Tawamhã taha wasu'u hã da te wapari za'ra wamhã, ma tô tapahi za'ra ni, Zezusihi zadawa para newa, marĩ hã duré da te 're 'manharĩ za'ra mono tõ da. Aihĩni, ma tô iwasu'u hã wapari za'ra ni, Éfézu ãma 're isi'ubumroi mono norĩ hã, zudeu norĩ hã, duré zudeu'õ norĩ hã. Tawamhã da te sazei uptabi za'ra õ nherẽ, ma tô aihĩni ãma tawata za'ra ni, Wanhib'apito Zezusihi ãma.
1 Timotiu 5:20 - ꞌRe Ihâimana Uꞌâsi Mono Zadawa Wasuꞌu20 Tawamhã tô sena tiwasédé hã te te 'manharĩ wamhã, te za isazei'wa norĩ nho'a tãma iroti, tiwasété na te te ãma sahu tõ da. Danho'a te za tãma iroti, isipai u da'madâ'â'wa hâiba amo norĩ hã sina 're hâtâ'â za'ra mono wa, isine tiwasédé hã te te 're 'manharĩ za'ra mono tõ da, ta norĩ hã. အခန်းကိုကြည့်ပါ။ |
1 Timotiu 5:20
15 ပူးပေါင်းရင်းမြစ်များ
Tawamhã Pedruhu mreme te te wapari wi, ma tô waptãrã ti'ai wa, Anania hã. Waptã'ã wamhã, ma tô dârâ. Tawamhã ipréduptém norĩ hã ma tô sô tiwahutu za'ra, te te siwi ubu da hã. Taha pari, ma tô duré oto siwi ti'â, te te siwi sẽrẽ da. Tawamhã taha wasu'u hã da te wapari za'ra wamhã, aihĩni pese ma tô tãma tapẽ'ẽwara za'ra ni.
Ma'ãpé, ãne na ãma asipo're pu'u za'ra wa'aba, 'Re ihâimana u'âsi mono te te sima aiwẽ za'ra wa'aba zéb zarina, aiwi irobzei'õ pese za'ra wa'aba zém na hã. Taha zarina, ma tô oto asiwaihu'u za'ra wa'wa, uburé iwasédé hã 'râwi asiwi wẽ'õ pese za'ra wa'aba da. Tahawa, ma tô oto asima iwẽ uptabi za'ra wa'wa, aiwasédé hã 're i'manharĩ za'ra wa'aba mono zém na ĩma asiwasu'u za'ra wa'aba da, apâ asima ropese za'ra wa'aba da. Ma tô duré asiwẽ'õ pese za'ra wa'wa, aiwasédé hã aima ihâimana za'ra wa'aba zém na hã. 'Re ihâimana u'âsi mono nhimihâzém na, isadawa para ĩmreme na te aihâ za'ra wa'aba õ'umnhasite, ma tô ĩma aipahi za'ra wa'wa. Tane nherẽ, ma tô asima ĩwẽ za'ra wa'wa oto, apâ ãma atẽme ĩmorĩ aba da, wasisabu su'u za'ra da. I'uwaibaba na si, niha ãma rosa'rata za'ra wa'aba da, ma tô asi'madâ'â za'ra wa'wa, aibâ hã tiwasédé te te i'manharĩzém na hã asiwi wẽ'õ za'ra wa'aba da. Tahawa, aiwasédé hã ãma 'manharĩ za'ra wa'aba õ di. Ãne, wa tô ã hawim nherẽ ãma aiwaihu'u za'ra wa'wa.
Ãne Imeneusi norĩ hã te oto 're tineb zahuré, Alesãdrihi me. Tahawa, wa tô a'â tãma hâiba za'ré zahuré, Satanasihi ma, robzei'õ hã a'â te te sina waihu'u zahuré da. E marĩ da. Roti tô sena upana te te dama 're rowasu'u zahuré mono tõ da, taha u'âbâ te te 're wẽ'õ zahuré mono tõ da, 'Re ihâimana u'âsi mono hã.
Ĩnhimiroti zarina si, te za 're ida'apawapto mo, Wanhib'apito ãma 're danomro wẽ mono da. 'Re danomro wasété mono tõ da, te za dawi 're i'azawi pese mo. Wanhib'apito zadawa para te za aimreme pire na si dama 're i'aroti mo, asimiroti wapu wa, da te dasiwi 're aiwẽ'õ mono tõ da, dama 're i'aroti mono zém na hã.
ကြော်ငြာတွေ