1 Timotiu 2:9 - ꞌRe Ihâimana Uꞌâsi Mono Zadawa Wasuꞌu

^9-10 Pi'õ norĩ hã, aibâ norĩ te te sima 're 'madâ'â ze za'ra mono da, dama 're si'uza wamnarĩ za'ra mono õ di za. Duré dama 'madâ'â ze da, 're siséré tété wẽ za'ra mono da hã mare di za. Duré tinho'rebzui wẽ na si, sima 're isipese za'ra mono õ di za. Duré tinhipsisi wẽ na si, sima 're isipese za'ra mono da hã mare di za. Duré da'uzazé iwa'âbâ za'ẽtẽ na si, 're isi'uza za'ra mono da hã mare di za. Dama rob'manharĩ wẽ zéb zô si, te za sina 're sõpré, 'Re ihâimana u'âsi mono nhimiroti 'madâ'â'wa na 're isiwasu'u za'ra mono zéb zarina.

1 Timotiu 2:9 ပူးပေါင်းရင်းမြစ်များ

Zenezi 24:53

Tawamhã ma tô ẽtẽ waipo prã prata 'manharĩ hã, duré ẽtẽ waipo pré oru 'manharĩ hã, da'uzazé ihâpa siré tãma sõmri za'ra, Rebecaha ma. Tawamhã ihitébré norĩ ma zama ina me hã ma tô taré marĩ iwa'âbâ za'ẽtẽ na hã ãma tãma tinhoprub zahuré.

Provébiu 31:22

Tinhimiwaptâ ubuzé hã te duré te te sima 're ab'manharĩ. Abazi isõrõ 'raprihâire 'manharĩ na si te duré 're si'uza, ihâpré warõ iwa'âbâ za'ẽtẽ na si.

Provébiu 31:25

Siptete di. Duré dama hã wazé pese di. Hâtâ'â waihu'u õ di, niwa romhutu'õ wab da hã.

Provébiu 7:10

Tawamhã pi'õ hã simirosa'rata nhipese na ma tô sô watobro, te te sõpẽtẽ da hã, pi'õ iwa'âbâ zô 're isisõmri mono, 're isi'uza za'ra mono zéb ré.

Mateu 11:8

E uza wẽ na 're si'uza mono wa, ma tô itẽme 're anomro aba mo, 're sabu za'ra wa'aba mono da. Mare di. Uza wẽ na 're si'uza mono õ di. Uza wẽ ré 're inomro mono norĩ si hã, te danhib'apito nhorõwa ãma 're si'ubumro, 'ri 'rãihâ ãmap si.