danhisisi tõ mono da, da te dawi 're isitob za'ra mono ne, te a norĩ wa'wa hã dawi 're isawi za'ra wa'aba mo, 'Re ihâimana u'âsi mono, da'ãma 're isib'a'uwẽ mono zéb u 're danomro tõ mono da hã. A norĩ wa'aba zama te 'Re ihâimana u'âsi mono wi 're asihâiba zawi za'ra wa'aba mo, ai'ãma 're sib'a'uwẽ za'ra wa'aba mono tõ da.

Luca 7:12

Tawamhã 'ri wa'õtõ 'wawi wa'ra u, ma tô rob'uwe za'ra, Zezusi norĩ hã, 'ridawa u. Tawamhã iwab'rere, ma tô dasiwi âri ni, ab're u, imrotõ 'ra idâ hã. Misire aibâ i'ra hã. Da'ahâ na te isiré ai'aba'ré ni, imrotõ siré, ab're u.

Zuwã 1:47

Tawamhã te te sãmri wi, te Zezusi hã tãma tinha, Natãnaéhé ma, ãne: — Õhõta te wei mo, Izaraéu nhihudu uptabi hã 're imorĩ wẽ uptabi hã. Sadawa nhipese ãna hã te 're mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:1

Tawamhã ahâ uptabi na ma tô zudeu norĩ hã saze za'ra, gregu norĩ mreme na 're imreme zusi mono norĩ hã, duré hebreu norĩ mreme na 're imreme zusi mono norĩ zama. Tawamhã gregu norĩ mreme na 're imreme zusi mono norĩ hã ma tô aiwapsari za'ra, dazari'wa norĩ hã gregu norĩ imrotõ norĩ ãma 're po're simrami u'âsi za'ra mono wa. Awẽ sidâpâsi, isazei'wa norĩ hã ro te te sima 're waibui mono wamhã, te ãma 're po're simrami u'âsi za'ra. Tahawa, ma tô dama nharĩ za'ra, aibâ norĩ hã gregu norĩ mreme na 're imreme zusi mono norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:39

Tawamhã Pedru te sima wẽ, ime morĩ zahuré da. Tawamhã tamomo wisi wi, ma tô siwi saprõ hâimo, 'ri 're wa'wa u. Tame, uburé pi'õi mrotõ norĩ hã ma tô siwi uirĩ Pedru hã, siwa'õ za'ra sina. 'Ru'ru sina, te nasi zazahâ hã tãma wẽ za'ra, te te 'madâ'â za'ra da, hâiba ré Docasi te te dama 're i'ab'manharĩ mono hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:41

Tahawa, Pedru hã ma tô pa'â, te te iwahutu na hã ãma sime da, hâiwi para na sab da. Tawamhã wahutu wamhã, Pedru ma tô dazô hâ, uburé Zezusihi zazei'wa norĩ zô, duré imrotõ norĩ zô zama, ihâiwa'udu hã te te siwi 'madâ'â da. Tahawa, ma tô oto siwi 'madâ ihâiwa'udu hã, tihâibazém na apâ hâimana wa.

1 Tesalonita 2:6

Wanhimirowahutu wẽ na wa'ãma 're aiwata za'ra wa'aba mono da, wa te wasina rosa'rata za'ra õ di. Duré, aimawi norĩ hã ãne zarina, wa'ãma wata za'ra da, wa te wasina rosa'rata za'ra õ di duré.

1 Timotiu 5:2

Duré pi'õ iprédum norĩ hã te za aimreme wẽ na 're i'apawapto mo, aimreme wẽ na ana hã 're ipawapto mono ne. Duré pi'õ ipréduptém norĩ hã te za aimreme wẽ na 're i'apawapto mo, aimreme wẽ na si aihidiba norĩ hã 're i'apawapto mono ne. Aiprédup sina te za ta norĩ ma hã 're aihâimana mo.

Tiagu 1:27

Ãne 're hâimana za'ra mono õ di za, 'Re ihâimana u'âsi mono nhimiroti 'madâ'â pese 'wa norĩ hã. Ãne te za ta norĩ hã 're hâimana za'ra. Imama'õ norĩ hã duré ina'õ norĩ hã te za te te 're pawaptob za'ra. Pi'õi mrotõ norĩ zama te za duré te te 're pawaptob za'ra, ropire hã tãma 're hâimana za'ra mono wamhã. Tihâimanazém na te za duré 're sipibui pese za'ra, Wanhib'apito zazei'õ'wa norĩ nhimirosa'rata zarina 're hâimana wasété za'ra mono tõ da. Ãne wamhã, te za Wamama hã te te 're da'awaihu'u, tô sena isimiroti 'madâ'â pese 'wa 're idahâimana za'ra mono na hã.

1 Pedru 2:17

Ãne wa, te za dahâiba mono bâ 're idahâiba wazéb za'ra wa'aba mo. Uburé asiré isazei'wa norĩ hã te za 're isawi pese za'ra wa'aba mo. 'Re ihâimana u'âsi mono hã te za duré asima 're ipipa za'ra wa'aba mo, iwaihu'u pese uptabi na. Duré ti'ai ãma danhipai u da'madâ'â'wa hã te za asiwi 're ihâiba wazéb za'ra wa'aba mo.

1 Pedru 3:7

Duré aibâ norĩ, aimro siré te oto 're aihâimana za'ra wa'aba mo. A norĩ wa'wa hã aibâ wa, aihâiba hã siptete za'ra wa'aba di, aimro hâiba za'ra wa'aba ma hã. Ãne hã te za asina iwaihu'u za'ra wa'wa. Tahawa, te za aimro ma 're aihâimana wẽ za'ra wa'aba mo. Rowẽ isi'utõrĩ'õ hã te za 'Re ihâimana u'âsi mono hã aima sõmri za'ra wa'wa, hâiwa ãma. Aimro norĩ wa'aba ma zama, te za duré tô tãma sõmri za'ra. Tahawa, te za aimro ma 're aihâimana wẽ za'ra wa'aba mo. Tawamhã 'Re ihâimana u'âsi mono ma, asiré 're aimreme zusi aba mono wamhã, te za te te 're ai'awapari 'wa, Wamama hã.