1 Timotiu 5:14 - ꞌRe Ihâimana Uꞌâsi Mono Zadawa Wasuꞌu

¹⁴ Tahawa, wa tô ĩsima wẽ za'ra, duré apâ timro na te te 're sahu za'ra mono da, pi'õi mrotõ hâiba tém norĩ hã. Te za duré apâ 're 'ra za'ra. Tawamhã tinhorõwa ãma te za ti'ra norĩ hã te te 're 'madâ'â pese za'ra. Ãne dama 're hâimana wẽ za'ra mono wamhã, damreme hã te te sina 're 'rã'õtõ za'ra mono õ di za, wazawi'õ'wa norĩ mreme hã.

1 Timotiu 5:14 ပူးပေါင်းရင်းမြစ်များ

Zenezi 18:6

Tawamhã Abra'ãhã ma tô si'aba'ré na 'ri para u hã ãzé, Saraha tẽme. Sébré wamhã, ma tô ãne tãma tinha: — Ma'ãpé, ai'aba'ré na 10 kilu na ipire pibuzém na trigu 'mai'âri, i'u'ẽtẽ wapu waptu na 'ma'manharĩ da.

Zenezi 18:9

Tawamhã imro zô, te ãne duré siwi sadanha: — E mahãta aimro, Sara hã. — 'Ripara te nhamra. — Ãne te asa tãma wasu'u za'ra.

Provébiu 14:1

Pi'õ i'rãi waihu'u wẽ hã tinhorõwa 'madâ'â wẽ 'wa na te za 're hâimana. Tane nherẽ, isimiza'rese'õ sihawim na tinhib'rata na tinhorõwa 'remhã romhâimanazé iwẽ te za te te 're a'uprosi pese.

Daniéu 6:4

Tahawa, isiré dama ipire norĩ, duré dama i'rãnho'õmo norĩ, ma tô Daniéu hã te te siwi 're pibu, niha isimi'madâ'âzéb 'remhã marĩ hã te te ãma siwi sãmri wasété wa, iwasédé te te ãma siwi hiri da. Tane nherẽ, marĩ hã te te ãma siwi sãmri õ di, sena na duré i'uwaibaba na si 're hâimana mono wa. Tahawa, ni'wa hã te te marĩ i'manharĩ wasété na duré te te ãma i'upa na te te ãma wasété waihu'u õ di.

Roma 14:13

Tahawa, wasiré isazei'wa nherẽ, 're iwasiwẽ'õ za'ra mono zé hã wa za oto rẽme pese za'ra ni. Ãne zô si, te za asina 're asõpré wa'aba mo, marĩ iwẽ hã 're i'manharĩ za'ra wa'aba mono zéb zô. Marĩ hã 're 'manharĩ za'ra wa'aba mono ré, asiré isazei'wa norĩ hã te te 're ai'madâ'â za'ra wa'aba mono wa, asarina wa'aba tiwasété na 're si'marõpãrĩ tõ za'ra mono da, te za marĩ iwẽ si 're i'manharĩ u'âsi za'ra wa'aba mo.

2 Corĩtu 11:12

Zezusihi zadawa wasu'u'wa newa, tô senai'õ na te te dama 're iroti za'ra mono norĩ hã, aiwa ĩsine hã te te dama 're iromhuri za'ra mono na dama 're siwasu'u za'ra mono tõ da, wa za tô ĩpawa'âbâ ãna te 're da'apawaptob u'âsi.

1 Timotiu 2:8

Wa za oto aima waihu'u, te ĩsima 're ida'awẽ mono zém na hã. Aibâ norĩ hã nimame 're ihâimana za'ra mono zé mono bâ te za 're mreme zusi, 'Re ihâimana u'âsi mono ma. Ta norĩ hã dama 're hâimana wẽ za'ra mono wamhã, te za tãma 're mreme zusi, tãma 're simiwẽ za'ra mono sina, hâiwa u, te te 're da'ruiwapari za'ra mono ãna, duré tizadawa na 're isi'wapé za'ra mono ãna.

1 Timotiu 4:3

Ta norĩ hã te za dasina 're idamro za'ra mono zé hã dawi sawi za'ra, dasina 're damro za'ra mono tõ da, dasiwaprosi 're dahâimana za'ra mono da. Te za duré dasazé hã dawi sawi za'ra, marĩ mono bâ 're dasaihuri tõ mono da, 'Re ihâimana u'âsi mono hã uburé dasazé hã te te apoto mono nherẽ, ãma 're idasaihuri mono zéb da hã. Isazei'wai mono bâ wama waihu'u pese za'ra di, dasazém na isimiroti hã. Ãne wa, sõpru wa, ãma 're wawata za'ra mono pari, wa za isimipoto na 're wasaihuri.

1 Timotiu 5:11

Pi'õi mrotõ hâiba tém norĩ nhisi na ihi norĩ nhisi zu, ãma 're rob'ui'éré za'ra mono õ di za. E marĩ wa. Ãté hâiba téb uptabi ré, 're mrotõ za'ra mono wa, te za te te sima 're wẽ za'ra, timro na te te 're sahu za'ra mono da. Ãté Cristuhu ma si te te 're romhuri za'ra mono da, te te sima 're wẽ za'ra mono õ di za oto.

1 Timotiu 6:1

Iwada'uri zarina si, pawa'âbâ ãna dama romhuri'wa norĩ hã te za ti'madâ'â'wa hã isimiroti na te te 're wazéb za'ra. Ãne 're hâimana za'ra mono õ wamhã, ãté te za 'Re ihâimana u'âsi mono nhisi na da te ãma 're wasété za'ra. Ãté wa'ãma zama te za duré da te 're wasété za'ra, isazei'wa norĩ ma, wa te 're roti wasété za'ra mono newa.

Titu 2:5

Te za sina 're siptete za'ra, 're nomro wẽ mono da, i'ra ré norĩ hã. 'Ri 're, romhuri wẽ 'wa te za 're hâimana za'ra. Duré timro mreme te za te te 're 'madâ'â pese za'ra. Tawamhã da te tãma 're nharĩ wasété za'ra mono õ di za, 'Re ihâimana u'âsi mono nhimiroti na oto 're nomro wẽ mono wa, i'ra ré norĩ hã.

Titu 2:8

Iwasu'u uwaibaba si, te za dama 're irowahutu mo, da te aima 're nharĩ za'ra mono tõ da, taré da te aima 're nharĩ za'ra mono wa, timreme niwĩ wawẽ'õ'wa norĩ hã 're siséb za'ra mono da.

Hebreu 13:4

Imro ré norĩ hâimanazé hã te za 're iwazé pese za'ra wa'aba mo, 'Re ihâimana u'âsi mono ma, ta hã pire uptabi wa. Aimro si te za asima 're i'madâ'â u'âsi za'ra wa'aba mo. E marĩ wa. Ni'wam norĩ hã tihâiba na tiwasédé te te 're 'manharĩ za'ra mono wamhã, 'Re ihâimana u'âsi mono hã te za ta norĩ te te 're hâ za'ra. Duré ni'wam norĩ hã mro ré nherẽ, imro'õ hâiba na 're sipsaihuri za'ra mono wamhã, te za ta norĩ hã duré te te 're ahâ za'ra, 'Re ihâimana u'âsi mono hã.